ເພື່ອເປັນການທົບ ທວນ ແລະ ຕີລາຄາຄືນການ ເຄື່ອນໄຫວວຽກງານຕິດຕາມ, ກວດກາ. ກອງປະຊຸມວຽກງານ ກວດກາທົ່ວປະເທດ ປະຈຳປີ 2015 ໄດ້ເປີດຂຶ້ນຢ່າງເປັນ ທາງການໃນຕອນເຊົ້າວັນທີ 29 ທັນວານີ້ ທີ່ຫ້ອງປະຊຸມ ໃຫຍ່ຂອງຄະນະກວດກາສູນກາງພັກ, ພາຍໃຕ້ການເປັນ ປະທານຂອງ ສະຫາຍ ດຣ. ບຸນທອງ ຈິດມະນີ ກຳມະການ ກົມການ ເມືອງສູນກາງພັກ ປະທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ຫົວໜ້າອົງການ ຕ້ານການສໍ້ລາດບັງຫຼວງຂັ້ນ ສູນກາງ ໂດຍມີສະຫາຍຮອງ ເລຂາ, ລັດຖະມົນຕີຊ່ວຍວ່າການ, ຮອງປະທານຄະນະກວດກາສູນກາງພັກ, ປະທານຄະນະກວດກາແຂວງ, ນະຄອນຫຼວງ, ຫົວໜ້າກົມກວດກາ, ຮອງຫົວໜ້າກົມກວດກາກະຊວງ-ອົງການ ພ້ອມດ້ວຍພະນັກງານຄະນະກວດກາ ສູນກາງພັກເຂົ້າຮ່ວມ.
ກອງປະຊຸມຄັ້ງນີ້ ຈະໄດ້ພ້ອມກັນຟັງການລາຍງານ ແລະ ຄົ້ນຄວ້າປະກອບຄຳເຫັນ ຕໍ່ຮ່າງບົດສະຫຼຸຸບຕີລາຄາການ ເຄື່ອນໄຫວວຽກງານກວດກາ ປະຈຳປີ 2015 ແລະ ທິດທາງ ແຜນການ ປະຈຳປີ 2016, ຮັບຟັງການເຜີຍກ່ຽວກັບບົດ ແນະນຳເລກທີ 307/ອກລ, ລົງວັນທີ 30 ກັນຍາ 2015 ວ່າດ້ວຍລະບຽບການຄຸ້ມຄອງ ແລະ ນຳໃຊ້ສຳນວນເອກະ ສານແຈ້ງ ຊັບສິນ, ບົດບັນທຶກ ການປະສານງານລະຫວ່າງອົງ ການກວດກາລັດຖະບານກັບ ອົງການກວດສອບແຫ່ງລັດ. ຈາກນັ້ນ ບັນດາຜູ້ແທນເຂົ້າຮ່ວມກອງປະຊຸມຈະໄດ້ພ້ອມກັນປະກອບ ຄຳຄິດຄຳເຫັນຕໍ່ ບັນຫາຕ່າງໆ ກ່ຽວກັບວຽກງານ ກວດກາຈຳນວນໜຶ່ງ.
ແຫ່ລງຂ່າວ
