spot_img
Homeຂ່າວທ້ອງຖິ່ນນ້ຳຖ້ວມເນື້ອທີ່ນາ ຢູ່ບ້ານນ້ຳທວາຍ ເມືອງຮົ່ມ ເສຍຫາຍເປັນຄັ້ງປະຫວັດສາດ!

ນ້ຳຖ້ວມເນື້ອທີ່ນາ ຢູ່ບ້ານນ້ຳທວາຍ ເມືອງຮົ່ມ ເສຍຫາຍເປັນຄັ້ງປະຫວັດສາດ!

Published on

113

ຂປລ. ເມື່ຶອທ້າຍ​ເດືອນ​ກໍລະກົດ ຫາຕົ້ນ​ເດືອນ​ສິງຫານີ້ ​ໄດ້​ເກີດ​ຝົນຕົກ​ແຮງ​ ຫລາຍ​ມື້​ຕິດ​ຕໍ່​ກັນ ສົ່ງຜົນ​ເຮັດ​ໃຫ້​ລະດັບ​ນ້ຳ​ ເພີ່ມ​ຂຶ້ນຖ້ວມ​ເນື້ອທີ່​ ການ​ຜະລິດ​ຂອງ​ປະຊາຊົນ ​ຫລາຍ​ທ້ອງ​ຖິ່ນ ​ເສຍ​ຫາຍສົມຄວນ​ ​ເຊິ່ງໜຶ່ງ​ໃນ​ນີ້ ຢູ່​ບ້ານນ້ຳທວາ​ຍ ​ເມືອງ​ຮົ່ມ ​ແຂວງ​​ໄຊ​ສົມບູນ ໂດຍເນື້ອທີ່ນາຫລາຍ10 ເຮັດຕາຖືກນ້ຳຖ້ວມ​.ຂະນະ​ທີ່ສັດລ້ຽງ ປະ​ເພດ​ງົວຖືກ​ນ້ຳ​ໄຫລ​ 12 ​ໂຕ,ໝູ10  ​ແລະ ສັດ​ປິກ​ອີກ​ຈຳນວນໜຶ່ງ.

ນາຍບ້ານໆນ້ຳທວາຍ​​ ກ່າວຕໍ່​ ນັກ​ຂ່າວ ໜັງສື​ພິມ​ປະ​ເທດ​ລາວ ​ເມື່ອ​ມໍ່ໆນີ້ວ່າ: ຫລາຍ​ປີຜ່ານມາ​​​ເນື້ອ ທີ່​ນາ​ຂອງ​ປະ​ຊາ​ຊົນ​ ບ້ານ​ຕົນ​ບໍ່​ເຄີຍ​ ຖືກ​ນ້ຳຖ້ວມ​ເສຍ​ຫາຍ, ແຕ່​ປີນີ້ ເນື້ອທີ່​ນາກວ່າ40 ເຮັກຕາຈາກກວ່າ 100 ເຮັກຕາ, ສ່ວນຝາຍ​ກໍເປ່​ເພ​ 9 ​ແຫ່ງ ​ແລະ ບໍ່​ສາມາດ ​​ສະໜອງນ້ຳ​ ໃຫ້​ແກ່​ເນື້ອທີ່​ນາ​. ນອກນີ້ສັດລ້ຽງ ກໍ​ຖືກ​ນ້ຳ​ຊຸໄຫລ ​ໃນ​ນີ້ ງົວ12 ​ໂຕ, ໝູ 10 ​ໂຕ, ສັດ​ປິກ​ເກືອບ 200 ​ໂຕ ​ແລະ ໜອງປາ​ຈຳນວນໜຶ່ງ. ຂະນະ​ທີ່​ລະບົບ​ ຫົວ​ງານ​ນ້ຳລິນ ​ແລະ ທໍ່​ນ້ຳກໍ​ຖືກ​ ນ້ຳຊຸເປ່​ເພ ​ແລະ ຂາດ ອັນ​ໄດ້​ເຮັດ​ໃຫ້​ ປະຊາຊົນ​ ບໍ່​ມີນ້ຳດື່ມ​ນ້ຳ​ໃຊ້​ ໃນ​ການ​ດຳລົງ​ຊີວິດ ​ປະຈຳ​ວັນ.
ນາຍບ້ານດັ່ງກ່າວ ບອກວ່າ: ຜົນ​ ເສຍ​ຫາຍ​ດັ່ງກ່າວ ​ໄດ້​ກະທົບ​ຕໍ່​ຊີວິດ​ ການ​ເປັນ​ຢູ່​ຂອງ​ປະຊາຊົນ ​ໂດຍ​ສະ​ເພາະ​ຈະ​ເຮັດ​ໃຫ້​ ຂາດ​ເຂົ້າກິນ​ເນື່ອງ​ຈາກ ​ເນື້ອທີ່​ນາ​ຈຳນວນໜຶ່ງ​ ບໍ່ສາມາດ​​ຜະລິດ​ໄດ້ ​ຖ້າ​ບໍ່​​ສ້ອມ​ແປງ​ຝາຍ ​ແລະ ​​ກວາດຫີນ-ຊາຍ ​ອອກ​ຈາກ​ເນື້ອທີ່​ນາ. ແນວໃດກໍດີຮຽກຮ້ອງ​ໃຫ້​ ພາກສ່ວນ​ກ່ຽວຂ້ອງ​ ຊ່ວຍ​ຟື້ນຟູ ​ແລະ ສ້ອມ​ແປງ​ຄືນ​ໃໝ່ ເພື່ອ​ເຮັດ​ໃຫ້​ປະຊາຊົນ​ ສາມາດ​ຜະລິດ ​ເຂົ້າ​ໄດ້​ປົກກະຕິ.
ຂອບໃຈຂ່າວຈາກ:
ຂປລ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...