spot_img
Homeຂ່າວຕ່າງປະເທດກຳປູ​ເຈຍ​ເກືອບທົ່ວປະເທດປະ​ເຊີນ​ໄພ​ແລ້ງ-​ຂາດ​ແຄນ​ນໍ້າ

ກຳປູ​ເຈຍ​ເກືອບທົ່ວປະເທດປະ​ເຊີນ​ໄພ​ແລ້ງ-​ຂາດ​ແຄນ​ນໍ້າ

Published on

ຊິນຫວາລາຍງານວ່າ ເກືອບ​ທຸກ​ແຂວງ​ໃນ​ກຳປູ​ເຈຍ​ກຳລັງ​ປະ​ເຊີນ​ໄພ​​ແຫ້ງແລ້ງ​ໃນ​ຫຼາຍ​ລະດັບ ​ແຕ່​ມີ​ບາງ​ແຂວງ​ທີ່​ປະສົບ​ພາວະ​ຂາດ​ແຄນ​ນ້ຳ​ຮຸນ​ແຮງ.

ຜູ້ອຳນວຍ​ການກົ​ມອຸຕຸນິຍົມ​ກະຊວງ​ຊັບພະຍາກອນ​ນໍ້າ​ແລະອຸຕຸນິຍົມ​ວິທະຍາລາຍງານວ່າ ປະຈຸ​ບັນ​ນີ້​ແຂວງ​ກຳ​ປົງ​ຈາມ ບ້ານ​ໃຕ້​ມີ​ໄຊ ອຸດອນ​ມີ​ໄຊ ​ແລະ ກຳ​ປົງ ປະ​ເຊີນ​ກັບ​ພາວະ​ຂາດ​ແຄນ​ນ້ຳ ດ້ວຍ​ລະດັບ​ນ້ຳ​ໃນ​ບໍ່ ​ແລະ ໜອງ​ຕ່າງ​ໆ​ເລີ່​ມຫຼຸດ​ລົງ​ຈົນ​ບໍ່​ສາມາ​ດນຳ​ມາ​ໃຊ້​ໄດ້​ອີກ ໂດຍ​ກະຊວງ​ໄດ້​ແຈ້ງ​ຕໍ່​ປະຊາຊົນ​ໃຫ້​ສຳຮອງ​ນ້ຳ ​ແລະ ຫຼຸດ​ການ​ໃຊ້​ໃຫ້​ເຫຼືອ​ເທົ່າ​ທີ່​ຈຳ​ເປັນ​ໃນ​ແຕ່​ລະ​ມື້​ໃນ​ລະດູ​ຮ້ອນ​ນີ້ ​ປະກາດ​ແຈ້ງ​ໃຫ້​ປະຊາຊົນ​ທຸກ​ຄົນ​ປະຢັດ​ນ້ຳ​ຈົນ​ກວ່າ​ຈະ​ເຖິງລະ​ດູ​ຝົນ ​ແລະ ຮຽກຮ້ອງ​ໃຫ້​ທຸກ​ຄົນ​ໃຫ້​ຄວາມ​ສົນ​ໃຈ​ຕໍ່​ສຸຂະພາບ​ຂອງ​ຕົນ​ເອງ​ດ້ວຍ​ການ​ດື່ມ​ນ້ຳ​ໃຫ້​ພຽງພໍ​ໃນ​ລະດູ​ຮ້ອນ, ​ແຂວງ​ທີ່ຢູ່​ຫ່າງ​ໄກ​ທີ່​ສຸດ​ກຳລັງ​ພົບ​ກັບ​ການ​ຂາດ​ແຄນ​ນ້ຳ​ຢ່າ​ງຮຸນ​ແຮງ ປະຊາຊົນ​ຈຳນວນ​ຫຼາຍ​ອາ​ໄສ​ຢູ່​ພື້ນ​ທີ່​ຫ່າ​ງ​ໄກ​ຈາກ​​ແຫຼ່ງນ້ຳ​ກຳລັງ​ເດືອດຮ້ອນ ​ໂດຍ​ກະຊວງ​ພະຍາຍາມ​ທີ່​ຈະ​ສ້າງ​ອ່າງ​ເກັບ​ນ້ຳ​ແລະຂຸດ​ສະ​ໃຫ້​ແກ່​ປະຊາຊົນ​ທີ່​ບໍ່​ມີ​ແຫຼ່ງນ້ຳ.

ກຳປູ​ເຈຍ​ບໍ່ແມ່ນປະ​ເທດ​ດຽວ​ທີ່​ປະ​ເຊີນ​ຕໍ່​ພາວະ​ຂາດ​ແຄນ​ນ້ຳ ຍັງມີອີກຫຼາຍ​ປະ​ເທດ​ຕາມ​ແມ່​ນ້ຳຂ​ອງ​ເຊັ່ນ: ສປປ ລາວ ສສ ຫວຽດນາມ ​ໄທ ​ແລະ ບາງ​ສ່ວນ​ຂອງ​ຈີນ ກໍາລັງ​ປະ​ເຊີນ​ຕໍ່ສະຖານະ​ການ​ດຽວ​ກັນ, ​ເຈົ້າ​ໜ້າ​ທີ່​ອາວຸ​ໂສ​ຂອງ​ກຳປູ​ເຈຍ​ໄດ້​ກ່າວ​ຍ້ອງຍໍ​ຈີນ​ທີ່​ປ່ອຍ​ນ້ຳ​ຈາກ​ເຂື່ອນ ລົງ​ສູ່​​ແມ່​ນ້ຳຂອງ​ເພີ່​ມຂຶ້ນ​​ໃຫ້​ແກ່​ປະ​ເທດ​ທີ່ປະສົບ​ໄພ​ແຫ້ງ​ແລ້ງ​ຕັ້ງ​ແຕ່​ວັນ​ທີ 15 ມີນາ​ຈົນ​ເຖິງ 10 ​ເມສາ.

ເມື່ອບໍ່ດົນມານີ້ ເນື່ອງຈາກໄພແຫ້ງແລ້ງ ຈີນໄດ້ປ່ອຍນໍ້າໃຫ້ແກ່ປະເທດຕາມແລ້ວແມ່ນໍ້າຂອງ ຊຶ່ງທ່າທີຂອງຈີນໄດ້ຮັບຄວາມຍ້ອງຍໍຈາກບັນດາຜູ້ນຳປະເທດລຸ່ມແມ່ນໍ້າຂອງ, ລັດຖະມົນຕີປະຈຳສຳນັກນາຍົກລັດຖະມົນຕີຂອງກຳປູເຈຍກ່າວ.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...