ມື້ນີ້, ວານນີ້ ວັນທີ 18 ຕຸລາ 2015 ເວລາປະມານ 20:25 ນາທີ ໄດ້ເກີດເກີດເຫດລົດຈັກລົ້ມເອງ ຢູ່ບໍລິເວນ ບ້ານດ່ານຊ້າງ ເມືອງໄຊທານີ ນະຄອນ ຫຼວງວຽງຈັນ ເພາະຫຼີກທໍ່ທີ່ຕັນທາງເພື່ອບໍ່ໃຫ້ສັນຈອນ ໄປເຂດດັ່ງກ່າວ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ.ປ.ປ ລາວ ໄດ້ຮັບແຈ້ງ ແລະ ອອກກວດສອບຈຸດເກີດເຫດທັນທີ
ຫຼັງໄປເຖິງທີ່ເກີດເຫດພົບ ຊາຍ 1 ຄົນ ອາການຍັງມຶນງົງເພາະລົດລົ້ມ ມີບາດແຜຕາມຕີນ ມື ເລັກໜ້ອຍ ຈາກການສອບຖາມຈືງໄດ້ຮູ້ວ່າ ລາວໄດ້ຂີ່ລົດຈັກມາຮອດເຂດນີ້ ແລະ ໄດ້ຫຼົບທໍ່ເບຕົງທີ່ກັ້ນທາງໄວ້ ເນື່ອງຈາກເຂດນີ້ເປັນບໍລິເວນມືດ ແລະ ມີຝຸ່ນຫຼາຍ ເຮັດໃຫ້ທັດສະວິໄສໃນການເບິ່ງເຫັນບໍ່ຊັດເຈນ. ລາວຍັງບອກອີກວ່າ ຕອນລົ້ມຈື່ໄດ້ແຕ່ວ່າຫຼົບທໍ່ເທົ່ານັ້ນ ແລະ ມາຮູ້ສຶກເຈັບຫົວ ແລະ ແອວຂວາ ເພາະລົ້ມກະທົບພື້ນຢ່າງແຮງ ແລະ ບໍ່ໄດ້ໃສໝວກກັນກະທົບ.
ທາງທີມງານຈື່ງຢາກຝາກເຕືອນທຸກທ່ານໃຫ້ລະມັດລະວັງສິ່ງກີດຂວາງການສັນຈອນ ໂດຍສະເພາະທາງທີ່ກຳລັງມີການກໍ່ສ້າງ ແລະ ຢ່າລືມ ຫຼູດຜ່ອນຄວາມໄວ ໃສ່ໝວກກັນກະທົບ!
ອີກອັນໜຶ່ງ ພາກສ່ວນກໍ່ສ້າງທາງ ກໍຄວນໃສ່ປ້າຍເຕືອນຕັ້ງແຕ່ໄກ ເພື່ອໃຫ້ຜູ້ສັນຈອນທັນລະວັງໂຕ ກ່ອນຈະຮອດຈຸດອັນຕະລາຍ.
ພາບແລະຂ່າວຈາກ: ນາທີຊີວິດ