Home​ຂ່າວທ່ອງທ່ຽວນັກທ່ອງທ່ຽວເຂົ້າລາວ ຫລາຍກວ່າ 4 ລ້ານຄົນ ໃນປີ 2015 ສ້າງລາຍຮັບກ່ວາ 640 ລ້ານໂດລາ!

ນັກທ່ອງທ່ຽວເຂົ້າລາວ ຫລາຍກວ່າ 4 ລ້ານຄົນ ໃນປີ 2015 ສ້າງລາຍຮັບກ່ວາ 640 ລ້ານໂດລາ!

Published on

Alms-tourist-attraction-Luang-Prabang-Laos

ຂປລ. ໝົດປີ 2015 ນີ້ ຄາດວ່າຈະມີນັກທ່ອງທ່ຽວຕ່າງປະເທດ ເຂົ້າມາທ່ອງ​ທ່ຽວ ສປປ ລາວ ເພີ່ມຂຶ້ນ ຈາກຈຳນວນ 2.700.000 ກວ່າຄົນ ໃນປີ 2011 ມາເປັນ 4.100.000 ຄົນ ໃນປີ 2014 ແລະ ເພີ່ມເປັນ 4.332.000 ຄົນ ໃນປີ 2015  ເພີ່ມຂຶ້ນ 4% ອັນເຮັດໃຫ້ມີລາຍຮັບເພີ່ມຂຶ້ນ ຄື ຈາກ 400 ກວ່າລ້ານໂດລາສະຫະລັດ ໃນປີ 2011 ມາເປັນ 560 ລ້ານໂດລາສະຫະລັດ ໃນປີ 2014 ແລະ ຈະເພີ່ມຂຶ້ນເປັນ 670 ລ້ານໂດລາສະຫະລັດ ໃນປີ 2015 ພ້ອມນີ້ ບັນດາບໍລິສັດທ່ອງທ່ຽວກໍ ໄດ້ເພີ່ມຈາກ 236 ບໍລິສັດ ໃນປີ 2011 ມາເປັນ 342 ບໍລິສັດ ໃນປີ 2014, ໂຮງແຮມ, ເຮືອນພັກ ແລະ ລີສອດ ເພີ່ມຂຶ້ນຈາກ 1.926 ແຫ່ງ ມີ 32.960 ຫ້ອງນອນ ໃນປີ 2011 ມາເປັນ 2.426 ແຫ່ງ ມີຫ້ອງນອນ 44.600 ກວ່າຫ້ອງນອນ.

ແຫລ່ງຂ່າວຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເປີດເຜີຍຕື່ມວ່າ: ປັດ​ໄຈສຳຄັນທີ່ເຮັດໃຫ້ ວຽກງານການທ່ອງທ່ຽວຂະຫຍາຍຕົວ ດັ່ງທີ່ກ່າວມານັ້ນ ຍ້ອນການທ່ອງທ່ຽວ ໄດ້ຮັບການປັບປຸງ ແລະ ພັດທະນາເປັນກ້າວໆ ຢ່າງ ຕໍ່ເນື່ອງ ຫລັງຈາກທີ່ມີການປັບປຸງການຈັດຕັ້ງ ເຮັດໃຫ້ການເຄື່ອນໄຫວວຽກງານ ມີຄວາມສະດວກຄ່ອງຕົວເປັນລະບົບ ແລະ ມີກຳລັງແຮງຂຶ້ນ ອັນພົ້ນເດັ່ນແມ່ນ ສປປ ລາວ ໄດ້ຮັບການເລືອກໃຫ້ເປັນປະເທດ ທີ່ໜ້າທ່ອງທ່ຽວທີ່ສຸດໃນໂລກໃນປີ 2013 ແລະ ເມືອງຫລວງພະບາງ ກໍໄດ້ຮັບລາງວັນ ເປັນເມືອງທ່ອງທ່ຽວທີ່ດີເດັ່ນຂອງໂລກ ອີກໃນປີ 2015, ນອກນີ້ ການທ່ອງທ່ຽວແບບອານຸລັກ ປະຊາຊົນມີສ່ວນຮ່ວມ ໄດ້ຮັບການປັບປຸງ ແລະ ເສີມຂະຫຍາຍຢ່າງກວ້າງຂວາງຢ່າງຕໍ່ເນື່ອງ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...