spot_img
Homeບໍລິການກົມອຸຕຸນິຍົມຯແຈ້ງ ອາກາດຈະຮ້ອນຂຶ້ນຕື່ມຢູ່ແຕ່ລະພື້ນທີ່

ກົມອຸຕຸນິຍົມຯແຈ້ງ ອາກາດຈະຮ້ອນຂຶ້ນຕື່ມຢູ່ແຕ່ລະພື້ນທີ່

Published on

laheat
(ພາບປະກອບ)

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນວັນທີ 26 ສິງຫານີ້ ຮ່ອງຄວາມກົດດັນອາກາດຕ່ຳມີກຳລັງປານກາງ ແລະ ຍັງສືບຕໍ່ພັດຜ່ານເຂດພາກເໜືອຂອງລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ລັກສະນະເຊັ່ນນີ້ ຈະເຮັດໃຫ້ອາກາດຮ້ອນຂຶ້ນຕື່ມອີກ ແລະ ຈະມີຝົນຕົກຟ້າຄະນອງໃນລະດັບຄ່ອຍຢູ່ທົ່ວໄປໃນແຕ່ລະພາກ ພ້ອມມີລົມພັດແຮງເປັນບາງໂອກາດ ແລະ ຕົກປານກາງຢູ່ບາງທ້ອງຖິ່ນຂອງແຂວງພາກເໜືອ ແລະ ພາກໃຕ້.

ພາກເໜືອດ້ານຕາເວັນອອກ: ມີເມກປົກຄຸມເປັນບາງສ່ວນ, ຍັງຈະມີຝົນຕົກຟ້າຄະນອງໃນລະດັບຄ່ອຍ ແລະ ຕົກປານກາງເປັນບາງໂອກາດຢູ່ບາງທ້ອງຖິ່ນ ແຂວງຫົວພັນ ແລະ ຊຽງຂວາງ.

ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນ, ອາກາດຮ້ອນ ແລະ ຍັງຈະມີຝົນຕົກຟ້າຄະນອງໃນລະດັບຄ່ອຍຫາຕົກປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ພາກກາງ: ມີເມກປົກຄຸມເປັນບາງສ່ວນ, ຍັງຈະມີຝົນຕົກກະຈາຍໃນລະດັບຄ່ອຍຢູ່ບາງທ້ອງຖິ່ນ ແຂວງວຽງຈັນ, ບໍລິຄຳໄຊ ແລະ ສະຫວັນນະເຂດ. ແຂວງໄຊສົມບູນ: ຍັງຈະມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ຕື່ມອີກ.

ພາກໃຕ້: ມີເມກປົກຄຸມເປັນບາງສ່ວນ ແລະ ຈະມີຝົນຕົກຟ້າຄະນອງໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ສໍາລັບເຂດປາກຊ່ອງ, ນິຄົມ 34: ຈະມີຝົນຕົກຟ້າຄະນອງໃນລະດັບຄ່ອຍຫາປານກາງ ແຂວງຈຳປາສັກ ແລະ ອັດຕະປື.

ນະຄອນຫລວງວຽງຈັນ: ຈະມີເມກປົກຄຸມເປັນບາງສ່ວນ, ອາກາດຮ້ອນຈະມີຝົນຕົກຟ້າຄະນອງໃນລະດັບຄ່ອຍ ພ້ອມມີລົມພັດແຮງເປັນບາງໂອກາດຢູ່ບາງບໍລິເວນ.

+ ລະດັບນ້ຳຂອງ ແລະ ສາຂາ :

ລະດັບນ້ຳຂອງ ຢູ່ແຂວງຫລວງພະບາງ ໃນວັນທີ 25 ສິງຫາ ແທກໄດ້ 9,48 ແມັດ ແລະ ວັນທີ 26 ສິງຫາ ແທກໄດ້ 9,23 ແມັດ, ຢູ່ນະຄອນຫລວງວຽງຈັນ 5,63 ແມັດ ໃນວັນທີ 26 ສິງຫາ ແທກໄດ້ 5,75 ແມັດ, ຢູ່ປາກຊັນ 7,75 ແມັດ ໃນວັນທີ 26 ແທກໄດ້ 7,72 ແມັດ, ຢູ່ທ່າແຂກ ວັນທີ 25 ແທກໄດ້ 8,23 ແລະ ວັນທີ 26 ແທກໄດ້ 8,12, ຢູ່ສະຫວັນນະເຂດ 6,68 ແມັດ, ວັນທີ 26 ແທກໄດ້ 6,62, ຢູ່ປາກເຊ 5,78 ແມັດ ແລະ ວັນທີ 26 ແທກໄດ້ 5,73 ແມັດ  ຢູ່ມະຫາໄຊ 7,14 ແມັດ ແລະ ວັນທີ 26 ແທກໄດ້ 7,53 ແມັດ, ຢູ່ຂົວເຊ 11,93 ແມັດ ແລະ ວັນທີ 26 ແທກໄດ້ 12,13 ແມັດ, ຢູ່ໜ້າເຂື່ອນນ້ຳງື່ມ 208,58 ແມັດ ໃນວັນທີ 26 ແທກໄດ້ 208,62 ແມັດ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...