ຫລັງຈາກທີ່ Apple ປ່ອຍອັບເດດ iOS 9 ໄດ້ອັບເດດກັນໄປແລ້ວ ເມື່ອວັນທີ່ 16 ກັນຍາທີ່ຜ່ານມາ ຫລາຍຄົົນທີ່ຍັງບໍ່ໝັ້ນໃຈໃນເລື່ອງ ອາຍຸການໃຊ້ງານແບັດເຕີຣີ່ ຖ້າອັບເດດ iOS 9 ໄປແລ້ວແບັດຈະດົນ ແລະ ທົນຂຶ້ນຫລືບໍ່ ລະຫວ່າງ iOS 8.4.1 ທີ່ໃຊ້ງານຢູ່ກັບ iOS 9 ເວີລ໌ຊັ່ນປະຈຸບັນ ມື້ນີ້ເຮົານຳຜົນທົດສອບການໃຊ້ງານ iOS 9 ເທິງ iPhone, iPad ມາຝາກ ໄປເບິ່ງກັນເລີຍວ່າລຸ້ນໃດທີ່ອັບເດດ iOS 9 ໄປແລ້ວ ແບັດຢູ່ໄດ້ດົນຂຶ້ນແດ່
ໂດຍການທົດສອບນີ້ ປຽບທຽບລະຫວ່າງ iOS 8.4.1 ກັບ iOS 9.0 GM ຊຶ່ງທຳການທົດສອບດ້ວຍການຫລິ້ນເວັບຕາມປົກກະຕິ ຜົນທີ່ໄດ້ກໍຄື iPhone ແລະ iPod Touch ລຸ້ນທີ່ທຳການທົດສອບ ມີແນວໂນ້ມປ່ຽນແປງໃນທາງທີ່ດີຂຶ້ນ ໂດຍສະເພາະ iPhone 6 Plus ມີການປ່ຽນແປງຢ່າງເຫັນໄດ້ແຈ້ງ ຍົກເວັ້ນ iPhone 5 ທີ່ຫລຸດລົງພຽງເລັກນ້ອຍເທົ່ານັ້ນ
ແລະເມື່ອນຳມາທົດສອບກັບ iPad ດ້ວຍວິທີການດຽວກັນ ພົບວ່າ ມີພຽງ iPad 4 ລຸ້ນດຽວເທົ່ານັ້ນ ທີ່ໄດ້ຜົນການທົດສອບຫລຸດລົງ ໃນຂະນະທີ່ iPad ລຸ້ນອື່ນໆ ມີການປ່ຽນແປງເລັກນ້ອຍ
ຢ່າງໃດກໍດີ ເທິງ iOS 9 ມີຟັງຊັ່ນທີ່ຊ່ວຍປະຫຍັດພະລັງງານແບັດເຕີຣີ່ ຊຶ່ງມີຊື່ວ່າ Low Power Mode ດ້ວຍການປິດການເຮັດວຽກງານບາງຢ່າງທີ່ບໍ່ຈຳເປັນ ຢ່າງເຊັ່ນ ປັບຄວາມແຈ້ງຂອງໜ້າຈໍໃຫ້ນ້ອຍລົງ, ລັອກໜ້າຈໍພາຍໃນເວລາ 30 ວິນາທີ ຖ້າຫາກບໍ່ໄດ້ໃຊ້ງານ, ປິດການເຮັດວຽກງານຂອງ Background App Refresh ຫລືການເລີ່ມຕົ້ນອີເມລ ເພື່ອໃຫ້ແບັດເຕີຣີ່ສາມາດໃຊ້ງານໄດ້ຍາວນານຂຶ້ນ ໂດຍຜູ້ໃຊ້ສາມາດເຂົ້າໄປເປີດການໃຊ້ງານ Low Power Mode ໄດ້ທີ່ Settings > Battery > Low Power Mode