spot_img
Homeຂ່າວພາຍ​ໃນ ລັດ ແລະ ເອກະຊົນ ລະດົມຄວາມຄິດເຫັນ ຮ່າງນະໂຍບາຍແຮງງານລາວ

ລັດ ແລະ ເອກະຊົນ ລະດົມຄວາມຄິດເຫັນ ຮ່າງນະໂຍບາຍແຮງງານລາວ

Published on

lao+labour

ໃນວັນທີ3 ສິງຫານີ້, ຢູ່ໂຮງແຮມລາວພລາຊາ ນະຄອນຫລວງວຽງຈັນ ໄດ້ມີກອງປະຊຸມປຶກສາຫາລືກ່ຽວກັບຮ່າງບົດແນະນຳນະໂຍບາຍດ້ານ ແຮງງານຢູ່ລາວ ເພື່ອລະດົມຄວາມຄິດເຫັນຈາກພາກລັດ ແລະ ທຸລະກິດເຂົ້າໃສ່ຮ່າງນະໂຍບາຍດັ່ງກ່າວເພື່ອປັບປຸງ ແລະ ສ້າງສະ ພາບແວດລ້ອມໃນການດຳເນີນທຸລະກິດ, ໂດຍສະເພາະການ ເນັ້ນ ໃສ່ບັນຫາການສຶກສາ ແລະ ພັດທະນາສີມືແຮງງານ, ເນື່ອງຈາກ ຕາມຜົນສຳຫລວດຂອງສະພາການຄ້າ ແລະ ອຸດສະຫະກຳແຫ່ງຊາດ ເຫັນວ່າ: ມີຫລາຍບໍລິສັດໄດ້ຍົກບັນຫາດ້ານການສຶກສາ ແລະ ການພັດທະນາສີມືແຮງງານເປັນສິ່ງ ທ້າທາຍສຳຄັນຂອງເຂົາເຈົ້າ, ນອກຈາກນີ້, ຍັງໄດ້ຫາລືກ່ຽວກັບການເຂົ້າເຖິງເງິນທຶນ, ສິ່ງແວດລ້ອມ ເອື້ອອຳນວຍດ້ານກົດໝາຍ ແລະ ລະບຽບການ, ລວມເຖິງການກະກຽມຄວາມພ້ອມໃນເປີດກວ້າງ ດ້ານເສດຖະກິດກັບສາກົນ.

ທ່ານ ສະໝານ ອາເນກາ ຮອງປະທານສະພາການຄ້າ ແລະ ອຸດສະຫະກຳແຫ່ງຊາດ, ທັງເປັນປະທານ ກອງປະຊຸມຫາລືຄັ້ງນີ້ ກ່າວວ່າ: ຮ່າງບົດແນະນຳສະບັບນີ້ຈະເປັນພື້ນຖານສຳຄັນໃນການຊ່ວຍເຫລືອ ພາກທຸລະກິດສາມາດດຳເນີນງານໄດ້ຢ່າງມີປະສິດທິຜົນ ແລະ ມີຄວາມສອດຄ່ອງດ້ານນິຕິກຳ, ລະບຽບກົດໝາຍ, ປະຕິບັດພັນທະຕໍ່ຊາດ ແລະ ມີຄວາມພ້ອມໃນການກ້າວເຂົ້າສູ່ປະຊາຄົມເສດຖະກິດ ອາຊຽນ ແລະ ແຂ່ງຂັນກັບສາກົນໄດ້ເປັນຢ່າງດີ.

ຕາມຜົນສຳຫລວດການພັດທະນາຂະແໜງເສດຖະກິດ ແລະ ບັນຫາແຮງງານຈາກຫົວໜ່ວຍ ທຸລະກິດເກືອບ 300 ຫົວໜ່ວຍ, ຊີ້ໃຫ້ເຫັນວ່າ: ປະມານ 56% ແມ່ນມີຄວາມຫຍຸ້ງໃນການຮັບ ສະໝັກພະນັກງານທີ່ມີສີມື ແລະ ບັນຫາດັ່ງກ່າວແມ່ນເກີດຂຶ້ນກັບທຸລະກິດຂະໜາດກວມ 79% ແລະ ຂະໜາດໃຫຍ່ກວມ 60% ອັນນີ້ນັບວ່າເປັນຜົນກະທົບອັນຕະລາຍຕໍ່ພາກເອກະຊົນ ແລະ ບັນຫາຂາດ ແຮງງານຈະເປັນສິງດຶງນັກລົງທຶນອອກຈາກປະເທດນຳດ້ວຍ ແລະ ຕາມການປະເມີນຄວາມຕ້ອງການ ແຮງງານໃນຕໍ່ໜ້າເຫັນວ່າ: ໃນຂະແໜງຕັດຫຍິບຈະມີຄວາມຕ້ອງການແຮງງານເພີ່ມຂຶ້ນສອງເທົ່າ ຫລືປະມານ 60 ພັນຄົນໃນປີ 2017, ສ່ວນພາກອຸດສະຫະກຳປຸງແຕ່ງກະສິກຳເຊັ່ນ: ໂຮງງານຜະລິດນ້ຳ ຕານ, ຜະລິດຫົວອາຫານສັດ, ໂຮງງານຢາງພາລາ, ລວມເຖິງພາກອຸດສະຫະກຳພະລັງານ ແລະ ບໍ່ແຮ່ ກໍມີຄວາມຕ້ອງການແຮງງານເປັນຈຳນວນຫລວງຫລາຍເຊັ່ນກັນ.

ກອງປະຊຸມດັ່ງກ່າວມີຜູ້ຕາງໜ້າຈາກສະພາການຄ້າ ແລະ ອຸດສະຫະກຳແຫ່ງຊາດ, ສະມາຄົມ ທຸລະກິດ, ກະຊວງແຮງງານ ແລະ ສະຫວັດທີການສັງຄົມ, ສູນກາງກຳມະບານລາວ, ກະຊວງອຸດສາ ຫະກຳ ແລະ ການຄ້າ, ກະຊວງການເງິນ, ກະຊວງສຶກສາທິການ ແລະ ກິລາເຂົ້າຮ່ວມ ເປັນຈຳນວນຫລາຍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...