spot_img
Homeຂ່າວຕ່າງປະເທດເຟດຊີ້ ເສດຖະກິດສະຫະລັດເຕີບໂຕປານກາງ ແຕ່ຍັງມີຄວາມສ່ຽງ

ເຟດຊີ້ ເສດຖະກິດສະຫະລັດເຕີບໂຕປານກາງ ແຕ່ຍັງມີຄວາມສ່ຽງ

Published on

ເຟດຄົງອັດຕາດອກເບ້ຍ ພ້ອມສົ່ງສັນຍານວ່າ ຈະມີການຂຶ້ນດອກເບ້ຍບໍ່ເກີນສອງຄັ້ງກ່ອນໝົດປີ ຫຼື ເຄິ່ງໜຶ່ງຂອງທີ່ເຄີຍຄາດການໄວ້ເມື່ອເດືອນທັນວ່າປີຜ່ານມາ ລະບຸ ເສດຖະກິດອາເມລິກາເຕີບໂຕປານກາງ ແລະການຈ້າງງານມີທ່າອຽງຟື້ນຕົວຕໍ່ເນື່ອງ ແຕ່ອາເມລິກາຍັງປະເຊີນຄວາມສ່ຽງຈາກຄວາມບໍ່ແນ່ນອນຂອງເສດຖະກິດໂລກ.

ຖະແຫຼງການຂອງທະນາຄານກາງສະຫະລັດ (ເຟດ) ທີ່ອອກມາເມື່ອວັນພຸດ (17) ລະບຸວ່າ ມີດັດຊະນີຫຼາຍຕົວຊຶ່ງລວມເຖິງການຈ້າງງານແບບເຂັ້ມແຂງ ຊີ້ໃຫ້ເຫັນວ່າ ຕະຫຼາດແຮງງານແຂງແກ່ນຫຼາຍຂຶ້ນ ແລະອັດຕາເງິນເຟີ້ຫຍັບຂຶ້ນໃນໄລຍະບໍ່ເທົ່າໃດເດືອນມານີ້.

ຢ່າງໃດກໍຕາມ ເສດຖະກິດໂລກແລະພັດທະນາການດ້ານການເງິນຍັງມີຄວາມສ່ຽງ ອັນຈະເຮັດໃຫ້ອັດຕາເງິນເຟີ້ຍັງຢູ່ໃນລະດັບຕໍ່າຕໍ່ໄປຕະຫຼອດໄລຍະເວລາທີ່ເຫຼືອຢູ່ຂອງປີນີ້, ຖະແຫຼງການລະບຸ.

ໃນລະຫວ່າງຖະແຫຼງຂ່າວ ເຈເນັດ ເຢລເລນ ປະທານຜູ້ວ່າການເຟດ ກ່າວວ່າ ຍັງຕ້ອງຖ້າເບິ່ງກັນຕໍ່ໄປວ່າ ອັດຕາເງິນເຟີ້ທີ່ແທ້ຈິງ ຊຶ່ງບໍ່ລວມລາຄາພະລັງງານແລະອາຫານຂອງອາເມລິກາຈະຫຍັບຂຶ້ນແບບຍືນຍາວຫຼືບໍ່.

ທັງນີ້ ບັນດາຜູ້ວາງນະໂຍບາຍເຟດຄາດວ່າ ການເຕີບໂຕທາງເສດຖະກິດຈະຫຼຸດຜ່ອນລົງ ແລະເງິນເຟີ້ຈະຫຼຸດລົງໃນປີນີ້ ແລະຫຼຸດການປະມານການອັດຕາການກູ້ຢືມເປົ້າໝາຍໃນໄລຍະຍາວໄວ້ທີ່ 3,30% ຈາກ 3,5% ບົ່ງບອກວ່າ ເສດຖະກິດຍັງຟື້ນຕົວຊ້າ.

ທ່າອຽງດອກເບ້ຍທີ່ປະກາດຄັ້ງນີ້ ປ່ຽນແປງຈາກທີ່ເຟດເຄີຍຄາດໄວ້ຕອນທີ່ຂຶ້ນດອກເບ້ຍຄັ້ງທຳອິດໃນຮອບເກືອບທົດສະວັດເມື່ອເດືອນທັນວາວ່າ ຈະມີການຂຶ້ນດອກເບ້ຍ 4 ຄັ້ງໃນປີນີ້ ກ່າວຄືຜູ້ວາງນະໂຍບາຍສ່ວນໃຫຍ່ໃນຂະນະນີ້ຄາດວ່າ ອັດຕາດອກເບ້ຍເມື່ອໝົດປີຈະຢູ່ທີ່ 0,9% ຊີ້ໃຫ້ເຫັນວ່າ ຈະບໍ່ມີການຂຶ້ນດອກເບ້ຍເກີນ 2 ຄັ້ງ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...