ສຳນັກຂ່າວຕ່າງປະເທດ ລາຍງານໃນວັນທີ 4 ເມສານີ້ວ່າ ໃນວັນທີ 3 ເມສາ 2016 ກຸ່ມຕິດອາວຸດຕໍ່ຕ້ານລັດຖະບານ ໄດ້ບຸກໂຈມຕີເມືອງອະເລບໂປ ເມືອງໃຫຍ່ອັນດັບສອງຂອງຊີຣີ ແລະ ພື້ນທີ່ອື່ນໆທາງພາກເໜືອ ສົ່ງຜົນເຮັດໃຫ້ເຈົ້າໜ້າທີ່ທະຫານຊີຣີ ເສຍຊີວິດຢ່າງໜ້ອຍ 25 ຄົນ ແລະ ຝ່າຍກະບົດ ເສຍຊີວິດ 16 ຄົນ ອັນເປັນການບຸກໂຈມຕີຮອບໃໝ່ ລະຫວ່າງກອງກຳລັງລັດຖະບານຊີຣີ ແລະ ກຸ່ມຕິດອາວຸດ ນັບຕັ້ງແຕ່ມີຂໍ້ຕົກລົງຢຸດຍິງ ທີ່ມີສະຫະລັດອາເມຣິກາ ແລະ ຣັດເຊຍ ເປັນຄົນກາງຊຸກຍູ້ໃຫ້ບັນລຸ ນັບຕັ້ງແຕ່ວັນທີ 27 ກຸມພາ 2016 ຜ່ານມາ ເຮັດໃຫ້ຂໍ້ຕົກລົງດັ່ງກ່າວຖືກສັ່ນຄອນທັນທີ.