spot_img
Homeຂ່າວຕ່າງປະເທດບໍລິສັດສຳຫຼວດ ອອສເຕຣເລຍ ວ່າ ​ເຮືອບິນ ທີ່ຫາຍ​ສາບ​ສູນ​ ​ອາດຈະຕົກ ທີ່ອ່າວ​ Bangal

ບໍລິສັດສຳຫຼວດ ອອສເຕຣເລຍ ວ່າ ​ເຮືອບິນ ທີ່ຫາຍ​ສາບ​ສູນ​ ​ອາດຈະຕົກ ທີ່ອ່າວ​ Bangal

Published on

0

ບໍລິສັດ​ສຳ​ຫຼວດທາງພາກພື້ນ​ດິນ​ແລະ​ທະ​ເລຂອງເອກກະຊົນ ບໍລິສັດນຶ່ງ ກ່າວ​ວ່າ ຕົນ​ໄດ້ພົບ​ເຫັນວັດຖຸ ທີ່ອາດເປັນໄປໄດ້
ມາຈາກເຮືອບິນ​ໂດຍສານມາ​ເລ​ເຊຍທີ່​ໄດ້​ຫາຍ​ສາບ​ສູນ​ ​ໃນບໍລິເວນອ່າວ​ Bangal.

​ສະຖານ​ທີ່​ ທີ່ໄດ້ລະບຸໂດຍບໍລິສັດ​ GeoResonance ແມ່ນຫຼາຍ​ພັນກິ​ໂລ​ແມັດຫ່າງໄປຈາກສະຖານ​ທີ່ ທີ່ພວມຊອກຄົ້ນ
​ຫາໃນ​ປະຈຸ​ບັນ​ນີ້ ຊຶ່ງ​ຢູ່​ນອກແຄມ​ຝັ່ງ​ທະ​ເລ ທາງກໍ້າ​າຕາ​ເວັນ​ຕົກ​ສຽງ​ໃຕ້ຂອງ​ອອສ​ເຕ​ຣເລຍ.

ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ມາ​ເລ​ເຊຍ ທ່ານ Hishammuddin Hussein ກ່າວວ່າ ​ທາງ​ເຈົ້າ​ໜ້າ​ທີ່​ແມ່ນ​ກຳລັງ​ກວດ​ພິສູດ ​ການ​ກ່າວ​ອ້າງ​ຂອງທາງ​ບໍລິສັດອອສ​ເຕຣເລຍ ດັ່ງກ່າວນີ້.

​ແຕ່​ວ່າພະແນກການຂອງອອສ​ເຕ​ຣເລຍ ​ທີ່ເປັນຜູ້​ປະສານງານກັບ​ຫຼາຍ​ໜ່ວຍ​ງານ ຕ່າງໆ ໃນ​ການຊອກຄົ້ນ​ຫາ ຂອງຫຼາຍໆ​ປະ​ເທດນັ້ນ ​ບໍ່ໄດ້ໃຫ້ຄວາມສຳຄັນຕໍ່ລາຍ​ງານ​ດັ່ງກ່າວ ​ໂດຍ​ເວົ້າ​ວ່າ ຕົນ “ພໍ​ໃຈ” ກັບ​ການ​ຄົ້ນ​ຫາໃນ​ສະຖານ​ທີ່​ຊອກຄົ້ນ​ຫາ ​ຢູ່​ໃນ​ຂະນະ​ນີ້.

ບັນດາ​ນັກ​ສືບສວນ​ສອບ​ສວນ ໄດ້ກຳນົດສະຖານ​ທີ່​ຊອກຄົ້ນ​ຫາ​ຢູ່​ໃນ​ຂະນະ​ນີ້ ​ໂດຍອິງຕາມຂໍ້​ມູນຈາກ​ດາວ​ທຽມ ​ແລະອັນ​ທີ່​ພວກເຂົາ​ເຈົ້າ​ເຊື່ອ​ວ່າ ​ເປັນ​ສັນຍານຈາກເຄື່ອງ​ບັນທຶກ​ຂໍ້​ມູນ​ ຂອງເຮືອບິນລຳ​ດັ່ງກ່າວ.

ບໍລິສັດ​ GeoResonance ​ໄດ້​ນຳ​ໃຊ້​ລະບົບ​ເທັກໂນໂລຈີການເກັບ​ກຳພາບ​ແລະກຳ
ມັນຕະພາບລັງສີເພື່ອ​ຄົ້ນ​ຫາວັດຖຸຕ່າງໆໃຕ້ພື້ນ​ທະ​ເລ ​ເຊັ່ນ ທາດອາ​ລູມີ​ນຽມ​, ໄທເທ
ນຽມ ​ແລະ​ນ້ຳມັນເຮືອບິນອາຍພົ່ນ ທີ່​ເປັນ​ຂອງ​ເຮືອບິນ Boeing 777 ນັ້ນ.

ທາງບໍລິສັດ​ ກ່າວ​ວ່າ ຕົນ​ຍັງ​ບໍ່​ພ້ອມ​ທີ່​ຈະ​ເປີດ​ເຜີຍວ່າ​ວັດຖຸທີ່ຕົນໄດ້​ຄົ້ນ​ພົບນັ້ນເປັນ​ຂອງ​ເຮືອບິນມາເລເຊຍ​ທີ່​ຫາຍ​ໄປຫຼື​ບໍ່ ​ແຕ່​ກໍກ່າວ​ວ່າ ຕົນ​ຢາກ​ໃຫ້​ເຈົ້າໜ້າສືບສວນກວດກາເບິ່ງ ການພົບເຫັນດັ່ງກ່າວນັ້ນ.

ບົດຄວາມຫຼ້າສຸດ

ປິດລົງຢ່າງເປັນທາງການ ກອງປະຊຸມສະມັດຊາໃຫຍ່ ໄອປາ ຄັ້ງທີ 45

ກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 45 ພາຍໃຕ້ຄຳຂວັນ: “ບົດບາດຂອງລັດຖະສະພາໃນການຊຸກຍູ້ການເຊື່ອມຈອດ ແລະ ການເຕີບໂຕແບບກວມລວມຂອງອາຊຽນ” ໄດ້ອັດລົງດ້ວຍຜົນສຳເລັດຢ່າງຈົບງາມ ໃນຕອນບ່າຍ ວັນທີ...

ພິທີເຊັນສັນຍາໂຄງການປັບປຸງເສັ້ນທາງເທດສະບານເມືອງວັງວຽງ

ໂຄງການປັບປຸງເສັ້ນທາງພາຍໃນເທດສະບານຄືນໃຫມ່ເມືອງວັງວຽງ ແຂວງວຽງຈັນ ແມ່ນໂຄງການຫນຶ່ງໃນຈໍານວນ 4 ໂຄງການຍ່ອຍ ທີ່ຈັດຕັ້ງປະຕິບັດຢູ່ແຂວງວຽງຈັນ ພາຍໃຕ້ການສະຫນັບສະຫນູນຈາກໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ ອະນຸພາກພື້ນແມ່ນໍ້າຂອງ ໄລຍະ 2. ໃນວັນທີ 17 ຕຸລາ 2024 ທີ່ເມືອງວັງວຽງ,...

ອຸດົມໄຊລົງກວດ ອາຫານແຊ່ແຂງທີ່ໝົດອາຍຸ ແລະ ພືດ-ຜັກ ຫ້າມນໍາເຂົ້າຈາກຕ່າງປະເທດ

ວັນທີ 16 ຕຸລາ 2024 ພະແນກອຸດສາຫະກໍາ ແລະ ການຄ້ານໍາພາໂດຍ ທ່ານ ສອນເພັດ ບຸນທະຈິດຫົວໜ້າຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າ ສົມທົບກັບພະແນກກະສິກໍາ...

ການພົບປະ ລະຫວ່າງ ສະພາແຫ່ງຊາດລາວ-ລັດຖະສະພາໄທ

ໃນວັນທີ 21 ຕຸລາ 2024 ນີ້, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ວັນມູຫະມັດນໍ...