spot_img
Homeຂ່າວການສຶກສາໂຮງຮຽນການເມືອງ-ການປົກຄອງແຂວງອຸດົມໄຊ ມອບໃບປະກາສະນີຍະບັດໃຫ້ນັກສຶກສາ ພະແນກສາທາລະນະສຸກ

ໂຮງຮຽນການເມືອງ-ການປົກຄອງແຂວງອຸດົມໄຊ ມອບໃບປະກາສະນີຍະບັດໃຫ້ນັກສຶກສາ ພະແນກສາທາລະນະສຸກ

Published on

ພິທີອັດຊຸດຮຽນ ແລະ ມອບໃບປະກາສະນີຍະບັດໃຫ້ແກ່ນັກສຶກສາວິຊາທິດສະດີການເມືອງ ແລະ ການປົກຄອງຊັ້ນຕົ້ນ ພາກພິເສດ ຮຸ່ນທີ V ຂອງພະແນກສາທາລະນະສຸກແຂວງອຸດົມໄຊ ໄດ້ຈັດຂຶ້ນໃນຕອນແລງວັນທີ 30 ມີນາ 2016 ຜ່ານມາ ຢູ່ທີ່ຫ້ອງປະຊຸມໂຮງຮຽນທິດສະດີການເມືອງ ແລະ ການປົກຂອງ ແຂວງອຸດົມໄຊ.

ໃຫ້ກຽດເປັນປະທານພິທີຄັ້ງນີ້ ແມ່ນທ່ານ ໂອວາດ ຈັນທະວົງ ຄະນະປະຈໍາພັກແຂວງ ຫົວໜ້າພະແນກສຶກສາທິການ ແລະ ກີລາ ຜູ້ຊີ້ນຳຂົງເຂດວຽກງານວັດທະນະທຳ-ສັງຄົມ ມີທ່ານ ດຣ. ວິນິດ ຊານໄຊຢາງ ຮອງເລຂາໜ່ວຍພັກ ຮອງອຳນວຍການໂຮງຮຽນການເມືອງ-ການປົກຄອງແຂວງອຸດົມໄຊ ມີບັນດາພະນັກງານ ຄູ ອາຈານ ນັກສຶກສາ ແລະ ແຂກຖືກເຊີນຈາກໂຮງຮຽນສາທາລະນະສຸກແຂວງ ໂຮງໝໍ ແລະ ອົງການຈັດຕັ້ງຕ່າງໆເຂົ້າຮ່ວມ.

ໃນການດຳເນີນພິທີຄັ້ງນີ້ ບັນດາຜູ້ເຂົ້າຮ່ວມໄດ້ຮັບຟັງການຜ່ານບົດສະຫຼຸບກ່ຽວກັບສະພາບໂດຍຮວມຂອງການສຶກສາທິດສະດີການເມືອງ ແລະ ການປົກຄອງ ຂອງນັກສຶກສາພະແນກສາທາລະນະສຸກ ຊັ້ນຕົ້ນ ຮຸ່ນທີ V ໃນໄລຍະ 3 ເດືອນຜ່ານມາ ໂດຍເລີ່ມຈັດຕັ້ງປະຕິບັດການຮຽນ-ການສອນ ຕັ້ງແຕ່ເດືອນມັງກອນເປັນຕົ້ນມາ ເຊິ່ງມີນັກສຶກສາເຂົ້າຮຽນທັງໝົດ 30 ສະຫາຍ ຍິງ 9 ສະຫາຍ ສ່ວນຫຼັກສູດການຮຽນ ການສອນແມ່ນປະກອບມີທັງໝົດ 9 ວິຊາ 14 ໜ່ວຍກິດ ແລະ 224 ຊົ່ວໂມງ ຫຼັງຈາກນັ້ນ ກໍໄດ້ມີພິທີມອບໃບປະກາສະນີຍະບັດ ໃຫ້ແກ່ນັກສຶກສາທັງໝົດ ເຊິ່ງໃຫ້ກຽດມອບໂດຍທ່ານ ໂອວາດ ຈັນທະວົງ ຄະນະປະຈຳພັກແຂວງ ຫົວໜ້າພະແນກສຶກສາທິການ ແລະ ກີລາແຂວງ.
ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...