ສຳນັກຂ່າວຕ່າງປະເທດ ລາຍງານໃນວັນທີ 18 ກຸມພາຜ່ານມານີ້ວ່າ ລັດຖະບານເວເນຊູເອລາ ໄດ້ປະກາດຂຶ້ນລາຄານ້ຳມັນພາຍໃນປະເທດ ເມື່ອວັນທີ 17 ກຸມພາ 2016 ໃນລາຄາທີ່ສູງເຖິງ 60 ເທົ່າ ຫລື 6,086% ຊຶ່ງເປັນການປັບຂຶ້ນລາຄານ້ຳມັນ ຄັ້ງທຳອິດໃນຮອບ 17 ປີ.

ທ່ານ ນິໂກລາສ ດາດູໂຣ ປະທານາທິບໍດີ ແຫ່ງ ເວເນຊູເອລາ ໄດ້ກ່າວຊີ້ແຈງວ່າ ລາຄານ້ຳມັນໃໝ່ນີ້ ຈະຊ່ວຍສະໜັບສະໜູນ ໂຄງການດ້ານສັງຄົມເຊັ່ນ ການສ້າງທີ່ພັກອາໄສ, ຕາງໜ່າງສາທາລະນະສຸກ ແລະ ການສຶກສາ ພ້ອມທັງຫວັງວ່າ ປະຊາຊົນຈະເຂົ້າໃຈຈຸດໝາຍດັ່ງກ່າວຂອງລັດຖະບານ ເນື່ອງຈາກເປັນການປັບຂຶ້ນ ຄັ້ງທຳອິດໃນຮອບ 17 ປີ ເພາະໄລຍະຜ່ານມາ ລັດຖະບານໄດ້ໃຊ້ງົບປະມານຂອງລັດ ອຸດໜູນລາຄານ້ຳມັນມາໂດຍຕະຫລອດ.  ພ້ອມດຽວກັນນັ້ນ ລັດຖະບບານຍັງໄດ້ປະກາດ ປັບຂຶ້ນຄ່າແຮງງານຂັ້ນຕ່ຳ ຂຶ້ນອີກ 20% ຊຶ່ງຈະມີຜົນບັງຄັບໃຊ້ ໃນວັນທີ 1 ມີນາ ຈະມາເຖິງນີ້.

ແນວໃດກໍຕາມ ເຖິງແມ່ນລັດຖະບານເວເນຊູເອລາ ຈະປັບຂຶ້ນລາຄານ້ຳມັນພາຍໃນປະເທດ ຄັ້ງໃຫຍ່ທີ່ສຸດກໍຕາມ ແຕ່ລາຄານ້ຳມັນໃນປະເທດເວເນຊູເອລາ ກໍຍັງຖືເປັນລາຄາທີ່ຖືກທີ່ສຸດໃນໂລກຢູ່.