ສຳນັກຂ່າວຕ່າງປະເທດ ລາຍງານໃນວັນທີ 5 ເມສານີ້ວ່າ ເກີດເຫດການໂຈມຕີ ດ້ວຍມືລະເບີດຂ້າຕົວຕາຍ ຢ່າງໜ້ອຍ 10 ຄົນ ໃສ່ກອງກຳລັງຄວາມໝັ້ນຄົງຂອງອີຣັກ ແລະ ກອງກຳລັງຕິດອາວຸດ ຊາວມຸດສະລິມຊີອະ ທີ່ເປັນພັນທະມິດຂອງລັດຖະບານອີຣັກ ໃນຫລາຍພື້ນທີ່ທົ່ວປະເທດ ເປັນເຫດເຮັດໃຫ້ມີຜູ້ເສຍຊີວິດແລ້ວ ຢ່າງໜ້ອຍ 25 ຄົນ ໂດຍກຸ່ມລັດອິດສະລາມ ຫລື ກຸ່ມໄອເອັສ ອອກມາອ້າງເປັນຜູ້ຢູ່ເບື້ອຫລັງເຫດໂຈມຕີ.

ຈຸດທີ່ມີຜູ້ເສຍຊີວິດຫລາຍທີ່ສຸດ ແມ່ນຢູ່ຮ້ານອາຫານແຫ່ງໜຶ່ງ ທີ່ມີກຸ່ມຕິດອາວຸດຊາວຊີອະ ຊຶ່ງເປັນຝ່າຍກົງກັນຂ້າມກັບກຸ່ມໄອເອັສ ມັກເຂົ້າໄປໃຊ້ບໍລິການ ໂດຍຄົນຮ້າຍໄດ້ຈູດລະເບີດພາຍໃນຮ້າຍ ເຮັດໃຫ້ມີຜູ້ເສຍຊີວິດ 14 ຄົນ, ສ່ວນການບຸກໂຈມຕີອື່ນໆ ແມ່ນເກີດຂຶ້ນຢູ່ເມືອງບາສະຣາ, ນະຄອນຫລວງແບກແດດ ແລະ ເມືອງມາຊາດາ ທາງພາກເໜືອຂອງປະເທດ.