ໃນວັນທີ 25 ກຸມພາ 2016 ໄດ້ມີກອງປະຊຸມສະຫຼຸບວຽກງານປັບປຸງທຸລະກິດສົກ 2015 ແລະວາງທິດທາງແຜນການສົກ 2016 ຢູ່ແຂວງອັດຕະປືທີ່ຫໍປະຊຸມໃຫຍ່ຂອງແຂວງ ໂດຍການເປັນປະທານຂອງທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໆອັດຕະປື ແລະເຂົ້າຮ່ວມໂດຍທ່ານ ເລື່ອມ ສົນສີວິໄລ ຮອງປະທານ ຄະນະປັບປຸງທຸລະກິດແຫ່ງຊາດ ມີບັນດາຫົວໜ້າຮອງຫົວໜ້າພະແນກການອ້ອມຂ້າງແຂວງຫົວໜ່ວຍທຸລະກິດ ຜູ້ປະກອບການເຂົ້າຮ່ວມ.
ໃນກອງປະຊຸມທ່ານ ວົງໄຊ ມະນີວົງ ຫົວໜ້າຫ້ອງການປັບປຸງທຸລະກິດໄດ້ກ່າວວ່າ: ຕະຫຼອດໄລຍະ 1 ປີຜ່ານມາວຽກງານປັບປຸງທຸລະກິດຢູ່ແຂວງອັດຕະປື ໄດ້ມີບາດກ້າວຂະຫຍາຍຕົວນັບມື້ ນັບຫຼາຍຂຶ້ນ ໂດຍສະເພາະບັນດາວິສາຫະກິດລັດ ພາຍໃນແຂວງມີທັງໝົດ 6 ແຫ່ງ ແລະໄດ້ຂຶ້ນທະບຽນນຳພະແນກອຸດສາຫະກຳການຄ້າແຂວງ ມີ 2 ຫົວໜ່ວຍ, ທຸລະກິດເອກະຊົນ 4.233 ຫົວໜ່ວຍ, ແຂວງຄຸ້ມຄອງ 1,34 ພັນກວ່າຫົວໜ່ວຍ, ເສດຖະກິດຄອບຄົວມີ 10 ບ້ານ, 338 ຄອບຄົວ, ເສດຖະກິດຮ່ວມມືປະຊາຊົນ ມີ 5 ຫົວໜ່ວຍ 36 ບ້ານມີ 39 ກອງທຶນມີສະມາຊິກ 3,44 ພັນຄົນ ມີທຶນທັງໝົດ 5,6 ຕື້ກວ່າກີບ, ໃນນີ້ ທະນາຄານບ້ານ ມີ 32 ບ້ານ ມີກຸ່ມຜະລິດເປັນສິນຄ້າຈຳ ນວນ 2 ບ້ານ ແລະກອງທຶນຫຼຸດຜ່ອນຄວາມທຸກຍາກມີ 3 ບ້ານ, ກອງທຶນພັດ ທະນາແມ່ຍິງມີ 1 ກອງທຶນ, ມີສະມາຊິກ 14 ຄົນ ມີທຶນ 7 ລ້ານກວ່າກີບ, ກອງທຶນຝາກປະຢັດຂັ້ນບ້ານ 1 ກອງທຶນມີສະມາຊິກ 55 ຄົນ ມີທຶນທັງໝົດ 30 ລ້ານກວ່າກີບ, ມີຄອບຄົວຕົວແບບ 61 ຄອບຄົວ ແລະ 1 ກຸ່ມປະເພດລ້ຽງສັດ ມີ 6 ຄອບຄົວມີເງິນ 8 ຮ້ອຍລ້ານກວ່າກີບ, ປະເພດປູກຝັງມີ 41 ຄອບຄົວ ມີເງິນ 1,70 ລ້ານກວ່າກີບ, ປະເພດຫັດຖະກຳມີ 1 ກຸ່ມ 14 ຄອບຄົວມີເງິນ 84 ລ້ານກີບ ພ້ອມນີ້ຍັງໄດ້ປະສານສົມທົບກັບພາກສ່ວນທີ່ກ່ຽວຂ້ອງລົງເກັບກຳຂໍ້ມູນໂຮງງານເຟີນີເຈີທີ່ບໍ່ມີໃບອະນຸຍາດ 41 ແຫ່ງ ແລະໂຕະ ຊອຍ 33 ແຫ່ງ.
ພ້ອມນີ້ ທ່ານ ວົງໄຊ ມະນີວົງ ຍັງໄດ້ຜ່ານທິດທາງແຜນການ ສົກປີ 2015 2016 ເພື່ອເຮັດໃຫ້ວຽກງານປັບປຸງທຸລະກິດຢູ່ແຂວງອັດຕະປື ໄດ້ມີການປະກອບສ່ວນເຂົ້າໃນການພັດທະນາປະເທດຊາດ ເວົ້າລວມເວົ້າສະເພາະກໍຄືແຂວງອັດຕະປື ໃຫ້ເຕີບໃຫຍ່ຂະຫຍາຍຕົວ ແລະເຂັ້ມແຂງຂຶ້ນໄປຢ່າງບໍ່ຢຸດຢັ້ງ.
ທີ່ມາ: 