spot_img
Homeຂ່າວເຫດການເຊີນເຂົ້າຮ່ວມງານຕະຫຼາດນັດມິດຕະພາບ ລາວ-ມຽນມາ ຄັ້ງທີ I

ເຊີນເຂົ້າຮ່ວມງານຕະຫຼາດນັດມິດຕະພາບ ລາວ-ມຽນມາ ຄັ້ງທີ I

Published on

4474d5e697597d80dc7bd5e02c9f3d5b

ແຂວງ​ຫຼວງ​ນ້ຳ​ທາ ຈະ​ຈັດງານ​ຕະຫຼາດນັດ​ມິດຕະພາບ ​ລາວ-ມຽນ​ມາ ຄັ້ງ​ທີ I ຂຶ້ນເພື່ອ​ເປັນການ​ສ້າງ​ຂະ​ບວນ​ການ​ຄຳນັບ​ຮັບຕ້ອນ​ວັນ​ສະຖາປະນາ ​ສປປ ລາວ ຄົບຮອບ 40 ປີ ຕິດ​ພັນ​ກັບ​ວັນ​ບຸນປະເພນີ​ຂອງ​ປະຊາຊົນ​ທ້ອງຖິ່ນ ແລະ ເປັນ​ການ​ລິ​ເລີ່ມ​ສ້າງ​ກິດຈະ​ກຳ​ການ​ຄ້າ-ການ​ບໍລິການ ເພື່ອ​ກະຕຸກ​ຊຸກຍູ້​ໃຫ້​ປະຊາຊົນຊາວ​ຄ້າຂາຍ ຕະຫຼອດ​ຮອດ​ນັກທຸລະ​ກິດທັງ​ພາຍ​ໃນ ແລະ ຕ່າງປະເທດ ​ມີ​ຄວາມ​ສົນໃຈ​ດ້ານການ​ຄ້າ-ການ​ລົງທຶນ ຢູ່​ບໍລິເວນຂົວ​ມິດຕະພາບ ລາວ-ມຽນ​ມາ ແນໃສ່ພັດທະນາ​ເຂດ​ດັ່ງກ່າວ ໃຫ້​ເປັນ​ເຂດ​ຍຸດ​ທະ​ສາດ​ເຊື່ອມຕໍ່​ກັບ​ບັນດາ​ປະເທດ​ອາ​ຊຽນ-ຈີນ ໃນ​ອະນາຄົດ.

ທ່ານ ບຸນ​ເລີດ ຫຼວງ​ປະເສີດ ຄະນະ​ກຳມະການ​ຈັດ​ງານ​ຕະຫຼາດ​ນັດ​ມິດຕະພາບ ລາວ-ມຽນມາ ຄັ້ງ​ທີ I ໄດ້​ຖະແຫຼງ​ຂ່າວ​ກ່ຽວກັບ​ການ​ຈັດ​ງານ​ດັ່ງກ່າວ ໃນ​ວັນທີ 17 ພະຈິກ 2015 ຢູ່​ບໍລິສັດ ຫຼວງ​ປະເສີດຖະໜົນ​ອາ​ຊຽນ ເມືອງ​ຈັນທະ​ບູ​ລີ ນະຄອນຫຼວງວຽງ​ຈັນ ວ່າ: ງານ​ຕະຫຼາດນັດຄັ້ງ​ນີ້ ​ຈະ​ໄດ້​ຈັດ​ຂຶ້ນລະຫວ່າງ​ວັນທີ 24-26 ພະຈິກ 2015 ຢູ່​ບໍ​ລິເວນ​ສົ້ນ​ຂົວ​ມິດຕະພາບ ລາວ-ມຽນ​ມາ (ບ້ານ​ຈ່າ​ຍີ່ ເມືອງ​ລອງ) ໂດຍ​ຈະ​ເຊື້ອ​ເຊີນ​ເອົາ​ຊາວ​ຄ້າຂາຍ​ ລວມ​ເຖິງ​ບັນດາ​ນັກທຸລະກິດຂອງ​ສອງ​ປະເທດ ​ເຂົ້າ​ຮ່ວມ​ວາງສະແດງ​ຂາຍ​ສິນຄ້າ ໂດຍ​ສະເພາະ ສິນຄ້າ​ຜະລິດ​ຕະ​ພັນ​ຂອງປະຊາຊົນ​ເມືອງ​ລອງ ແລະ ຊຽງລາບຕິດ​ພັນ​ກັບ​ການທ່ອງທ່ຽວ ແລະ ວັດທະນະທຳ ເຊິ່ງ​ພາຍໃນ​ງານ​ນອກຈາກ​ຈະ​ມີ​ການ​ວາງສະແດງ​ຈຳໜ່າຍ​ສິນຄ້າ​ແລ້ວ​ ຍັງຈະ​ມີ​ການສະແດງ​ສິລະ​ປະ-ວັດທະນະ​ທຳ​ຂອງ​ທ້ອງຖິ່ນ ກໍ່​ຄື​ຈາກສູນ​ກາງງານ​ພົບ​ປະ​ແລກປ່ຽນ ຂອງ​ບັນດາ​ນັກທຸລະກິດ​ຊາວ​ຄ້າຂາຍ ​ທີ່​ມີ​ຄວາມ​ສົນໃຈ​ຂອງ​ບັນດາ​ປະເທດ​ໃກ້​ຄຽງ ​ເພື່ອ​ເປັນ​ການດຶງ​ດູດ​ການ​ລົງທຶນ​ໃນ​ຂະແໜງການ​ຕ່າງໆ ​ທີ່​ທ້ອງຖິ່ນ​ດັ່ງກ່າວ​ມີທ່າແຮງ ນອກ​ນີ້ ຍັງ​ຈະ​ມີ​ກິດ​ຈະກຳ​ອື່ນໆ​ທີ່​ໜ້າ​ສົນໃຈ​ຕື່ມ​ອີກ.

ການ​ຈັດ​ງານ​ຕະຫຼາດນັດ​ຄັ້ງນີ້​ ແມ່ນ​ໄດ້​ຮັບ​ການ​ຊີ້​ນຳ ແລະ ການ​ສະໜັບສະໜູນ​ເປັນ​ຢ່າງ​ດີ ຈາກ​ພາກສ່ວນ​ທີ່​ກ່ຽວຂ້ອງ​ຂອງສອງ​ປະເທດ ພ້ອມ​ທັງ​ໄດ້​ຮັບ​ການຮ່ວມ​ມື​ຈາກ​ຫົວໜ່ວຍ​ທຸລະ​ກິດຕ່າງໆ​ສະແດງ​ອອກ ມາ​ຮອດ​ປັດຈຸ​ບັນ ມີ​ຫົວໜ່ວຍ​ທຸລະ​ກິດ ແລະ ພາກສ່ວນ​ຕ່າງໆ​ສະເໜີ​ເຈດ​ຈຳນົງ​ເຂົ້າ​ຮ່ວມ​ແລ້ວ 100 ກວ່າຮ້ານ ເຊິ່ງ​ສ່ວນ​ໃຫຍ່​ເປັນ​ປະເພດສິນຄ້າ​ເຄື່ອງ​ອຸປະໂພກ-ບໍລິໂພກ ສະນັ້ນ ບັນດາ​ທ່ານ​ທີ່​ມີ​ຄວາມສົນໃຈ​ທີ່​ຢາກ​ນຳ​ເອົາ​ສິນຄ້າ​ ມາວາງ​ຈຳໜ່າຍ​ໃນ​ງານ​ດັ່ງກ່າວ ກໍ່​ສາມາດ​ຕິດຕໍ່​ກັບ​ອຳນາດ​ການປົກຄອງ​ເມືອງ​ລອງ ສະພາ​ການຄ້າ ແລະ ອຸດສາຫະກຳ​ແຫ່ງຊາດ​ລາວ ຫຼື ຕິດຕໍ່​ໄດ້​ທີ່​ເບີ 020 99999928.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...