spot_img
Homeຂ່າວການສຶກສາກຽມເປີດສົກຮຽນໃໝ່ ຜູ້ປົກຄອງຫວ່ງຄ່າຮຽນ ແລະ ອຸປະກອນ ອາດມີລາຄາສູງຂຶ້ນ!

ກຽມເປີດສົກຮຽນໃໝ່ ຜູ້ປົກຄອງຫວ່ງຄ່າຮຽນ ແລະ ອຸປະກອນ ອາດມີລາຄາສູງຂຶ້ນ!

Published on

4521401437_8010871849
(ພາບປະກອບ)

ຍັງ​ອີກ​ບໍ່​ທໍ່​ໃດ​ມື້ສົກຮຽນໃໝ່ 2015 – 2016 ກໍ​ຈະໝູນວຽນມາຮອດອີກ​ວາລະ​ໜຶ່ງ, ສະ​ເພາະຢູ່ນະຄອນຫຼວງວຽງຈັນປັດຈຸບັນ​ນີ້ໂຮງຮຽນ ​ແລະ ສະຖາບັນການສຶກສາຕ່າງໆນັບທັງພາກລັດ ແລະ ເອກະຊົນ ຕ່າງ​ກໍ​ໄດ້​ກະກຽມ​ໃຫ້​ສົກຮຽນ​ໃໝ່​ດ້ວຍ​ຄວາມ​ຮອບ​ຄອບ ນັບ​ທັງ​ອາຄານ​ສະຖານ​ທີ່​ຫ້ອງການ, ​ໂຕະ, ຕັ່ງ, ກະດານ ​ແລະ ອຸປະກອນ​ຕ່າງໆ ​ເພື່ອ​ການ​ສິດສອນ​ຮ່ຳຮຽນ​ໃນ​ສົກຮຽນ​ໃໝ່​ໄດ້​ດຳ​ເນີນ​ໄປ​ດ້ວຍຄຸນ​ນະ ພາບ, ​ແຕ່​ຄຽງ​ຄູ່​ກັນນັ້ນ ພໍ່ແມ່ຜູ້ປົກຄອງ ບໍ່ວ່າຈະຢູ່ໃນຊັ້ນອະນຸບານກໍຄືໃນຊັ້ນປະຖົມ ແລະ ມັດທະຍົມ ສ່ວນຫຼວງຫຼາຍຍັງມີຄວາມເປັນຫວງຕໍ່ຄ່າຮຽນ ແລະ ອຸປະກອນການສຶກສາ, ເຊິ່ງອາດ​ຈະມີການປັບຕົວ​ສູງ​ຂຶ້ນ. ໃນຂະນະທີ່ພາກສ່ວນມະຫາ​ພາກຍັງບໍ່ທັນມີຂໍ້ຕົກລົງໃດໆກ່ຽວກັບຄ່າຮຽນສຳລັບ ສົກຮຽນໃໝ່ກໍຕາມ ແຕ່ກໍ​ໄດ້​ຍິນ​ຂ່າວ​ວ່າ: ມີບາງໂຮງຮຽນໄດ້ເປີດຮັບເອົານັກຮຽນແລ້ວ​ກໍ​ມີ, ແຕ່ສິ່ງໜຶ່ງທີ່ຜູ້ ປົກຄອງເປັນຫ່ວງແມ່ນຄ່າຮຽນ ແລະ ອຸປະກອນ, ຊຶ່ງອາດຈະເພີ່ມຂື້ນຫຼາຍກວ່າປີຜ່ານມາ, ໂດຍ​ສະ​ເພາະໂຮງຮຽນພາກເອກະຊົນ, ເຖິງວ່າປັດຈຸບັນຍັງບໍ່ມີແຈ້ງ ການຄ່າຮຽນປີນີ້ແຕ່ຢ່າງໃດ ແລະ ສັງເກດເຫັນວ່າຜ່ານມາເຖິງວ່າພາກ ສ່ວນກ່ຽວຂ້ອງຈະ ອອກ

ແຈ້ງການກ່ຽວກັບຄ່າຮຽນແລ້ວກໍຕາມ,ແຕ່ກໍຍັງມີໂຮງຮຽນເອກະຊົນບາງແຫ່ງລະ ເມີດຄຳສັ່ງຂອງຂັ້ນເທິງ ໂດຍການຂຶ້ນຄ່າຮຽນແບບຕາມໃຈ ເຊິ່ງບາງແຫ່ງກໍຂຶ້ນ ລາຄາ ແລະ ເກັບເງິນຄ່າຮຽນແບບບໍ່ເໝາະສົມກັບນັກຮຽນ​ ໂດຍສະເພາະແມ່ນໃນຊັ້ນອະນຸບານ ອັນໄດ້ສ້າງຄວາມເປັນຫວງໃຫ້ກັບພໍ່ແມ່ຜູ້ປົກຄອງນັກຮຽນ,ນັກສຶກສາວ່າຈະຕ້ອງໄດ້ໃຊ້ ຈ່າຍເຂົ້າໃນການສົ່ງເສີມການຮ່ຳຮຽນຂອງລູກຫຼາຍຂຶ້ນແລະ ຫາກພາກສ່ວນກ່ຽວ ຂ້ອງບໍ່ເລັ່ງມືກວດກາ, ແກ້ໄຂແຕ່ຫົວທີ ພະຍາດດັ່ງກ່າວອາດຈະແຜ່ລະບາດອີກກໍເປັນໄດ້ ​ແລະ ຈະນຳເອົາຜົນ ກະທົບບໍ່​ໜ້ອຍມາສູ່ປະຊາຊົນ ໂດຍສະເພາະຜູ້ມີລາຍຮັບຕ່ຳ​ຫາ​ເຊົ້າກິນ​ຄ່ຳ, ໃນຂະນະທີ່ລາຄາສິນຄ້າ ປະເພດອື່ນໆກໍນັບມື້ນັບ ເພີ່ມຂຶ້ນ ເປັນຕົ້ນແມ່ນອຸປະກອນຮັບໃຊ້ການສິດສອນຮ່ຳຮຽນ​ອັນ​ຈຳ​ເປັນ​ອື່ນໆ ​ແລະ ສິ່ງ​ນີ້ຂະ​ແໜງ​ກ່ຽວ​ຂ້ອງກໍ​ຕ້ອງ​ມີ​ມາດ​ຕະການ​ຄຸ້ມ​ຄອງ​ໃຫ້​ເຂັ້ມງວດເພື່ອເຮັດໃຫ້ຄ່າຮຽນຢູ່ໃນ ຄວາມເໝາະສົມກັບຄຳເວົ້າທີ່ວ່າປັດຈຸບັນປະເທດເຮົາພວມເລັ່ງໃສ່ສົ່ງເສີມການສຶກສາ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...