spot_img
Homeຂ່າວຕ່າງປະເທດອາຊີ​ອາກາດ​ໜາວ​ແຮງ​ ເສຍ​ຊີວິດ​ເກືອບ 100 ຄົນ

ອາຊີ​ອາກາດ​ໜາວ​ແຮງ​ ເສຍ​ຊີວິດ​ເກືອບ 100 ຄົນ

Published on

    ອາກາດ​ໜາວ​ໄດ້​ແຜ່​ປົກ​ຄຸມ​​ໄປທົ່ວ​ອາຊີ​ຕາ​ເວັນ​ອອກ​ຈົນ​ເຮັດ​ໃຫ້ມີ​ຜູ້​ເສຍ​ຊີວິດ​ໃນ​ໄຕ້​ຫວັນ(ສປຈີນ)​ແລ້ວກວ່າ 90 ຄົນ ຂະນະ​ທີ່​ຮົງ​ກົງ​ປະ​ເຊີນ​ກັບ​ອາກາດ​ໜາວ​ທີ່​ສຸດ​ໃນ​ຮອບ 60 ປີ​ເຊັ່ນ​ດຽວ​ກັບສປປ ລາວ ​ແລະ ສສ ຫວຽດນາມ​ທີ່​ໜາວ​ແຮງ​ຈົນ​ມີ​ຫິມະ​ຕົກ.

    ຫຼາຍ​ປະ​ເທດ​ໃນ​ອາຊີ​ປະ​ເຊີນ​ກັບ​ອາກາດ​ໜາວ​ຜິດ​ປົກກະຕິ ​ໂດຍ​ຍອດ​ຜູ້​ເສຍ​ຊີວິດ​ຈາກ​ອາ​ກາດ​ໜາວ​ໃນ​ໄຕ້​ຫວັນ​ເພີ່ມ​ເປັນ 85 ຄົນ ສ່ວນ​ໃຫຍ່​ເປັນ​ຜູ້​ສູງ​ອາຍຸ ​ເສຍ​ຊີ​ວິດ​ຈາກ​ປອດ​ອັກ​ເສບ ​ແລະ ພະຍາດຫົວ​ໃຈ, ​ໄທ​ເປ​ອຸນ​ຫະພູມ​ຕໍ່າ​ກວ່າ 4 ອົງສາ ຕໍ່າ​ສຸດ​ໃນ​ຮອບ 44 ປີ ຂະນະ​ທີ່​ຮົງ​ກົງ(ສປຈີນ)​ອາກາດ​ໜາວ​ສຸດ​​ໃນ​ຮອບ 60 ປີ ​ເຮັດ​ໃຫ້​ໂຮງຮຽນ​ອະນຸບານ ​ແລະ ປະຖົມ​ພັກ​​ໂຮງຮຽນ ​ໂດຍ​ກ່ອນ​ໜ້ານີ້​ມີ​ລາຍ​ງານ​ຜູ້​ໄດ້​ຮັບ​ບາດ​ເຈັບ 111 ຄົນ ​ແລະ 45 ຄົນ​ເຂົ້າ​ຮັກສາ​ຈາກ​ອຸນ​ຫະພູມ​ຮ່າງກາຍ​ຫຼຸດ​ຕໍ່າ​ກວ່າ​ປົກກະຕິ, ສ່ວນ ມົງ​ໂກ​ລີ ມີ​ອຸນຫະພູມ​ຕິດ​ລົບ 46,8 ອົງສາ​ໃນ​ທ້າຍ​ອາທິດ​ທີ່ຜ່ານ​ມາ.

ສ່ວນ​ສປປ ລາວ ​ແລະ ຫວຽດນາມ​ກໍ​ພົບ​ກັບ​ອາກາດ​ໜາວ​ເຊັ່ນ​ດຽວ​ກັນ ​ໂດຍ​ສະ​ເພາະ​ແຂວງ​ຫົວພັນ​ພົບ​ຫິມະ​ຕົກ​ເປັນ​ເທື່ອ​ທຳ​ອິດ ທ່າມກາງ​ອຸນຫະພູມ​ຫຼຸດ​ລົງ​ລົບ 3 ອົງສາ​ເຊ, ສ່ວນຫຼາຍ​ພື້ນ​ທີ່​ຂອງຫວຽດນາມ​ມີ​ຫິມະ​ຕົກ ​ແລະ ພົບ​ກັບ​ອາ​ກາດ​ໜາວ​ຮຸນ​ແຮງ​ທີ່​ສຸດ​ໃນ​ຮອບ 40 ປີ ອຸນຫະພູມ​ຕິດ​ລົບ 4-5 ອົງສາ​ເຊ​ໃນ​ຫຼາຍ​ແຂວງ​ທີ່​ມີ​ຊາຍ​ແດນ​ຕິດ​ກັບ​ຈີນ​ສົ່ງ​ຜົນ​ເຮັດ​ໃຫ້​ພືດ​ຜັກ ​ແລະ ໝາກ​ໄມ້​ຂອງ​ຊາວ​ກະສິກອນ​ໄດ້​ຮັບ​ຄວາມ​ເສຍ​ຫາຍ.

ທີ່ມາ:logo

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...