ຂປລ. ທ່ານ ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການກະຊວງໂຍທາທິການ ແລະ ຂົນສົ່ງໃຫ້ຮູ້ວ່າ: ຜ່ານການປຶກສາຫາລືກັນຂອງສອງຝ່າຍ ກ່ຽວກັບການດຳເນີນໂຄງການກໍ່ສ້າງທາງລົດໄຟ ລາວ-ຈີນ ແມ່ນມີຄວາມເຫັນດີເປັນເອກະພາບກັນ ໂດຍຈະນຳໃຊ້ແຮງງານ ພາຍໃນປະເທດເຮົາເປັນສ່ວນໃຫຍ່. ເນື່ອງຈາກການນຳເຂົ້າແຮງງານຈາກຕ່າງປະເທດ ແມ່ນມີຄ່າຈ້າງແຮງງານສູງ ແລະ ຫຍຸ້ງຍາກໃນການເດີນທາງໄປມາ, ສ່ວນຄວາມຕ້ອງການດ້ານແຮງງານຈະຫລາຍ ຫລື ໜ້ອຍແມ່ນຂຶ້ນກັບຄວາມຕ້ອງການຂອງບໍລິສັດຜູ້ຮັບເໝົາກໍ່ສ້າງ.
ທ່ານ ລັດຖະມົນຕີ ຍັງຍົກໃຫ້ເຫັນວ່າ: ສຳລັບການຄຸ້ມຄອງແຮງງານຕ່າງປະເທດນັ້ນ ກະຊວງໂຍທາທິການ ແລະ ຂົນສົ່ງ ໄດ້ປະສານສົມທົບກັບກະຊວງປ້ອງກັນຄວາມສະຫງົບ, ກະຊວງການຕ່າງປະເທດ, ກະຊວງແຮງງານ ແລະ ສະຫວັດດີການສັງຄົມ ກ່ຽວກັບການສ້າງມາດຕະການຄຸ້ມຄອງ ແລະ ອຳນວຍຄວາມສະດວກໃຫ້ຫົວໜ່ວຍແຮງງານ ໄດ້ເຄື່ອນໄຫວເຮັດວຽກ ໃນໂຄງການຢ່າງມີຜົນ ສຳເລັດໄປຄຽງຄູ່ກັບການຮັກສາຄວາມເປັນລະບຽບຮຽບຮ້ອຍ ແລະ ບໍ່ໃຫ້ເກີດປະກົດການຫຍໍ້ທໍ້ຕ່າງໆຕາມມາ.
ແຫລ່ງຂ່າວ:
