ເຣອັລ ໂຊເຊຍດາດ ປະກາດແຍກທາງກັບ ເດວິດ ມອຍສ໌ ຢ່າງເປັນທາງການເປັນທີ່ຮຽບຮ້ອຍແລ້ວ ຫຼັງຈາກທີ່ມີຜົນງານທີ່ບໍ່ດີມາໂດຍຕະຫຼອດພາທີມເສຍ ແລະ ຍັງຢູ່ອັນດັບທ້າຍໆຂອງຕາຕະລາງ ລາລີກາ

ເມື່ອວັນຈັນວັນທີ 9 ພະຈິກ 2015 ທີ່ຜ່ານມາ ເຣອັລ ໂຊເຊຍດາດ ທີມຈາກ ລາລີກາ ແອດສະປາຍ ອອກມາປະກາດໃຫ້ ເດວິດ ມອຍສ໌ ອອກຈາກການຄຸມທີມເປັນທີ່ຮຽບຮ້ອຍຫຼັງຈາກທີ່ຜົນງານຜ່ານມາຈາກ 11 ນັດ ມີພຽງ 9 ຄະແນນ ຢູ່ອັນດັບທີ 16 ຂອງຕາຕະລາງ

ການປະກາດຜ່ານເວບໄຊຂອງສະໂມສອນກ່າວວ່າ: “ສະໂມສອນ ເຣອັລ ໂຊເຊຍດາດ ຕ້ອງຂໍຂອບໃຈ ເດວິດ ມອຍສ໌ ແລະ ບິນລີ ແມ໊ກຄິນເລຍ໌ ສຳລັບການທຸ່ມເທໃຫ້ທີມຕະຫຼອດເວລາທີ່ຄຸມທີມ ພວກເຂົາສະແດງໃຫ້ເຫັນເຖິງຄວາມເປັນມືອາຊີບ ພວກເຮົາຂໍໃຫ້ລາວໂຊກດີ”