spot_img
Homeຂ່າວການພັດທະນາກະຊວງ ປກສ ແນະນຳກອງມອດໄຟ ເລັ່ງຖ່າຍທອດຄວາມຮູ້ ການປ້ອງກັນອັກຄີໄພໃຫ້ທ້ອງຖິ່ນ

ກະຊວງ ປກສ ແນະນຳກອງມອດໄຟ ເລັ່ງຖ່າຍທອດຄວາມຮູ້ ການປ້ອງກັນອັກຄີໄພໃຫ້ທ້ອງຖິ່ນ

Published on

ກະຊວງປ້ອງກັນຄວາມສະຫງົບ, ໄດ້ແນະນໍາໃຫ້ກໍາລັງຕໍາຫລວດສະກັດກັ້ນ ແລະ ຕ້ານອັກຄີໄພ ໃນແຕ່ລະແຂວງ, ກະກຽມຈັດຕັ້ງການຖ່າຍທອດບົດຮຽນ ວີທີການສະກັດກັ້ນອັກຄີໄພ ໃຫ້ແກ່ອໍານາດການປົກຄອງທ້ອງຖິ່ນ ຂອງຕົນໂດຍໄວ, ພາຍຫລັງເຫັນວ່າໄລຍະລະດູແລ້ງນີ້ ມັກມີເຫດການໄຟໃໝ້ເກີດຂຶ້ນຫລາຍ.

ກະຊວງດັ່ງກ່າວໃຫ້ຮູ້ວ່າ: ການແນະນໍາວິທີປະຕິບັດວຽກງານສໍາຄັນດັ່ງກ່າວ, ແມ່ນແນໃສ່ເພີ່ມທະວີສະກັດກັ້ນ ແລະ ຕ້ານອັກຄີໄພໃນລະດູແລ້ງປີ 2016 ນີ້ໃຫ້ມີປະສິດທິຜົນ ແລະ ແນໃສ່ຍົກສູງຄວາມອາດສາມາດ ໃຫ້ກໍາລັງຕໍາຫລວດສະກັດກັ້ນ ແລະ ຕ້ານອັກຄີໄພ ນັບແຕ່ສູນກາງຮອດທ້ອງຖິ່ນ ໃຫ້ແຂງແຮງກວ່າເກົ່າ ເຊິ່ງສະເພາະໜ້ານີ້ ແມ່ນຈະໄດ້ເລັ່ງໃສ່ໂຄສະນາເຜີຍແຜ່ ແຈ້ງການດັ່ງກ່າວ ໃຫ້ທົ່ວເຖິງໂດຍສົມທົບກັບອໍານາດການປົກຄອງ ແລະ ຕໍາຫລວດກຸ່ມບ້ານ ຈັດຕັ້ງຝຶກຊ້ອມ, ບໍາລຸງ ແລະ ຄຸ້ມຄອງຮັກສາພາຫະນະ-ອຸປະກອນມອດໄຟ ແລະ ກູ້ໄພໃຫ້ຮັບປະກັນ, ສົມທົບກັບອໍານາດການປົກຄອງທ້ອງຖິ່ນ ຂື້ນແຜນເປີດບັ້ນຝຶກອົບຮົມ ວິຊາສະເພາະໄລຍະສັ້ນ ໃນການປ້ອງກັນອັກຄີໄພ, ຂະຫຍາຍສະຖານທີ່ມອດໄຟ ຢູ່ແຕ່ລະເມືອງຢ່າງເໝາະສົມ ລວມເຖິງການສ້າງສະຖານທີ່ສໍາລັບຈອດລົດມອດໄຟ ແລະ ກູ້ໄພໃຫ້ຖືກຕາມຫລັກການ, ພ້ອມທັງຈັດຕັ້ງປະຈໍາການຕະຫລອດ 24 ຊົ່ວໂມງ ເພື່ອກຽມພ້ອມປະຕິບັດໜ້າທີ່ ຕ້ານອັກຄີໄພ ທີ່ອາດຈະເກີດຂຶ້ນຢ່າງທັນການ ແລະ ຮູ້ເຕົ້າໂຮມກໍາລັງ, ພາຊະນະ, ອຸປະກອນການມອດໄຟ ເຂົ້າມອດໄຟເບື້ອງຕົ້ນ ແລະ ຮີບຮ້ອນແຈ້ງຕໍ່ເຈົ້າໜ້າທີ່ມອດໄຟ ທີ່ຢູ່ໃກ້ທີ່ສຸດມາຊ່ວຍເຫລືອທັນເຫດການ.

ກະຊວງດັ່ງກ່າວໃຫ້ຮູ້ວ່າ: ລະດູແລ້ງ, ແມ່ນລະດູທີ່ມັກເກີດອັກຄີໄພຫລາຍທີ່ສຸດຢູ່ປະເທດເຮົາ ເປັນຕົ້ນ: ໄຟໃໝ້ເຮືອນ, ຕະຫລາດ, ​ໄໝ້ປ່າ ແລະ ຊຸມຊົນອື່ນໆ, ຊຶ່ງສາເຫດສ່ວນຫລາຍ ແມ່ນເກີດຈາກໄຟຟ້າລັດວົງຈອນ, ການຂາດສະຕິ ແລະ ຄວາມປະໝາດໃນການຊົມໃຊ້ຟືນໄຟຕ່າງໆ, ອັນໄດ້ສ້າງຜົນເສຍຫາຍ ໃຫ້ແກ່ພື້ນຖານເສດຖະກິດ, ວັດທະນະທໍາ-ສັງຄົມ, ຊີວິດ ແລະ ຊັບສີນຂອງບຸກຄົນ ແລະ ສ່ວນລວມ ເປັນຈໍານວນຫລາຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...