ພາບນີ້ຄືທ່າໃນການທົດສອບຢ່າງງ່າຍ ວ່າເຈົ້າໃຊ້ສະມາດໂຟນຫຼາຍເກີນໄປຈົນເຈັບມືເມື່ອເຮັດທ່ານີ້ ຫຼື ບໍ່ ຊຶ່ງເປັນທ່າ ທາງໃນການທົດສອບ “De Quervain’s syndrome” ຫຼື ທີ່ຮູ້ຈັກກັນໃນຊື່ອາການຕິດສະມາດໂຟນ
ອາການເຈັບເວລາທີ່ເຮັດມືໃນທ່ານີ້ແລ້ວກົດຂໍ້ມືລົງ ເກີດຈາກການທີ່ເຮົາໃຊ້ນິ້ວໂປ້ງໃນມືແຕ່ລະຂ້າງຫຼາຍຈົນເກີນໄປ ຊຶ່ງມັກເກີດກັບຄົົນທີ່ໃຊ້ສະມາດໂຟນ, ຫຼິ້ນເກມ, ຫຼືພິມເທິງມືຖືຫຼາຍເກີນໄປນັ້ນເອງ
ບາງຄົນເມື່ອເຮັດທ່າທົດສອບນີ້ແລ້ວຈະເຈັບຂ້າງຂວາ ແຕ່ກັບມືຂ້າງຊ້າຍກັບບໍ່ເຈັບຫຍັງ ນັ້ນອາດຈະເປັນເພາະເຮົາໃຊ້ມືຂ້າງຂວາຫຼິ້ນມືຖືຫຼາຍກວ່າມືຊ້າຍກໍເປັນໄດ້
ທ່າອອກກຳລັງກາຍເພື່ອຜ່ອນຄາຍນິ້ວ
ຫາກການທົດສອບເຮັດໃຫ້ເຈົ້າຮູ້ສຶກເຈັບປວດທີ່ຂໍ້ມື ກໍມີທ່າທາງໃນການອອກກຳລັງກາຍເພື່ອໃຫ້ກ້າມເນື້ອຜ່ອນຄາຍລົງໄດ້ຫຼາຍທ່ານຳກັນດັ່ງນີ້
- Opposition stretch: ວາງມືລົງເທິງໂຕະ ເອົານິ້ວໂປ້ໄປຈັບກັບນິ້ວອື່ນໆ ຄ້າງໄວ້ 6 ວິນາທີ ເຮັດແບບນີ້ 10 ເທື່ອ
- Wrist stretch: ໃຊ້ມືອີກຂ້າງຊ່ວຍອຽງຂໍ້ມືທີ່ເຈັບ ແລ້ວຄ້າງໄວ້ 15 – 30 ວິນາທີ ຈາກນັ້ນເຮັດໃນທາງກົງກັນຂ້າມແລ້ວຄ້າງໄວ້15 – 30 ວິນາທີ ເຮັດທັງໝົດ 3 ຮອບ
- Wrist flexion: ໃຊ້ຂໍ້ມືຖືກະປ໋ອງແລ້ວຫງາຍຂໍ້ມືຂຶ້ນ ຈາກນັ້ນເໜັງຂໍ້ມືຂຶ້ນຢ່າງຊ້າໆ ແລ້ວກັບມາທີ່ຈຸດເກົ່າ ເຮັດທັງໝົດ 2 ຮອບໃນ 15 ວິນາທີ
- Wrist radial deviation strengthening: ວາງມືໄປໃນແນວດ້ານຂ້າງ ຖືກະປ໋ອງໄວ້ ແລ້ວຄ່ອຍໆ ເໜັງຂໍ້ມືຂຶ້ນລົງ ເຮັດທັງໝົດ 2 ຮອບໃນ 15 ວິນາທີ
- Wrist extension: ໃຊ້ຂໍ້ມືຖືກະປ໋ອງແລ້ວຄວ້ຳມືລົງ ຈາກນັ້ນຄ່ອຍໆ ຫງາຍຂໍ້ມືຂຶ້ນ ເຮັດທັງໝົດ 2 ຮອບໃນ 15 ວິນາທີ
- Grip strengthening: ກຳໝາກບານຢາງຄ້າງໄວ້ 5 ວິນາທີເຮັດ ທັງໝົດ 2 ຮອບໃນ 15 ວິນາທີ
- Finger spring: ນຳຢາງຂະໜາດໃຫຍ່ມາຮອບນິ້ວມືໄວ້ ຈາກນັ້ນຂະຫຍາຍນິ້ວອອກ ເຮັດທັງໝົດ 2 ຮອບໃນ 15 ວິນາທີ