spot_img
Homeຂ່າວການພັດທະນາອົງການກາແດງລາວຍົກລະດັບຄວາມຮູ້ຄວາມ ສາມາດວຽກງານໂຄສະນາ-ຂ່າວສານ

ອົງການກາແດງລາວຍົກລະດັບຄວາມຮູ້ຄວາມ ສາມາດວຽກງານໂຄສະນາ-ຂ່າວສານ

Published on

Untitled-1 .09.12.1

ຂປລ. ​ໃນວັນ​ທີ 8 ທັນ​ວາ 2015 ອົງ​ການ​ກາ​ແດງ​ລາວໄດ້​ຈັດ​ຊຸດ​ຝຶ​ກ​ອົບ​ຮົມ​ວຽກ​ງານ​ໂຄ​ສະ​ນາ-ຂ່າວ​ສານ​ຂຶ້ນ​ທີ່ ບ້ານ​ພັກ​ແຄມ​ງຶ່ມ ເມືອງ​ແກ້ວ​ອຸ​ດົມແຂວງວຽງ​ຈັນ, ໂດຍ​ການ​ເປັນ​ປະ​ທານ​ຂອງ​ທ່ານ ຮ​ສ​ຈ.ດ​ຣ ສິງເມ​ໂນ​ລາດ ຮອງ​ປະ​ທານ​ອົງ​ການ​ກາ​ແດງ​ລາວ, ໃຫ້​ກຽດ​ເຂົ້າ​ຮ່ວມ​ໃນ​ພິ​ທີ​ຄັ້ງ​ນີ້​ມີ ​ທ່ານ ບຸນ​ເນົາ ພະ​ຈອມ​ພົນ ຫົວ​ໜ້າ​​ກາ​ແດງ​ແຂວງວຽງ​ຈັນ, ທ່ານ ພອນ​ຄຳແກ້ວ​ ວິ​ໄລ ຮັກ​ສາ​ການກອງ​ໂຄ​ສະ​ນາ ແລ​ະ ຂົນ​ຂວາຍ​ການ​ກຸ​ສົນ,ຜູ້​ຕາງ​ໜ້າ​ຈາກ​ຄະ​ນະ​ກຳ​ມະ​ການ​ກາ​ແດງ​ສາ​ກົນ (ICRC), ພ້ອມ​ສຳ​ມະ​ນາ​ກອນ​ເຂົ້າ​ຮ່ວມ​ທັງ​ໝົດ 28 ທ່ານ ທີ່​ມາຈາກອົງ​ການ​ກາ​ແດງ​ລາວ ແລ​ະ ອົງ​ການ​ກາ​ແດງ​ແຂວງ​ໃນ​ທົ່ວ​ປະ​ເທດ​.

​ຈຸດ​ປະ​ສົງ​ຂອງ​ການ​ຝຶກ​ອົບ​ຮົມ​ຄັ້ງ​ນີ້ ແມ່ນ​ເພື່ອ​ຍົກ​ລະ​ດັບ​ຄວາມ​ຮູ້, ຄວາມ​ສາ​ມາດ​ໃຫ້​ແກ່​ພະ​ນັກ​ງານ​ໃນ​ດ້ານ​ເຕັກ​ນິກ, ວິ​ທີ​ການ​ຂຽນ​ຂ່າວໃຫ້​ມີ​ຄວາມ​ຮັບປະກັນ​ທາງ​ດ້ານ​ເນື້ອ​ໃນ, ມີ​ຄວາມ​ກະ​ທັດ​ຮັດ, ຊັດ​ເຈນ​ຍິ່ງ​ຂຶ້​ນ ໂດຍ​ການ​ຢຶດ​ຖື​ຈັນ​ຍາ​ບັນ​ຂອງ​ນັກ​ຂ່າວເປັນສຳຄັນ, ຮຽນ​ຮູ້​ວິ​ທີ​ການ​ຖ່າຍ​ຮູບ​​ພາບໃຫ້​ໄດ້​ຄຸນ​ນະ​ພາບ, ທາດ​ຕະຖານ ແລະ ສາ​ມາດ​ນຳ​ໃຊ້​ລົງ​ໃນ​ວາລະສານ ​ແລະ ສິ່ງ​ພິມ​ຕ່າງໆ ໄດ້, ຮູ້​ວິ​ທີ​ການ​ນຳ​ໃຊ້​ສື່​ສັງອອນ​ລາຍ​ຢ່າງ​ເໝາະ​ສົມ.

ນອກ​ຈາກນັ້ນ, ບັນດາ​ສຳ​ມະ​ນາ​ກອນ ​ຍັງ​​ໄດ້​ແລກ​ປ່ຽນຄວາມ​ຄິດຄວາມ​ເຫັນ, ​ແລກປ່ຽນ​ປະສົບ​ການ​ໃນ​ການ​ເຮັດ​ວຽກ​, ປຶກ​ສາ​ຫາ​ລື​ກັນ​ໃນ​ກາ​ນແກ້​ໄຂ​ບັນ​ຫາ​ຕ່າງໆ ​ທີ່​ມັກ​ເກີດ​ຂຶ້ນ​ໃນ​ເວ​ລາ​ເຮັດ​ວຽກ ເຮັດ​ໃຫ້​ບັນ​ຍາ​ກາດ​ໃນ​ການ​ຝຶກ​ອົບ​ຮົ​ມ​ໃນ​ຄັ້ງ​ນີ້ ເຕັມ​ໄປ​ດ້ວຍ​ຄວາມ​ສາມັກຄີ​ຮັກ​ແພງ ​ແລະ ຄວາມ​ຟົດ​ຟຶ້ນ​.
ການ​ຝຶກ​ອົບ​ຮົມ​ໃນ​ຄັ້ງ​ນີ້ ​ແມ່ນ​ໄດ້​ຮັບການ​ສະ​ໜັບ​ສະ​ໜຸນ​ທຶນ​ຈາກ​ຄະ​ນະ​ກຳ​ມະ​ການ​ກາ​ແດງ​ສາ​ກົນ (ICRC) ແລະ ຈະ​ດຳ​ເນີນ​ໄປ​ເປັນ​ເວ​ລາ 2 ວັນ​.

ແຫ່ລງຂ່າວ

ຂປລ

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...