ສຳນັກຂ່າວຕ່າງປະເທດ ລາຍງານໃນວັນທີ 29 ມັງກອນນີ້ວ່າ ໃນມື້ວານນີ້ (28 ມັງກອນ) ທ່ານ ເຈນສ໌ ສະໂຕເຕັນເບີກ ເລຂາທິການໃຫຍ່ ອົງການສົນທິສັນຍາປ້ອງກັນແອັດແລນຕິກເໜືອ ຫລື ນາໂຕ້ (NATO) ໄດ້ອອກມາຢັ້ງຢືນວ່າ ກຸມສຳພັນທະມິດນີ້ ກຳລັງປຶກສາຫາລືກັນ ກ່ຽວກັບການເປີດການເຈລະຈາກັບຣັດເຊຍ ຢ່າງເປັນທາງການຄືນໃໝ່ ຫລັງຈາກທີ່ການພົວພັນລະຫວ່າງສອງຝ່າຍຖືກຢຸດສະງັກ ພາຍຫລັງເກີດວິກິດການຢູປະເທດອູແກຣນ ເມື່ອເດືອນເມສາປີ 2014 ຜ່ານມາ.
ທ່ານເລຂາທິການໃຫຍ່ນາໂຕ້ ໄດ້ເນັ້ນໜັກວ່າ ກຸ່ມສຳພັນທະມິດນາໂຕ້ ແລະ ຣັດເຊຍ ຕ້ອງໄດ້ສ້າງຄວາມກະຈ່າງແຈ້ງ ເພື່ອຫລີກລ່ຽງການເຂົ້າໃຈຜິດ ແລະ ເກີດເຫດການຮຸນແຮງ ດັ່ງເຫດການກອງທັບອາກາດຕວກກີ ຊຶ່ງເປັນສະມາຊິກຫລັກແຫລ່ງຂອງນາໂຕ້ ໄດ້ຍິງເຮືອບິນທະຫານຂອງຣັດເຊຍ ຕົກຢູ່ເຂດຊາຍແດນປະເທດຊີຣີ ເມື່ອເດືອນພະຈິກປີ 2015 ຜ່ານມາ.