spot_img
Homeວົງການສື່ມວນຊົນມະຫະກຳສະແດງຜົນງານ ຜະລິດຕະພັນສື່ມວນຊົນ ແລະ ການພິມຈຳໜ່າຍ ໄດ້ຮັບຄວາມສົນໃຈຈາກສັງຄົມ

ມະຫະກຳສະແດງຜົນງານ ຜະລິດຕະພັນສື່ມວນຊົນ ແລະ ການພິມຈຳໜ່າຍ ໄດ້ຮັບຄວາມສົນໃຈຈາກສັງຄົມ

Published on

Media+show

ງານວາງສະແດງຜົນງານ ແລະ ຜະລິດຕະພັນສື່ມວນຊົນ ແລະ ການພິມຈຳໜ່າຍ, ເນື່ອງໃນໂອກາດສະເຫລີມສະຫລອງວັນ ສື່ມວນຊົນ ແລະ ການພິມຈຳໜ່າຍຄົບຮອບ 65 ປີ (13 ສິງຫາ 1960 -13 ສິງຫາ 2015), ໄດ້ໄຂຂຶ້ນຢ່າງເປັນທາງການແລ້ວໃນວັນທີ 8 ສິງຫານີ້ ແລະ ຈະດຳເນີນໄປຈົນຮອດວັນທີ16 ສິງຫາ 2015, ຢູ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ໂດຍມີສຳ ນັກພິມ, ໜັງສືພິມ, ວິທະຍຸ, ໂທລະພາບ ແລະ ສື່ສິ່ງພີມຕ່າງໆນຳເອົາ ຜົນງານການເຄື່ອນໄຫວ, ປະຫວັດຄວາມເປັນມາ, ລວມເຖິງຮູບພາບ ແລະ ອຸປະກອນເຕັກນິກທີ່ຮັບ ໃຊ້ໃຫ້ແກ່ການເຄື່ອນໄຫວວຽກງານຂອງຕົນພ້ອມດ້ວຍຜະລິດຕະພັນຕ່າງໆມາວາງສະແດງ ແລະ ຈຳໜ່າຍເປັນຈຳນວນຫລາຍ, ຊຶ່ງໃນມື້ທຳອິດຂອງການວາງສະແດງກໍປາກົດວ່າມີມວນຊົນທັງພາຍໃນ ແລະ ນັກທ່ອງທ່ຽວໃຫ້ຄວາມສົນໃຈເຂົ້າຮ່ວມຊົມຢ່າງຫລວງຫລາຍ, ໂດຍສະເພາະສື່ອີເລັກໂຕນິກເຊັ່ນ:
ສະຖານີວິທະຍຸແຫ່ງຊາດ, ສະຖານີໂທລະພາບແຫ່ງຊາດ, ລາວສະຕາຣ໌, ທີວີລາວ, ເອັມວີລາວ ແລະ ອື່ນໆ ຕ່າງກໍນຳເອົາອຸປະກອນເຕັກນິກທີ່ທັນສະໄໝຂອງຕົນມາໃຫ້ມວນຊົນໄດ້ເບິ່ງໄດ້ຊົມ, ສ່ວນບັນດາສື່ສິ່ງພິມເປັນຕົ້ນ: ໜັງສືພີມປະຊາຊົນ, ສຳນັກຂ່າວສານປະເທດລາວ, ລາວພັດທະນາ, ວຽງຈັນທາມ, ວຽງຈັນໃໝ່, ສຶກສາ-ກິລາ, ກອງທັບ, ຊາວໜຸ່ມ, ປ້ອງກັນຄວາມສະຫງົບ, ແມ່ຍິງ, ຜູ້ແທນປະຊາຊົນ ແລະ ວາລະສານຕ່າງໆກໍໄດ້ນຳເອົາຜະລິດຕະ ພັນຂອງຕົນມາວາງສະແດງເພື່ອໃຫ້ ມວນຊົນໄດ້ຮູ້, ໄດ້ອ່ານ ແລະ ຈັບຈອງໄວ້ອ່ານໄດ້ອີກດ້ວຍ.

ທ່ານ ບຸນເຈົ້າ ພິຈິດ ອຳນວຍການສະຖານີໂທລະພາບແຫ່ງຊາດທັງເປັນຫົວໜ້າອະນຸກຳມະການ ໂຄສະນາປະຊາສຳ ພັນເພື່ອສະເຫລີມສະຫລອງວັນສື່ມວນຊົນ ແລະ ການພິມຈຳໜ່າຍ ກ່າວວ່າ: ສະເພາະວັນທີ 13 ສິງຫາຈະມີພິທີໂຮມຊຸມນຸມໃຫຍ່ສະຫລອງວັນດັ່ງກ່າວ, ຊຶ່ງຈະມີການນຳຂັ້ນສູງ, ພະນັກງານປະຕິວັດອາວຸໂສ ແລະ ພາກສວ່ນກ່ຽວຂ້ອງເຂົ້າຮ່ວມ, ໂດຍຈະມີການຮັບຟັງ ການເລົ່າມູນ ເຊື້ອແຫ່ງການນຳເນີດ, ເຕີບໃຫຍ່ຂະຫຍາຍຕົວ ແລະ ການກ້າວໄປຂ້າງໜ້າຂອງວຽກງານສື່ມວນ ຊົນລາວ ແລະ ການພີມຈຳໜ່າຍ, ຮັບຟັງການໂອ້ລົມຂອງການນຳຂັ້ນສູງ ແລະ ມອບໃບຍ້ອງຍໍໃຫ້ກັບ ບັນດາສື່ມວນຊົນທີ່ມີຜົນງານເດັ່ນໃນການປະກອບສ່ວນເຂົ້າໃນພາລະກິດການພັດທະນາ ແລະ ສ້າງສາປະເທດຊາດໃນໄລຍະຜ່ານມາ. ສ່ວນວັນທີ 14 ຈະມີກອງປະຊຸມສຳມະນາຫົວຂໍ້ “ການປະພັນ ວັນນະຄະດີກັບການຈຳໜ່າຍເພື່ອຜູ້ອ່ານຍຸກໃໝ່” ແລະ ຫົວຂໍ້ “ ພາສາລາວໃນການໂຄສະນາ” ແລະ ກິດຈະກຳອື່ນໆ.

ທ່ານຫົວໜ້າອະນຸກຳມະການດັ່ງກ່າວໃຫ້ຮູ້ວ່າ:ການຈັດວາງສະແດງຄັ້ງນີ້ກໍເພື່ອໂຄສະນາໃຫ້ສັງຄົມໄດ້ຮັບຮູ້ ແລະ ເຂົ້າໃຈເຖິງຄວາມສຳຄັນຂອງວຽກງານສື່ມວນຊົນ ແລະ ການພິມຈຳໜ່າຍ, ທັງເປັນ ການປຸກລະ ດົມໃຫ້ມວນຊົນມີນ້ຳໃຈຮັກຊາດ, ຮັກລະບອບໃໝ່, ເຕົ້າໂຮມຄວາມສາມັກຄີ ແລະ ປະກອບສ່ວນເຂົ້າ ໃນວຽກງານສື່ມວນຊົນ ແລະ ການພີມຈຳໜ່າຍໃຫ້ມີການພັດທະນານັບ ທັງດ້ານປະລິມານ ແລະ ຄຸນນະພາບໃຫ້ດີຂຶ້ນເປັນລຳດັບ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...