spot_img
Homeຂ່າວການພັດທະນາທະນາຄານນະໂຍບາຍ ສະໜອງສິນເຊື່ອ ໃຫ້ເມືອງເປົ້າໝາຍ ແລະ ບ້ານທົດລອງ 3 ສ້າງຢູ່ແຂວງເຊກອງ

ທະນາຄານນະໂຍບາຍ ສະໜອງສິນເຊື່ອ ໃຫ້ເມືອງເປົ້າໝາຍ ແລະ ບ້ານທົດລອງ 3 ສ້າງຢູ່ແຂວງເຊກອງ

Published on

Logo_nbb

ທະນາຄານ ນະໂຍບາຍ​ (ທນບ) ສາຂາແຂວງອັດຕະປືໄດ້ຈັດກອງປະຊຸມເພື່ອສະຫລຸ, ຕີລາຄາແລະ ທົບທວນຄືນ ວຽກງານສະໜອງສິນ​ເຊື່ອ ​ດອກ​ເບ້ຍ​ຕ່ຳ​​ໃນໂຄງການ​ແກ້​ໄຂ​ ຄວາມທຸກ​ຍາກ ແລະ ຜະລິດ​ເປັນ​ສິນຄ້າ ​ໃນບັນດາ​ເມືອງ​ເປົ້າ​ໝາຍ ​ແລະ ບ້ານ​ເຮັດ​ທົດ​ລອງ 3 ສ້າງ​ຂອງແຂວງ​ເຊ​ກອງ ​ເຊິ່ງກອງ​ປະຊຸມ​ດັ່ງກ່າວ ​ໄດ້​ຈັດ​ຂຶ້ນ​​ ເມື່ອ​ທ້າຍກໍລະກົດ 2015 ທີ່ຫ້ອງວ່າ ການປົກຄອງແຂວງເຊກອງ ໂດຍມີທ່ານ ເຫລັກໄຫລ ສີວິໄລ ຮອງເຈົ້າແຂວງໆເຊກອງ, ທ່ານ ບົວ ເງິນ ພົງສະຫວັດ ຜູ້ອຳນວຍການໃຫຍ່ ທະນາຄານນະໂຍບາຍ, ທ່ານ ໄຊລືຊາ ຜູຍຍະວົງ ຮອງຫົວໜ້າ ທະນາຄານແຫ່ງ ສປປ ລາວ ພາກໃຕ້ທີ່ແຂວງ ຈຳປາສັກ, ມີຄະນະກຳມະການ ຄຸ້ມຄອງສິນເຊື່ອ ຂັ້ນແຂວງ, ເມືອງ ແລະ ຄອບຄົວ ຕົວແບບເຂົ້າຮ່ວມ.

ທ່ານ ສົມ​ສະໜຸກ ຈັນ​ດາລາ ຫົວໜ້າ​ ທນບ ​ສາຂາ​​ອັດ​ຕະປື ໄດ້​ລາຍ​ງານ​ວ່າ: ນັບ​ແຕ່ ປີ 2007 ​ເປັນ​ຕົ້ນ​ມາ ໂດຍ​ປະຕິບັດ​ ຕາມ​ພາລະ​ບົດບາດ​ ຂອງທະນາຄານ​ ນະ​ໂຍບາຍ ໃນ​ການ​ ສະໜ​ອງ​ສິນ​ເຊື່ອ ເຂົ້າ​ໃສ່​ໂຄງການ​ແກ້​ໄຂ ​ຄວາມທຸກ​ຍາກ ​ແລະ ຜະລິດ​ເປັນສິນຄ້າ ຕາມແນວທາງ​ ນະ​ໂຍບາຍ​ຂອງ​ພັກ-ລັດ ວາງ​ອອກ​ໃນ 4 ​ເມືອງ 116 ບ້ານ​ 4.675 ຄອບຄົວຢູ່​ແຂວງ​ເຊ​ກອງ​ ໃນ​ວົງ​ເງິນ​ທັງ​ໝົດ​ເກືອບ 100 ຕື້​ກີບ, ໃນ​ນີ້​ ປ່ອຍ​ເຂົ້າ​ ໃນ​ຂະ​ແໜງ​ລ້ຽງສັດ 42 ຕື້​ກວ່າ​ກີບ, ​ຂະ​ແໜງປູກຝັງ 32,5 ຕື້​ກວ່າ​ກີບ, ຂະ​ແໜງຫັດຖະກຳ 757 ລ້ານ​ກວ່າ​ກີບ, ຂະ​ແໜງອຸດສາ ຫະກຳ-ປຸງ​ແຕ່ງ 723 ລ້ານ​ກີບ ​ແລະ ຂະ​ແໜງ​ບໍລິການ​ເກັບ​ຊື້​ ຜົນ​ຜະລິດ 7,8 ຕື້​ກວ່າ​ກີບ.ໂດຍສິນເຊື່ອດັ່ງກ່າວ ໄດ້ປ່ອຍໃນເມືອງເປົ້າໝາຍ (ເມືອງທຸກຍາກ) 55 ຕື້ກວ່າກີບ, ຈຸດສຸມພັດທະນາ ຂອງລັດຖະບານ ຂອງແຂວງ 11 ຕື້ກວ່າກີບ, ສິນເຊື່ອ ໃນເມືອງ-ບ້ານ 3 ສ້າງ 15 ຕື້ກວ່າກີບ ແລະ ເມືອງນອກເປົ້າໝາຍ 1 ຕື້ກວ່າກີບ.

ທະນາຄານນະໂຍບາຍ ສາຂາແຂວງອັດຕະປື ໄດ້ສ້າງຕັ້ງຂຶ້ນໃນວັນທີ25 ທັນວາ 2012 ໂດຍມີ 5 ຂະແໜງການ ແລະ ໜ່ວຍບໍລິການ ຂຶ້ນກັບ, ມີຂອບເຂດ ການເຄື່ອນໄຫວໃນ 2 ແຂວງ 9 ເມືອງ 224 ບ້ານ, ມີບ້ານທຸກຍາກ 86 ບ້ານ, ໃນນີ້ຢູ່ແຂວງອັດຕະປື ປະກອບມີ5 ເມືອງ 104 ບ້ານ, ບ້ານທຸກຍາກ 24 ບ້ານ ແລະ ແຂວງເຊກອງ ປະກອບມີ 4 ເມືອງ 120 ບ້ານ, ບ້ານທຸກຍາກ 62 ບ້ານ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...