spot_img
Homeຂ່າວທ້ອງຖິ່ນຜົນຜະລິດລະດູຝົນຢູ່ເມືອງພຽງ ຈະໄດ້ຮັບຫລາຍກວ່າປີຜ່ານມາ

ຜົນຜະລິດລະດູຝົນຢູ່ເມືອງພຽງ ຈະໄດ້ຮັບຫລາຍກວ່າປີຜ່ານມາ

Published on

Untitled-.08.10.5

ຂປລ. ປັດຈຸບັນ ກະສິກອນເມືອງພຽງ ແຂວງໄຊຍະບູລີ ພວມຂຸ້ນຂ້ຽວເກັບກູ້ເຂົ້າ ​ແລະ ພືດ​ເປັນ​ສິນຄ້າ ​​​ໄດ້​ເກືອບ 50%, ຄາດ​ວ່າ ຜົນ​ຜະລິດ​ປີ​ນີ້ ຈະ​ໄດ້​ຫລາຍ​ກວ່າ​ປີຜ່ານມາ, ​ພາຍຫລັງພະນັກງານຫ້ອງການ​ກະສິກຳ-ປ່າ​ໄມ້ ​ໄດ້ລົງ​​ແນະນຳການນຳໃຊ້ ເຕັກນິກທັນສະໄໝເຂົ້າສູ່ການຜະລິດກະສິກຳ ຂອງປະຊາຊົນ ເຮັດໃຫ້ ການຜະລິດຢູ່ພາຍໃນເມືອງ ເປັນຂະບວນການກວ້າງຂວາງກວ່າຊຸມປີຜ່ານມາ. ຂະນະດຽວກັນ ກໍກຽມທຸກເງື່ອນໄຂ ຜະລິດພືດໃນລະດູແລ້ງໃຫ້ພົ້ນເດັ່ນ ມີຄຸນນະພາບ ກວ່າເກົ່າ.

ທ່ານ ສົມຫວັງ ສີສົມພອນ ຫົວໜ້າຫ້ອງການກະສິກຳ ແລະ ປ່າໄມ້ເມືອງພຽງ ໄດ້​ເປີດ​ເຜີຍ​ໃຫ້​ຮູ້​ວ່າ: ເມືອງພຽງມີເນື້ອ ທີ່ການປູກເຂົ້າທັງໝົດ 6.600 ກວ່າເຮັກຕາ, ເນື້ອທີ່ນາປີ 5.600 ກວ່າເຮັກຕາທຽບໃສ່ ປີຜ່ານມາເພີ່ມຂຶ້ນ 50 ກວ່າເຮັກຕາ ມາຮອດປັດຈຸບັນ ໄດ້ເກັບກູ້ສຳເລັດແລ້ວ 330​ ກວ່າເຮັກຕາ. ສຳລັບນາເນີນສູງມີເນື້ອທີ່ 1.000 ກວ່າເຮັກຕາ, ເກັບກູ້ສຳເລັດແລ້ວ 560 ກວ່າເຮັກຕາ, ສ່ວນການປູກພືດເປັນສິນຄ້າ ແລະ ພືດສະບຽງອາຫານ ມີເນື້ອທີ່ ທັງໝົດ 8.200 ກວ່າເຮັກຕາ ທຽບໃສ່ແຜນການໄດ້ລື່ນຄາດໝາຍ ​ໂດຍເກັບກູ້ສຳເລັດແລ້ວ 2.700 ກວ່າເຮັກຕາ.

ທ່ານ ສົມຫວັງ ສີສົມພອນ ​ໃຫ້​ຮູ້​ຕື່ມວ່າ: ການຜະລິດ ໃນລະດູຝົນສົກປີນີ້ ເຖິງວ່າບໍ່ໄດ້ຕາມແຜນການ, ແຕ່ຄາດວ່າຈະໄດ້ຮັບຜົນ ຜະລິດຫລາຍກວ່າເກົ່າ. ນອກຈາກການ ເກັບກູ້ເຂົ້າແລ້ວ ຍັງໄດ້ສົ່ງເສີມ ປະຊາຊົນເກັບ ກູ້ພືດ ໃນລະດູຝົນ ຕື່ມກວ່າ 2.700 ເຮັກຕາ ຫລື ບັນລຸກວ່າ 30 ສ່ວນຮ້ອຍ. ແນວໃດກໍດີ ສຳລັບການປູກພືດ ໃນລະດູແລ້ງປີນີ້, ໝັ້ນໃຈຈະບັນລຸການ ປູກເຂົ້ານາແຊງໃນເນື້ອທີ່ 880 ເຮັກຕາ ແລະ ພືດ 780 ເຮັກຕາ. ຄາດວ່າຈະເລີ່ມ ລົງມືປູກພືດລະດູແລ້ງໃນກາງ​ເດືອນພະຈິກ ເປັນຕົ້ນໄປ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...