spot_img
Homeຂ່າວພາຍ​ໃນແຮງງານລາວຄ່ຳຄວນ ຖືກນາຍບ້ານເກັບເງິນ ຫົວລະ 400,000 ກີບຕໍ່ປີ

ແຮງງານລາວຄ່ຳຄວນ ຖືກນາຍບ້ານເກັບເງິນ ຫົວລະ 400,000 ກີບຕໍ່ປີ

Published on

ແຮງງານລາວ
ການເຮັດວຽກຂອງແຮງງານລາວ (ຮູບປະກອບບໍ່ກ່ຽວກັບຂ່າວ)

ແຮງງານລາວຈຳນວນໜຶ່ງ ທີ່ບໍ່ປະສົງອອກນາມ ທີ່ເປັນຄົນແຂວງຈຳປາສັກ ທີ່ໄດ້ເດິນທາງໄປເຮັດວຽກຢູ່ໄທ ໄດ້ສົ່ງຈົດໝາຍເຖິງທີມຂ່າວ ລາວໂພສວ່າ ພວກຕົນຮູ້ສຶກບໍ່ໄດ້ຮັບ ຄວາມເປັນທຳແລະທຸກໃຈຫຼາຍ ທີ່ໃນແຕ່ລະປີຕ້ອງຈ່າຍເງິນໃຫ້ແຂວງ ປີລະ 100,000 ກີບຕໍຄົນຕໍ່ປີໃນປີທີ່ຜ່ານມາ ແຕ່ຕົກມາຮອດຕອນນີ້ ສະເພາະຢູ່ບ້ານ ທົງໄຊ ເມືອງປະທຸມພອນ ແຂວງຈຳປາສັກ ແມ່ນໄດ້ຂຶ້ນເປັນ 400,000 ກີບຕໍ່ຄົນຕໍ່ປີແລ້ວ ເຊິ່ງພວກຕົນເຫັນວ່າເປັນການເກັບເງິນ ທີ່ແພງຫຼາຍ ເພາະການໄປເັຮດວຽກຢູ່ໄທ ຂອງແຮງງານລາວ ສ່ວນຫຼວງຫຼາຍແມ່ນແຮງງານບໍ່ມີສີມື ຈຶ່ງໄດ້ຮັບເງິນເດືອນໜ້ອຍ ກວ່າຈະໄດ້ເງິນສົ່ງມາບ້ານໃຫ້ພໍ່ແມ່ ກໍຕ້ອງອົດທົນເຮັດວຽກໜັກ ແລະປະຢັດທີ່ສຸດ ແລະທີ່ສຳຄັນອັນໜຶ່ງພວກຕົນກໍໄປ ດ້ວຍຄວາມຖືກຕ້ອງຕາມກົດໝາຍ.

ວິທີການເກັບເງິນແມ່ນນາຍບ້ານເປັນຄົນເກັບ ເມື່ອສອບຖາມວ່າເປັນຫຍັງຕ້ອງເກັບ ນາຍບ້ານກໍບອກວ່າເປັນຄຳສັ່ງຈາກທາງແຂວງ ໂດຍອ້າງວ່າເປັນຄ່າທີ່ໄປເຮັດວຽກຢູ່ໄທ ທີມຂ່າວເຮົາຈຶ່ງຄາດວ່າ ເປັນນະໂຍບາຍທ້ອງຖິ່ນພາຍໃນແຂວງ ເພາະຕາມທີ່ໄດ້ສອບຖາມແລ້ວນັ້ນ ບໍ່ປາກົດວ່າມີບ້ານໃດ ຫຼືແຂວງໃດ ເກັບເງິນນຳຜູ້ໄປອອກແຮງງານຢູ່ໄທ ຄືດັ່ງກ່າວ.

ອີງຕາມພາລະໜ້າທີ່ຂອງສື່ ຕາມກົດໝາຍສື່ມວນຊົນ ໄດ້ກຳໜົດໄວ້ ທີມຂ່າວລາວໂພສ ຈຶ່ງເຜີຍແຜ່ຂ່າວນີ້ອອກສູ່ສັງຄົມ ເພື່ອໃຫ້ພາກສ່ວນທີ່ກ່ຽວຂ້ອງໄດ້ມີ ໂອກາດຊີ້ແຈງສ້າງຄວາມເຂົ້າໃຈ ທີ່ຖືກຕ້ອງແກ່ແຮງງານລາວ (ແຂວງຈຳປາສັກ) ໃຫ້ໄດ້ຮັບຄວາມຈະຈ່າງແຈ້ງ ແລະເຂົ້າໃຈຕໍ່ການເກັບເງິນດັ່ງກ່າວ.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...