ຕາມການລາຍງານຂອງ ໜ່ວຍກູ້ໄພ ມຸນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວວ່າ ວັນທີ 7/10/2015 ເວລາ 20:52 ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ຮັບແຈ້ງຈາກປະຊາຊົນທາງເບີສຸກເສີນ 1623 ວ່າ ມີເຫດລົດໃຫຍ່ຕຳລົດຈັກຢູ່ທາງໂຄ້ງ ບ້ານຜາງແຫ້ງ ເມືອງນາຊາຍທອງ ນະຄອນຫຼວງວຽງຈັນ. ພໍຮອດຈຸດເກີດເຫດ ພົບຄົນເຈັບ 2 ຄົນ. ຄົນທີ່ 1 ເພດຊາຍ ອາການເບື້ອງຕົ້ນ ກົກຂາເບື້ອງຂວາພິກໂບກ ມີບາດແຜ່ເປີດໃຫຍ່ຢູ່ຫົວ ມີບາດແຜ່ຕາມຕົນໂຕ ມີສະຕິ. ຄົນທີ່2 ເພດຍິງ ອາການເບື່ອງຕົ້ນ ຂາເບື່ອງຂວາຫັກ ຫູເບື້ອງ ຊ້າຍຈີກ ມີບາດແຜ່ຕາມຕົນໂຕ ມີສະຕິ.
ດັ່ງນັ້ນຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກ ຈຶ່ງໄດ້ປະຖົມພະຍາບານເບື້ອງຕົ້ນແລ້ວ ນຳສົ່ງໂຮງຫມໍມິດຕະພາບ 150 ຕຽງ;
ບໍລິເວນດັ່ງກ່າວ ພົບເຫັນລົດຈັກຜູ້ປະສົບເຫດ ຢູ່ກ້ອງລົດໃຫຍ່ (ລົດກະບະ).
