spot_img
Homeຂ່າວພາຍ​ໃນເປີດວາງສະແດງສິນຄ້າ ODOP-OTOP ນະຄອນຫລວງວຽງຈັນ - ໜອງຄາຍ ຄັ້ງທີ III ຢູ່ໄອເຕັກມໍ

ເປີດວາງສະແດງສິນຄ້າ ODOP-OTOP ນະຄອນຫລວງວຽງຈັນ – ໜອງຄາຍ ຄັ້ງທີ III ຢູ່ໄອເຕັກມໍ

Published on

ງານວາງສະແດງ ແລະ ຈໍາໜ່າຍສິນຄ້າ ODOP-OTOP ນະຄອນຫຼວງວຽງຈັນ ແລະ ແຂວງໜອງຄາຍ ປະເທດໄທ ຈັດຂຶ້ນລະຫວ່າງ 26 ມີນາ-4 ເມສາ 2016 ທີ່ສູນການຄ້າໄອເຕັກມໍ ຊັ້ນ 4 ນະຄອນຫຼວງວຽງຈັນ ມີທ່ານ ເບີລິນ ເພັດຈັນທະຣາດ ຫົວໜ້າພະແນກອຸດສາຫະກໍາ ແລະ ການຄ້າ ນະຄອນຫຼວງວຽງຈັນ ທ່ານ ປະສົງ ຄົງເຄົາລົບທໍາ ຮອງເຈົ້າແຂວງໜອງຄາຍ ແລະ ຜູ້ປະກອບການເຂົ້າຮ່ວມ.

ງານສະແດງ ແລະ ຈໍາໜ່າຍສິນຄ້າຂອງແຂວງໜອງຄາຍ ຫົວຂໍ້: ໜຶ່ງຕໍາບົນໜຶ່ງຜະລິດຕະພັນ ໄດ້ດໍາເນີນໂຄງການມາເປັນເວລາ 16 ປີ ໂດຍໃຊ້ງົບປະມານຂອງສໍານັກງານພັດທະນາຊຸມຊົນ ແຂວງໜອງຄາຍ ສ່ວນການຈັດງານສະແດງ ແລະ ຈໍາໜ່າຍສິນຄ້າຮ່ວມກັບນະຄອນຫຼວງວຽງຈັນ ໃນຫົວຂໍ້: ງານວາງສະແດງ ແລະ ຈໍາໜ່າຍຜະລິດຕະພັນ OTOP-ODOP ມິດຕະພາບ ໜອງຄາຍ-ນະຄອນຫຼວງວຽງຈັນ ຈັດຂຶ້ນເປັນປີທີ 3.

ຈຸດປະສົງຂອງການຈັດງານ ເພື່ອເປັນການແລກປ່ຽນບົດຮຽນພູມປັນຍາທ້ອງຖິ່ນ ລະຫວ່າງໜອງຄາຍ-ນະຄອນຫຼວງວຽງຈັນ ສົ່ງເສີມສ້າງສາຍພົວພັນມິດຕະພາບ ແລະ ສົ່ງເສີມການຜະລິດຂອງຜູ້ປະກອບການຫົວໜ່ວຍທຸລະກິດໂອດ໋ອບ ແລະ ໂອທ໋ອບ ໃນການເຊື່ອມໂຍງປະຊາຄົມເສດຖະກິດອາຊຽນ.

ສໍາລັບງານວາງສະແດງຄັ້ງນີ້ ມີຫົວໜ່ວຍທຸລະກິດຜະລິດສິນຄ້າໂອດ໋ອບ 17 ຫົວໜ່ວຍ ລວມ 20 ຫ້ອງ ຈາກ 9 ເມືອງຂອງນະຄອນຫຼວງວຽງຈັນ ແລະ ສິນຄ້າໂອທ໋ອບ 40 ຫ້ອງຈາກແຂວງໜອງຄາຍ ລວມທັງໝົດມີ 60 ຫ້ອງ ເຊິ່ງຜະລິດຕະພັນຈະມີສິນຄ້າອຸປະໂພກ-ບໍລິໂພກຢ່າງຫຼວງຫຼາຍ ທີ່ມີຄຸນະພາບມາວາງຂາຍ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...