ມື້ນີ້ຄໍລໍາທ່ອງທ່ຽວຂໍສະເໜີບ່ອນທ່ຽວທີ່ຕິດອັນດັບໜຶ່ງຂອງບ້ານໜອງປິງ ເມືອງບົວລະພາ ແຂວງຄຳມ່ວນ ພາກກາງຂອງປະ ເທດລາວເຮົານີ້ເອງ
ຊຶ່ງເປັນສະຖານທີ່ທີ່ມີຊື່ສຽງໄປທົ່ວໂລກແລ້ວ ໃນຂະນະນີ້ນັ້ນກໍຄື “ຖໍ້າລອດເຊບັ້ງໄຟ“ ຫຼື ເອີ້ນອີກຊື່ໜຶ່ງວ່າ: ຖໍ້າລອດກອງລໍ.
ປະຈຸບັນແມ່ນມີນັກທ່ອງທ່ຽວ ຈຳນວນຫຼວງຫຼາຍໃນແຕ່ລະປີທີ່ໄດ້ ໄປສຳພັດກັບຄວາມງົດງາມອັນເກີດມາຈາກທຳມະຊາດແຕ່ສະໄໝດຶກດຳບັນ ຊຶ່ງບໍ່ວ່າຈະເປັນຄົນລາວ ແລະຊາວຕ່າງປະເທດທີ່ໄດ້ໄປສຳພັດກັບຄວາມງາມແຫ່ງນີ້ຕ່າງກໍເວົ້າເປັນສຽງດຽວກັນວ່າ: ເປັນຖໍ້າທີ່ງາມຫຼາຍທີ່ສຸດແຫ່ງໜຶ່ງຂອງລາວກໍວ່າໄດ້ຍ້ອນຄວາມມະຫັດສະຈັນ, ຄວາມສວຍສົດງົດງາມ ແລະຄວາມອາລັງການພາຍໃນ ນອກຈາກນັ້ນສະຖານທີ່ແຫ່ງນີ້ຍັງປະກອບມີບາງກິດຈະກຳເຊັ່ນວ່າ: ມີ ເຮືອໃຫ້ເຊົ່າຂີ່ເພື່ອທ່ຽວຊົມທັດສະນີຍະພາບຢູ່ພາຍໃນຖ້ຳ ແລະການປີນຜານຳອີກ ຈິ່ງເຮັດໃຫ້ຖໍ້າແຫ່ງນີ້ ເປັນທີ່ຍອມຮັບ, ການທີ່ປະເທດລາວ ຍັງເຕັມໄປດ້ວຍພູຜາປ່າໄມ້ທີ່ອຸດົມ ສົມບູນ ແລະຍັງມີອີກຫຼາຍໆ ສິ່ງຫຼາຍໆຢ່າງທີ່ຍັງບໍ່ຖືກຄົ້ນ ພົບພ້ອມທັງຖະໜົນຫົນທາງທີ່ອຳນວຍຄວາມສະດວກ ແລະເຊື່ອວ່າຍັງອີກຫຼາຍບ່ອນທີ່ຍັງບໍ່ເຄີຍເຫັນ ແລະຍັງບໍ່ຖືກຄົ້ນພົບຖໍ້ານີ້ຕ້ອງເຂົ້າໄປໃນປ່າຈິ່ງຈະສາມາດເຂົ້າໄປທ່ຽວໄດ້.
ດັ່ງນັ້ນຖ້າທ່ານໃດຫາກຍັງທ່ອງທ່ຽວບໍ່ທົ່ວລາວຜູ້ຂຽນຂໍ ແນະນຳວ່າ: ຢ່າໄດ້ຟ້າວໄປທ່ຽວຕ່າງປະເທດເທື່ອລາວທ່ຽວລາວກໍເປັນການສົ່ງເສີມການທ່ອງທ່ຽວ ແລະທັງເປັນການຊຸກຍູ້ເສດຖະກິດພາຍໃນປະເທດໃຫ້ເຕີບໃຫຍ່ຂະຫຍາຍຕົວໄປໃນອະນາຄົດຂ້າງໜ້າ ອີກດ້ວຍ.
ຂໍ້ມູນຈາກ http://www.sedthakid.la/