Homeຂ່າວເຫດການລາວຫາລືດ້ານວິຊາການສຳລັບການຈັດຕັ້ງປະຕິບັດກົດໝາຍປ່າໄມ້

ລາວຫາລືດ້ານວິຊາການສຳລັບການຈັດຕັ້ງປະຕິບັດກົດໝາຍປ່າໄມ້

Published on

forestry

ວັນທີ 15 ທັນວານີ້, ກົມກວດກາປ່າໄມ້, ກະຊວງກະສິກຳ ແລະ ປ່າໄມ້ໄດ້ຮ່ວມກັບສະຫະ ພາບເອີຣົບປະຈຳລາວຈັດກອງປະຊຸມ​ດ້ານ​ວິຊາ​ການ​ຂອງ​​ການ​ຈັດ​ຕັ້ງ​ປະຕິບ​ດກົດ​ໝາຍປ່າ​ໄມ້, ການ​ຄຸ້ມ​ຄອງ​ໄມ້ ​ເ​ເລະ ການ​ຄ້າ​ໄມ້(FLEGT) ຂຶ້ນທີ່​ໂຮງ​ແຮມ​ວຽງ​ຈັນ​ພາ​ຊາ​ ໃນ​ນະຄອນ​ຫຼວງ​ວຽງ​ຈັນ ໂດຍການ​ເຂົ້າ​ຮ່ວມ​ຂອງ​ທ່ານ ຄຳ​ພຸດ ພັນ​ດາ​ນຸວົງ, ຫົວໜ້າ​ກົມ​ກວດກາ​ປາ​ໄມ້ ​ແລະ ທ່ານ ມາຕິນ ຜູ້​ຕາງ​ໜ້າ​ສະຖານ​​ເອກ​ອັກຄະ​ລັດຖະທູດ​ສະຫະພາບ​ເອີຣົບປະຈຳ​ລາວ, ພ້ອມ​ດ້ວຍ​ນັກວິຊາ​ການ​ຈາ​ກກະຊວງ ​ແລະ ອົງການ​ຈັດ​ຕັ້ງ​ທີ່ກ່ຽວຂ້ອງ​ເຂົ້າ​ຮວມ​ເປັນ​ຈຳນວນ​ຫຼາຍ.

ທ່ານ​ຫົວ​ຫນ້າ​ກົມ​ກວດກາ​ປ່າ​ໄມ້​ກ່າວ​ໃນ​ທີ່​ປະຊຸມ​ວ່າ: ລັດຖະບານ​ລາວ​ໄດ້​ລິ​ເລີ່​ມການກະກຽມ​​ເຈລະຈາ​ຂໍ້​ຕົກລົງ​ການ​ເຂົ້າ​​ເປັນ​ຄູ່​ຮ່ວມ​ສັນຍາ​ດ້ານ​ການ​ຄ້າ​ແບບ​ສະໝັກ​ໃຈ ( VPA ) ກັບ​ສະຫະ ພາບ

​ເອີຣົບ​ໃນ​ປີ 2016 ​​ໃນ​ກອບ​ຊຶ່ງແຜນ​ງານ​ການ​ຈັ້ງ​ຕັ້ງ​ປະຕິບັດກົດໝາຍປ່າ​ໄມ້, ການຄຸ້ມ​ຄອງ​ໄມ້ ​ແລະ ການ​ຄ້າ​ໄມ້(FLEGT) ຂອງ​ສະຫະພາບ​ເອີຣົບ, ແຜ​ບງານ​ດັ່ງກ່າວ​ແມ່ນ​ສ່ວນ​ໜຶ່ງ​ຂອງ​ການ​ລິ​ເລີ່​ມຂອງ​ລັດຖະບານ​ລາວ​ເພື່ອ​ຮັບປະກັນ​ການ​ປັບ​ປຸງການ​ຄຸ້ມ​ຄອງ ​ແລະ ການ​ຈັດການ​ປ່າ​ໄມ້​ແບບ​ຍືນ​ຍົງ​​ໃນ​ ສປປ ລາວ​ ຂອງ​. ດັ່ງ​ນັ້ນ​ ລັດຖະບານຈຶ່ງ​ໄດ້​ຈັດ​ກອງ​ປະຊຸມ​​ນີ້​ຂຶ້ນ​ເພື່ອໃຫ້​ອົງການ​ຈັດ​ຕັ້ງ​ທີ່​ກ່ຽວຂ້ອງ​ໄດ້​ຮັບ​ຮູ້​​ເຖິງ​ເປົ້າ​ໝາຍ​ຂອງ​ລັດຖະບານ​ໃນ​ແຜນ​ງານ​ FLEGT VPA ,ລວມທັງ​ຜົນ​ປະ​ໂຫຍດ ​ແລະ ຂໍ້​ຫຍຸ້ງຍາກ​ທີ່​ຄາດ​ວ່າ​ຈະ​ໄດ້​ຮັບ ​ແລະ ການ​ເຊື່ອມ​ໂຍງ​ຂອງ​ແຜນ​ງານດັ່ງກ່າວ​ກັບ​ຄວາມ​ຄິດ​ລິ​ເສີ່​ມອື່ນໆ​ໃນ​ລະດັບ​ຊາດ​ທີ່​ກ່ຽວຂ້ອງ​ກັບ​ຂະ​ແໜງ​ຄຸ້ມ​ຄອງ ​ແລະ ປົກ​ປັກ​ຮັກສາ​ປ່າ​ໄມ້​ກ່ອນ​ການ​​ເຂົ້າ​ຮ່ວມ​ເຈລະຈາ VPA ຄັ້ງ​ທຳ​ອິດ​ກັບ​ສະຫະພາບ​ເອີຣົບ.

ທ່ານ​ຫົວໜ້າ​ກົມ​ກ່າວ​ວ່າ: ​ແຜນງານການ​ຈັດ​ຕັ້ງ​ປະຕິບັດກົດ​ໝາຍ​ປ່າ​ໄມ້, ການ​ຄຸ້ມ​ຄອງ​ໄມ້ ​ແລະ ການ​ຄ້າ​ໄມ້ ​ແລະ ຂໍ້​ຕົກລົງ​ການ​ເຂົ້າ​​ເປັນ​ຄູ່​ຮ່ວມ​ສັນຍາ​ດ້ານ​ການ​ຄ້າ​ແບບ​ສະໝັກ​ໃຈ​ແມ່ນ​ຂີດ​ໝາຍ​​ສຳຄັນ​ເພື່ອ​ປະກອບສ່ວນ​ເຂົ້າ​ໃນວຽກ​ງານ​ການ​ຄຸ້ມ​ຄອງ​ປ່າ​ໄມ້,​ ເພາະວ່າ​ການ​ຄຸ້ມ​ຄອງ​ປ່າ​ໄມ້​ທີ່​ດີ​ນັ້ນ​ຈະ​ຊ່ວຍ​​ໃຫ້​ພວກ​ເຮົາ​ສາມາດ​ປົກ​ປັກ​ຮັກສາ​ປ່າ​ໄມ້​ເພື່ອ​ອະນາຄົດ​ຂອງ​ຄົນ​ລຸ່ນ​ໃໝ່,​ ເສີມ​ຂະຫຍາຍ​ໂອກາດ​ໃຫ້​ແກ່​ຂະ​ແໜງ​ປຸ່ງ​​ແຕ່ງ​ໄມ້​ໃນ​ປະ​ເທດ, ສ້າງ​ມູນ​ຄ່າ​ເພີ່ມ​ໃຫ້​​ແກ່​ຜະລິດ​ຕະພັນ​ໄມ້, ສ້າງ​ໂອກາດ​ໃນ​ການ​ຈ້າງ​ງານ​ໃນ​ຂະ​ແໜງ​ປ່າ​ໄມ້ ​ແລະ ​​ເປີດ​ກ້ວາງ​ໂອ​ການ​ທາງ​ດ້ານ​ການ​ຕະຫຼາດ​ທີ່​ໃຫຍຂຶ້ນ​ກວ່າ​ເກົ່າ ​ແລະ ພາຍຫຼັງ​ທີ່​ແຜນການ​ດັ່ງກ່າວ​ຖືກ​ຈັດ​ຕັ້ງ​ປະ​ຕິບັດຜະລິດ​ຕະພັນ​ໄມ້​ຂອງລາວ​ກໍ​ຈະ​ສາມາດ​ຕອບ​ສະໜອງ​ຕາມ​ກົດ​ລະບຽບ​ວ່າ​ດ້ວຍ​ໄມ້​ຂອງ​ສະຫະພາບ​ເອີຣົບ, ຊຶ່ງ​ຈະ​ເປັນ​ການ​ສົ່ງ​ເສີມ​ການ​ສົ່ງ​ອອກ​ໄມ້​ທີ່​ຖືກ​ກົດໝາຍ​ໄປ​ຍັງ​ຕະຫຼາດ​ເອີຣົບ, ພ້ອມ​ນັ້ນ ​ບັນດາ​ບໍລິສັດ​ປຸງ​ແຕ່ງ​ໄມ້​ໃນ ສປປ ລາວ​ ກໍ​ຈະ​ສາມາດ​ເຂົ້າ​ເຖິງ​ຕະຫຼາດ​ອື່ນ​ໆ​ໄດ້​ງ່າຍ​ຂຶ້ນ, ​​ໂດຍ​ສະ​ເພາະ​​ແມ່ນ​ຕະຫຼາດ​ໃນ​ບັນດາ​ປະ​ເທດ​ອາ​ຊຽນ, ສະ​ຫະ​ລັດ​ອາ​ເມຣິກາ, ອົດ​ສະ​ຕຣາ​ລີ, ນິວຊີ​ແລ​ນ ​ແລະ ຍີ່ປຸ່ນ​​ເປັນ​ຕົ້ນ.

ແຫ່ລງຂ່າວ

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...