ສຳນັກຂ່າວຕ່າງປະເທດ ລາຍງານໃນວັນທີ 21 ມັງກອນຜ່ານມານີ້ວ່າ ພິພິທະພັນແຫ່ງຊາດກຳປູເຈຍ ໄດ້ຈັດສະແດງ ຮູບແກະສະຫລັກເທບພະເຈົ້າຮິນດູ ທີ່ໄດ້ຖືກຕໍ່ສຽນ ແລະ ພາກສ່ວນລຳຕົວໃສ່ກັນ ຊຶ່ງມີຂະໜາດເທົ່າກັບຄົນ ຢູ່ນະຄອນຫລວງພະນົມເປັນ ຫລັງຈາກທີ່ພິພິທະພັນກີເມດຂອງປະເທດຝຣັ່ງ ໄດ້ທຳການສົ່ງຄືນພາກສ່ວນສຽນ ທີ່ຖືກລັກອອກຈາກຜາສາດຂອມ ເມື່ອ 130 ປີກ່ອນ ຄືນໃຫ້ແກ່ກຳປູເຈຍ ໃນວັນເສົາທີ 16 ມັງກອນ 2016 ຕາມຄຳຮ້ອງຂໍຂອງລັດຖະບານກຳປູເຈຍ ພາຍຫລັງຖືກລັກລອບ ສົ່ງອອກນອກປະເທດ ໃນໄລຍະຕົກເປັນຫົວເມືອງຂຶ້ນຂອງຝຣັ່ງ ໃນປີ 1886.