Homeມູມໄອທີລາວ5 ເຫດຜົນ​ເປັນຫຍັງ iPad Pro ເຖິງ​ໃຊ້​ເຮັດວຽກ​​ບໍ່​ດີ​ເທົ່າ Surface Pro

5 ເຫດຜົນ​ເປັນຫຍັງ iPad Pro ເຖິງ​ໃຊ້​ເຮັດວຽກ​​ບໍ່​ດີ​ເທົ່າ Surface Pro

Published on

iPad_Pro_1

ເຖິງແມ່ນວ່າ iPad Pro ຈະ​ໄດ້ຮັບ​ຄວາມ​ສົນ​ໃຈ​ຈາກ​ຜູ້​ຄົນ​ຈຳນວນ​ຫລາຍ​ໂດຍ​ສະເພາະ​ສາວົກ​ແອບ​ເປີ້ນ ແຕ່​ແທ້​ຈິງ​ແລ້ວ​ໃນ​ກຸ່ມ​ຄົົນທີ່​ຕ້ອງ​ການ​ນຳ​ໄປ​ໃຊ້​ງານ​ແບບ​ຈິງ​ຈັງ​ແທນ​ທີ່​ໂນດ​ບຸ​ກ ຫລື MacBook ອາດ​ຕ້ອງ​ຜິດ​ຫວັງ ເພາະ iPad Pro ນັ້ນ​ຍັງ​ບໍ່​ສາມາດ​ໃຊ້​ແທນ​ທີ່​ໂນດ​ບຸກ​ໄດ້​ຄືກັບ Surface Pro ຂອງ​ໄມ​ໂຄ​ຣຊອບ ແມ່ນ​ຈະ​ຕໍ່​ຄີ​ບອ​ດໄດ້​ແລະ​ມີ​ໜ້າ​ຈໍ​ທີ່​ໃຫຍ່​ຄືກັນ​ກໍ​ຕາມ ມື້​ນີ້​ຈື່ງ​ໄດ້​ນຳ 5 ເຫດຜົນ​ວ່າ​ເປັນຫຍັງ iPro Pro ຈຶ່ງ​ບໍ່​ເໝາະ​ສຳລັບ​ນຳ​ມາ​ໃຊ້​ເຮັດວຽກ​ຄືກັບ Surface Pro
1. iPad Pro
ໃຊ້​ແທນ​ໂນດບຸກບໍ່​ໄດ້
Surface Pro ໃຊ້​ລະບົບ​ປະຕິບັດການ Windows ເຊັ່ນ​ດຽວ​ກັບ​ໂນດບຸກ​ແລະ PC ທົ່ວ​ໄປ ເຮັດໃຫ້​ສາມາດ​ໃຊ້​ງານ​ໂປ​ຣແກຣມ​ຕ່າງໆ ໄດ້​ບໍ່​ຕ່າງ​ກັນ​ເທົ່າໃດ ແຕ່  iPad Pro ຍັງ​ຕ້ອງໃຊ້ iOS 9 ຊຶ່ງ​ເປັນ​ລະບົບ​ປະຕິບັດການ​ສຳລັບ iPhone ແລະ iPad ເຮັດໃຫ້ iPad Pro ຍັງ​ຄົງ​ຄວາມ​ເປັນ​ແທັບ​ເລັດ​ທີ່​ຍັງມີ​ຄວາມ​ສາມາດ​ໃນ​ການເຮັດວຽກ​ບໍ່​ເທົ່າ​ທຽມ​ໂນດ​ບຸ​ກ ຊຶ່ງ​ຖ້າ​ຫາກ iPad Pro ໃຊ້​ຊີ​ພີ​ຍູ Intel Core M ແທນ​ທີ່​ຈະ​ເປັນ A8 ຈະ​ເຮັດໃຫ້​ສາມາດ​ໃຊ້​ລະບົບ​ປະຕິບັດການ OS X ໄດ້​ເຊັ່ນ​ດຽວ​ກັບ MacBook ແລະ​ນັ້ນ​ຈະ​ເຮັດໃຫ້​ສາມາດ​ນຳ​ໄປ​ທຽບ​ກັບ​ໄດ້ Surface Pro ໄດ້
2. iPad Pro
ບໍ່​ຮອງ​ຮັບ​ເມົ້າ​ສ໌
ດ້ວຍ​ການ  iPad Pro ບໍ່​ຮອງ​ຮັບ​ເມົ້າ​ສ໌ ​ຄື Surface Pro ແລະ​ບໍ່​ສາ​ມາດ​ສະ​ລັບ​ການ​ໃຊ້​ງານ​ລະຫວ່າງ​ໂໝດ​ແລັບ​ທັອບ​ຫລື​ໂໝດ​ແທັບ​ເລັດ​ໄດ້ ເຮັດໃຫ້​ການເຮັດວຽກ​ບາງ​ປະ​ເພດ​ທີ່​ຈຳ​ເປັນ​ຕ້ອງ​ໃຊ້​ເມົ້າ​ສ໌ ​ອາດ​ພົບ​ກັບ​ຄວາມ​ລຳ​ບາກ​ຫາກ​ຕ້ອງ​ໃຊ້​ການ​ສຳ​ຜັດ​ໜ້າ​ຈໍ​ແທນ
3. iPad Pro
ໃຊ້​ບໍ່​ມ່ວນຢ່າງທີ່ຜ່ານມາ
ເຖິງແມ່ນວ່າ Adobe ຈະ​ພັດທະນາ​ແອບ ຢ່າງ Adobe Photoshop Fix ຫລື Adobe Sketch ມາ​ສຳລັບ​ໃຊ້​ງານ​ເທິງ iPad Pro ແລະ​ພຽງພ້ອມ​ໄປ​ດ້ວຍ​ຟັງຊັ່ນ​ຕ່າງໆ ທີ່​ເຮັດໃຫ້​ສາມາດ​ໃຊ້​ງານ​ໄດ້​ຢ່າງ​ມີ​ປະ​ສິດ​ທິ​ພາບ​ກໍ​ຕາມ ແຕ່​ເມື່ອ​ທຽບ​ກັບ​ໂປຣ​ແກຣມ​ທີ່​ນັກ​ກາ​ບຟິກ​ສ່ວນ​ໃຫຍ່​ລື້ງເຄີຍ​ຢ່າງ Photoshop, Illustrator ຫລື InDesign ຊຶ່ງ​ມີ​ໃຫ້​ໃຊ້​ງານ​ສະເພາະ​ເທິງ Windows ແລະ OS X ແລ້ວ ກໍ​ຍັງ​ສາມາດ​ໃຊ້​ງານ​ໄດ້​ດີ​ກວ່າ​ການ​ຝຶກ​ໃຊ້​ແອບໃໝ່​ໆ ເທິງ iPad Pro ຢູ່​ດີ
4. iPad Pro
ມີ​ການ​ເຊື່ອມ​ຕໍ່​ທີ່​ຈຳ​ກັດ
iPad Pro ບໍ່​ມີ​ຊ່ອງ USB ບໍ່​ສາມາດ​ໃຊ້​ໂອນ​ຖ່າຍ​ຂໍ້​ມູນ​ລະຫວ່າງ Flashdrive, External Harddisk ຫລື​ອຸປະກອນ​ຕ່າງໆໄດ້ ບໍ່​ມີ​ຊ່ອງ Video Output ຢ່າງ DisplayPort ຫລື HDMI ເຮັດໃຫ້​ບໍ່​ສາມາດ​ຕໍ່​ພາບ​ໃຫ້​ສະແດງ​ຜົນ​ເທິງ​ຈໍ​ຂະໜາດ​ໃຫຍ່​ເພື່ອ​ນຳສະເໜີ​ງານ​ໄດ້ ນອກ​ຈາກ​ຈະ​ເຊື່ອມ​ຕໍ່​ກັບ Apple TV ຜ່ານ Wi-Fi ເທົ່າ​ນັ້ນ ຊຶ່ງ​ຄວາມ​ສາມາດ​ດັ່ງ​ກ່າວ Surface Pro ສາມາດ​ເຮັດ​ໄດ້​ທັງ​ໝົດ
5. iPad Pro
ໃຊ້​ຫລາຍ​ແອບພ້ອມ​ກັນ​ບໍ່​ໄດ້
ເຖິງ​ແມ່​ວ່າ  iPad Pro ຈະ​ມີ​ຄວາມສາມາດ​ແບ່ງ​ໜ້າ​ຈໍ​ເພື່ອ​ໃຊ້​ງານ 2 ແອບພ້ອມ​ກັນ​ໄດ້​ໃນ iOS 9 ແຕ່​ນັ້ນ​ກໍ​ຍັງ​ບໍ່​ພຽງ​ພໍ​ສຳລັບ​ຜູ້​ທີ່​ຕ້ອງ​ການ​ໃຊ້​ງານ​ຫລາຍ​ແອບ ພ້ອມ​ກັນ ເນື່ອງ​ຈາກ​ຂໍ້​ຈຳ​ກັດ​ຂອງ iOS ທີ່​ຍັງ​ບໍ່​ສາມາດ​ໃຊ້​ງານ​ແບບ Multitasking ໄດ້​ເຕັມ​ທີ່​ຄືກັບ Windows ຫລື OS X ເຮັດໃຫ້ iPad Pro ຍັງ​ຄົງ​ເປັນພຽງ​ແຕ່ iPad ທີ່​ຕໍ່​ຄີບອ​ດໄດ້​ເທົ່າ​ນັ້ນ ແຕ່​ຍັງ​ບໍ່​ສາມາດ​ແທນ​ທີ່​ໂນດບຸກ​ໄດ້​ຄື Surface Pro

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...