ເຣ ທອມລິນສັນ ນັກຂຽນໂປຣແກຣມຊາວອາເມລິກາ ຜູ້ຄິດຄົ້ນການສົ່ງໄປສະນີເອເລັກໂຕຣນິກ ຫຼື ອີເມລທີ່ນິຍົມກັນໃນປະຈຸບັນ ເສຍຊີວິດດ້ວຍພາວະຫົວໃຈລົ້ມເຫຼວ ໃນອາຍຸ 74 ປີ ເມື່ອວັນເສົາທີ 5 ມີນາທີ່ຜານມາ.

ເຂົາໄດ້ຮັບການຍົກຍ້ອງເປັນຜູ້ຄິດຄົ້ນການນຳໃຊ້ອີເມລເປັນຄັ້ງທຳອິດໃນປີ ຄສ 1971 ຊຶ່ງຢູ່ໃນຍຸກເລີ່ມຕົ້ນຂອງການນຳໃຊ້ລະບົບເຄືອຂ່າຍຄອມພິວເຕີ ລາວຄິດຄົ້ນລະບົບການສົ່ງຂໍ້ຄວາມອີເມລນີ້ຂຶ້ນມາໃນຂະນະທີ່ເຮັດວຽກໃນບໍລິສັດແຫ່ງໜຶ່ງ ນອກຈາກນີ້ ຍັງຄິດຄົ້ນການໃຊ້ສັນຍະລັກ @ ເພື່ອສົ່ງຂໍ້ຄວາມອີກດ້ວຍ.