spot_img
Homeຂ່າວເຫດການກອງປະຊຸມລັດຖະມົນຕີຕ່າງປະເທດແມ່ນໍ້າຂອງ - ຍີ່ປຸ່ນ ຄັ້ງທີ 8 ຈັດຂຶ້ນທີ່ກົວລາລຳເປີ

ກອງປະຊຸມລັດຖະມົນຕີຕ່າງປະເທດແມ່ນໍ້າຂອງ – ຍີ່ປຸ່ນ ຄັ້ງທີ 8 ຈັດຂຶ້ນທີ່ກົວລາລຳເປີ

Published on

ASEAN- JAPAN MINISTERIAL MEETING

ທ່ານ ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າ ການກະຊວງການຕ່າງປະເທດ ໄດ້ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມ ລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນ ຄັ້ງທີ 8, ເຊິ່ງໄດ້ຈັດຂຶ້ນໃນບ່າຍວັນທີ 5 ສິງຫານີ້, ທີ່ກົວລາລໍາເປີ ປະເທດມາເລເຊຍ ໂດຍການເປັນປະທານກອງປະຊຸມ ຂອງ ທ່ານ ມິໂນລຸ ຄິຢູຊິ, ລັດຖະມົນຕີຊ່ວຍວ່າການກະຊວງການຕ່າງປະເທດ ຍີ່ປຸ່ນ ແລະ ມີບັນດາລັດຖະມົນຕີວ່າການ​ກະຊວງ​ການຕ່າງປະເທດ ພ້ອມ​ດ້ວຍ​ຄະນະ ຈາກປະເທດແມ່ ນໍ້າຂອງ (ກຳປູ​ເຈຍ, ສປປ ລາວ, ມຽນມາ, ​ໄທ ​ແລະ ຫວຽດນາມ) ເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຕີລາຄາສູງຕໍ່ຜົນຄວາມ​ຄືບ​ໜ້າຂອງການຈັດຕັ້ງປະຕິບັດ ບັນດາ​ແຜນ​ງານ ​ແລະ ​ໂຄງການ​ຕ່າງໆ ພາຍ​ໃຕ້ແຜນປະຕິບັດງານ​​ແມ່​ນ້ຳຂອງ-ຍີ່ປຸ່ນ ​ເພື່ອ​ຜັນ​ຂະຫຍາຍຍຸດທະສາດໂຕກຽວ 2012 ໃນຂະ​ແໜງການຮ່ວມມືບູລິ​ມະ​ສິດ​ຕ່າງໆ.

ບັນດາ​ລັດຖະມົນ​ຕີ​ຕ່າງປະ​ເທດ ​ແມ່​ນໍ້າຂອງ-ຍີ່ປຸ່ນ ຍັງໄດ້ຕີລາຄາສູງຕໍ່ຜົນສໍາເລັດຂອງກອງປະ ຊຸມສຸດຍອດແມ່ ນໍ້າຂອງ-ຍີ່ປຸ່ນ ຄັ້ງທີ 7 ທີ່ໄດ້​ຈັດ​ຂື້ນ​​ໃນ​ເດືອນ​ກໍລະກົດ 2015 ທີ່​​ໂຕ​ກຽວ, ​ເຊິ່ງ​ໄດ້ຮັບຮອງເອົາຍຸດທະສາດໂຕກຽວ 2015 (ສະບັບໃໝ່) ປະກອບມີ 4 ເສົາຄໍ້າບູລິມະສິດ ຄື: (1) ຄວາມພະຍາຍາມທາງດ້ານໂຄງລ່າງ ສໍາລັບການພັດທະນາພື້ນຖານໂຄງລ່າງທາງດ້ານອຸດສາຫະກໍາໃນ ພາກພື້ນແມ່ນໍ້າຂອງ ແລະ ເສີມຂະຫຍາຍການເຊື່ອມຈອດໃຫ້ເປັນຮູບປະທໍາ, (2) ຄວາມພະຍາຍາມ ທາງດ້ານໂຄງບົນ ​ເພື່ອພັດທະນາຊັບພະຍາກອນມະນຸດ​ໃນ​ຂະ​ແໜງ​ອຸດສາຫະກໍາ ແລະ ເສີມຂະຫຍາຍ ໂຄງບົນການເຊື່ອມຈອດ, (3) ການພັດທະນາແບບຍືນຍົງເພື່ອກ້າວເຂົ້າສູ່ແມ່ນໍ້າຂອງສີຂຽວຢ່າງ ແທ້ຈິງ, (4) ການປະສານງານກັບບັນດາອົງການຈັດຕັ້ງຕ່າງໆ ທີ່ຮ່ວມມືກັບພາກພື້ນແມ່ນໍ້າຂອງ.

ກອງປະຊຸມໄດ້ຮັບຮອງເອົາແຜນປະຕິບັດງານແມ່ນໍ້າຂອງ-ຍີ່ປຸ່ນ ເພື່ອຜັນຂະຫຍາຍຍຸດທະສາດ ໂຕກຽວ 2015 ສະບັບໃໝ່ ແລະ ຮັບຮອງເອົາຖະແຫຼງການກອງປະຊຸມລັດຖະມົນຕີຕ່າງປະເທດແມ່ນໍ້າ ຂອງ-ຍີ່ປຸ່ນ ຄັ້ງທີ 8 ເພື່ອເປັນບ່ອນອີງໃນການຈັດຕັ້ງປະຕິບັດຂອບການຮ່ວມມືດັ່ງກ່າວໃນຕໍ່ໜ້າ. ພ້ອມ​ດຽວ​ກັນ​ນີ້, ບັນດາ​ລັດຖະມົນຕີ​ຕ່າງປະ​ເທດ​ແມ່​ນໍ້າຂອງ ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍັງ ລັດຖະບານຍີ່ປຸ່ນ ທີ່ໄດ້ປະກາດໃຫ້ການຊ່ວຍ​ເຫຼືອ​ເພື່ອ​ການ​ພັດທະນາ ມູນຄ່າ 750 ຕື້ເຢັນ ​​ເພື່ອ​ນຳ​ໃຊ້​ເຂົ້າໃນການຈັດຕັ້ງປະຕິບັດໂຄງການ ​ແລະ ​ແຜນ​ງານ​ຕ່າງໆ ຂອງ​ຂອບ​ການ​ຮ່ວມ​ມື​ດັ່ງກ່າວ​ໃນໄລຍະສາມປີຕໍ່ໜ້າ.

ກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນ ຄັ້ງທີ 9 ຈະໄດ້ຈັດຂຶ້ນໃນປີ 2016 ທີ່ນະຄອນຫລວງວຽງຈັນ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...