ຕອນເຊົ້າມື້ນີ້, ວັນທີ 1 ເມສາ 2016 ເວລາ 4:43 ນາທີ ໄດ້ເກີດເຫດແຜ່ນດິນໄຫວຂຶ້ນໃນບໍລິເວນພາກເໜືອດ້ານຕາເວັນຕົກຂອງລາວ ດ້ວຍຄວາມແຮງ 3.5 ຣິກເຕີ ແລະເລິກລົງໄປພື້ນດິນພຽງແຕ່ 1 ກິໂລແມັດ. ຈຸດໃຈກາງແຜ່ນດິນໄຫວ ຄາດວ່າຢູ່ລະຫວ່າງຊາຍແດນຂອງສາມແຂວງມາຕິດຈອດກັນ (ບໍ່ແກ້ວ, ອຸດົມໄຊ, ໄຊຍະບູລີ) ໄກຈາກຊາຍແດນປະເທດໄທປະມານ 36 ກິໂລແມັດ.
ເບື້ອງຕົ້ນຍັງບໍ່ມີລາຍງານຄວາມຮູ້ສຶກເຖິງການສັ່ນສະເທືອນ, ຄວາມເສຍຫາຍ ຫຼືຜູ້ຄົນບາດເຈັບແຕ່ຢ່າງໃດ. ຖ້າຫາກມີຂ່າວລະອຽດເພິ່ມເຕີມທີມຂ່າວລາວໂພສຕ໌ຈະນຳສະເໜີຕໍ່ໄປ.
ຂໍ້ມູນຈາກ: ສຳນັກຂ່າວໄທ
