spot_img
Homeຂ່າວເຫດການແຕ່ລະ​ປີ​ຢູ່ລາວ​ມີ​ຫຼາຍ​ກວ່າ 2.100 ຄົນ​ເປັນ​ພະຍາດຕັບ​ແຂງ​ຍ້ອນ​ເຄື່ອງ​ດື່ມ​ທີ່​ມີ​ທາດ​ເຫຼົ້າ

ແຕ່ລະ​ປີ​ຢູ່ລາວ​ມີ​ຫຼາຍ​ກວ່າ 2.100 ຄົນ​ເປັນ​ພະຍາດຕັບ​ແຂງ​ຍ້ອນ​ເຄື່ອງ​ດື່ມ​ທີ່​ມີ​ທາດ​ເຫຼົ້າ

Published on

ໃນກອງປະຊຸມຫາລືການຄວມຄຸມ​​ເຄື່ອງດື່ມທີ່ມີທາດເຫຼົ້າສາມປະເທດລາວ​-ຫວຽດນາມແລະ ກຳປູ​​ເຈຍເມື່ອມໍ້ໆມານີ້, ທ່ານ ນາງບົວພັນ ລີໄກຢາ,ຮອງປະທານຄະນະກຳມະທິການວັດທະນະທຳ​-ສັງຄົມສະພາແຫ່ງຊາດລາວ​​ໄດ້ລາຍງານໃຫ້ຮູ້ວ່າ​: ສຳລັບສປປ ລາວແຕ່ລະປີເຄື່ອງດື່ມທີ່ມີທາດເຫຼົ້າເປັນພາລະທາງດ້ານເສດຖະກິດທີ່ໜັກໜ່ວງຊຶ່ງກວມເອົາ 2% ຂອງ GDP ​ເທົ່າກັບ1.500 ຕື້ກີບແລະ ມີປະມານ 2.120 ຄົນ/ປີ,​ ເປັນພະຍາດຕັບແຂງທີ່ມີສາເຫດມາຈາກເຄື່ອງດື່ມທີ່ມີທາດເຫຼົ້າ, ​ຫຼາຍກວ່າ 3 ​ແສນຄົນເກີດເປັນພະຍາດແລະ 180 ພັນຄົນຕິດເຫຼົ້າແລະ 50% ຂອງອຸປະຕິເຫດຕາມທ້ອງຖະໜົນແມ່ນເກີດຈາກການດື່ມ​​ເຄື່ອງດື່ມທີ່ມີທາດເຫຼົ້າແລະ ມີ​ 2.360 ກໍລະນີເສຍຊີວິດຍ້ອນອຸປະຕິເຫດທີ່ກ່ຽວພັນກັບການດື່ມ​​ເຄື່ອງດຶ່ມທີ່ມີທາດເຫຼົ້າແລະ ຈາກການລາຍງານຂອງອົງການອະນາໄມໂລກຊີ້ໃຫ້ເຫັນວ່າອັຕາການບໍລິໂພເຫຼົ້າໃນ ສປປ ລາວແມ່ນສູງກວ່າປະເທດອື່ນໃນພູມີພາກແລະ ມີທ່າອຽງສູງຂື້ນຫາກບໍ່ມີການຄວບຄຸມຢ່າງຈິງຈັງ, ​​ເຖິງຢ່າງໃດກໍຕາມຕໍ່ກັບຜົນຮ້າຍດັ່ງກ່າວພັກ​-ລັດຖະບານກໍຄືສະພາແຫ່ງຊາດໄດ້ສະແດງຄວາມເປັນຫ່ວງຕໍ່ຊີວິດແລະ ຊັບສິນຂອງປະຊາຊົນ, ຜົນທາງລົບຕໍ່ສຸຂະພາບ,​ ເສດຖະກິດສັງຄົມ,ວັດທະນະທຳ, ຮີດຄອງປະເພນີອັນດີງາມຂອງຊາດ, ຄວາມເປັນລະບຽບຮຽບຮ້ອຍຂອງສັງຄົມແລະ ສະຖາບັນຄອບຄົວ, ພັກລັດຖະບານ​ ​ແລະ ສະພາແຫ່ງຊາດໄດ້ຮີບຮ້ອນສ້າງແຜນ ການແລະ ຮັບຮອງກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫຼົ້າ,​ ໂດຍລັດຖະບານໄດ້ມອບຄວາມຮັບຜິດຊອບໃຫ້ກະຊວງສາທາລະນະສຸກສົມທົບກັບຂະແໜງການອື່ນທີ່ກ່ຽວຂ້ອງ​​ເປັນເຈົ້າການໃນການຈັດຕັ້ງປະຕິບັດ,​ ໂດຍປະທານປະເທດໄດ້ອອກດຳ ລັດປະກາດໃຊ້ໃນເດືອນມັງກອນ2015 ​ເປັນຕົ້ນມາ, ​​ໃນທາງປະຕິບັດຈິງໜຶ່ງປີຜ່ານມາເຫັນວ່າໄດ້ມີຜົນສຳເລັດໃນເບື້ອງຕົນແຕ່ຍັງມີສິ່ງທ້າທາຍທີ່ຈະຕ້ອງ​​ໄດ້ໃຊ້ຄວາມພະຍາຍາມໂຄສະນາອົມຮົມດ້ວຍຫຼາຍຮູບການເພື່ອປູກຈິດສຳນຶກໃນການສ້າງຄວາເຂົ້າໃຈໃຫ້ສັງຄົມ, ​ໂດຍສະເພາະແມ່ນແມ່ຍິງຖືພາ, ​ເດັກນ້ອຍເຍົາວະຊົນ ​​ແລະ ຊາວໜຸ່ມໃຫ້ເຫັນໄດ້ຜົນຮ້າຍຂອງເຄື່ອງດື່ມທີ່ມີທາດເຫຼົ້າ, ​ແນ່ໃສ່ການຈັດຕັ້ງປະຕິບັດໃຫ້ເກີດຜົນປະໂຫຍດສູງສຸດ.

ແຫ່ລງຂ່າວ

ລພນ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...