ນັກວິທະຍາສາດເຜີຍ ດາວອັງຄານເຄີຍເກີດເຫດນ້ຳຖ້ວມເທື່ອໃຫຍ່ ໂດຍວິເຄາະຈາກຫລັກຖານຕ່າງໆ ຂອງນາຊ່າ ນ້ຳໜ້າຈະຍັງຂັງຢູ່ໃຕ້ດິນ ແລະ ອາດພົບຮ່ອງຮອຍສິ່ງມີຊີວິດໃນອະດີດກໍເປັນໄດ້
ເມື່ອວັນທີ່ 30 ກັນຍາ ເວັບໄຊຕ໌ມິເລີລ໌ ເປີດເຜີຍວ່າ ຫລັງຈາກອົງການນາຊ່າໄດ້ເຜີຍແຜ່ຮູບພາບ ແລະ ຂໍ້ມູນກ່ຽວກັບການຄົ້ນພົບນ້ຳເທິງດາວອັງຄານ ກໍໄດ້ມີກຸ່ມນັກວິທະຍາສາດຈາກສະຖາບັນວິທະຍາສາດດາວເຄາະ ແລະ ມະຫາວິທະຍາໄລອິດສະຫຼະແຫ່ງບາເຊໂລນ່າ ອອກມາລະບຸວ່າ ເຄີຍມີນ້ຳຖ້ວມເທື່ອໃຫຍ່ເທິງດາວອັງຄານເມື່ອ 3 ພັນລ້ານປີກ່ອນ
ນັກວິທະຍາສາດກຸ່ມດັ່ງກ່າວໄດ້ຕີພິມບົດຄວາມງານວິໄຈກ່ຽວກັບກໍລະນີນີ້ ເຊີ່ງຂໍ້ມູນສ່ວນໃຫຍ່ເນັ້ນໄປທີ່ການຊີ້ໃຫ້ເຫັນເຖິງສາເຫດຂອງນ້ຳຖ້ວມເທື່ອໃຫ່ຍຂອງດາວອັງຄານ
ພວກເຂົາສະເໜີແນວຄິດທີ່ວ່າ ອາດເກີດເຫດການທີ່ນ້ຳກ້ອນ ແລະ ຄາບຕ່າງໆ ເຊີ່ງສະສົມຢູ່ລະຫວ່າງພູເຂົາລະລາຍກາຍເປັນຂອງແຫລວ ໂດຍມີລາວາໃຕ້ດິນທີ່ຮ້ອນເປັນໂຕການ ແລະ ເຮັດໃຫ້ເກີດນ້ຳຖ້ວມດວງດາວໃນທີ່ສຸດ ເຊີ່ງການເກີດນ້ຳຖ້ວມເທື່ອນີ້ອາດທຳຮ້າຍຮ່ອງຮອຍຂອງສິ່ງທີ່ເຄີຍມີຊີວິດຢູ່ເທິງດາວໄປກໍໄດ້ ຄາດວ່າ ປະລິມານຂອງນ້ຳທີ່ຖ້ວມດວງດາວນັ້ນໜ້າຈະຫລາຍພໍທີ່ຈະຈະໝົດທະວີບຍຸໂຣບຂອງໂລກໄດ້ເລີຍ
ນອກຈາກນີ້ພວກເຂົາຍັງລະບຸວ່າ ເຖິງແມ່ນວ່າເຫດການນ້ຳຖ້ວມດາວອັງຄານຈະຜ່ານມາຫລາຍພັນລ້ານປີແລ້ວກໍຕາມ ແຕ່ໜ້າຈະຍັງມີຮ່ອງຮອຍຂອງແຫລ່ງນ້ຳຂະໜາດໃຫຍ່ຢູ່ພື້ນຜິວດາວ ເຊັ່ນດຽວກັບຄວາມເປັນໄປໄດ້ວ່າອາດພົບຮ່ອງຮອຍຂອງສິ່ງທີ່ເຄີຍມີຊີວິດຢູ່ດ້ວຍເຊັ່ນກັນ ໂດຍຂອງສະພາບແວດລ້ອມໃນເວລານັ້ນ ກໍອາດຊ່ວຍປິ່ນປົວຮ່ອງຮອຍຂອງສິ່ງມີຊີວິດທີ່ຢູ່ເທິງດາວເອົາໄວ້ ເຊັ່ນດຽວກັບເທິງໂລກ ທີ່ຮ່ອງຮອຍຂອງສິ່ງມີຊີວິດເມື່ອຈົມຢູ່ໃຕ້ດິນ ແລະ ຄ່ອຍຖືກຄົ້ນພົບໃນປະຈຸບັນ
ນັກວິທະຍາສາດຫວັງເປັນຢ່າງຍິ່ງວ່າ ຫາກມີການຄົ້ນພົບແຫລ່ງນ້ຳຂະໜາດໃຫຍ່ເທິງດາວອັງຄານຢ່າງທີ່ພວກເຂົາຄາດການໄວ້ແທ້ໆ ຈະເປັນປະໂຫຍດຕໍ່ການວິໄຈກ່ຽວກັບສິ່ງມີຊີວິດເທິງດາວອັງຄານ ແລະ ເປັນປະໂຫຍດຕໍ່ກິດຈະກຳຕ່າງໆ ຂອງມະນຸດທີ່ອາດເກີດຂຶ້ນເທິງດາວອັງຄານໃນອະນາຄົດ
