spot_img
Homeຂ່າວການພັດທະນາຊາວຕ່າງດ້າວທີ່ມາຫາກິນຢູ່ລາວ ສ່ວນຫລາຍບໍ່ຖືກລະບຽບ!

ຊາວຕ່າງດ້າວທີ່ມາຫາກິນຢູ່ລາວ ສ່ວນຫລາຍບໍ່ຖືກລະບຽບ!

Published on

viet

ພະແນກອຸດສະຫະກຳ ແລະ ການຄ້າ ນະຄອນຫລວງວຽງຈັນ ໃຫ້ຮູ້ວ່າ :ໃນແຕ່ລະ ປີມີຊາວຕ່າງດ້າວເຂົ້າ ມາທຳມາຫາກິນ, ຄ້າຂາຍ ແລະ ອອກແຮງງານຢູ່ລາວເພີ່ມ ຂຶ້ນເລື້ອຍໆ ແລະ ສ່ວນຫລາຍເຫັນວ່າມີການເຄື່ອນໄຫວ ແບບບໍ່ຖືກລະບຽບ ກົດໝາຍ.

ພະແນກດັ່ງກ່າວໃຫ້ຮູ້ວ່າ: ໃນຫລາຍປີຜ່ານມາ, ຂະແໜງການຕົນໄດ້ປະສານ ສົມທົບກັບຫລາຍພາກສ່ວນກ່ຽວ ຂ້ອງເພື່ອພ້ອມກັນແກ້ໄຂບັນຫາຊາວຕ່າງດ້າວ ທີ່ເຂົ້າມາເຄື່ອນໄຫວທຳມາຫາກິນ ແລະ ອອກແຮງງານທີ່ຜິດລະບຽບ ໃນ ຫລາຍຮູບການ, ຕາມສະຖິຕິຂໍ້ມູນເກັບກຳຫລ້າສຸດໃຫ້ຮູ້ວ່າ:ປັດຈຸບັນຢູ່ນະຄອນຫລວງວຽງຈັນມີແຮງງານຊາວ ຕ່າງ ດ້າວເກືອບ 7 ພັນຄົນ, ຍິງປະມານ 1.700 ກວ່າຄົນ, ໃນນັ້ນສັນຊາດຈີນ 2.300 ກວ່າຄົນ, ຫວຽດນາມ 3.200 ກວ່າຄົນ, ໄທເກືອບ 700 ຄົນ ແລະ ໃນນີ້ມີພຽງ 2 ພັນກວ່າຄົນມີບັດອະນຸຍາດເຮັດວຽກຖືກຕ້ອງຕາມລະບຽບກົດໝາຍ.

ສ່ວນການດຳເນີນທຸລະກິດຄ້າຂາຍຂອງຊາວຕ່າງດ້າວສ່ວນຫລາຍບໍ່ຖືກລະບຽບຫລັກການທີ່ກຳນົດອອກເຊັ່ນ: ບໍ່ມີໃບ ອະນຸຍາດດຳເນີນທຸລະກິດ, ວົງເງິນການລົງທຶນບໍ່ສອດຄ່ອງກັບລະບຽບ ແລະ ອື່ນໆດັ່ງຕົວຢ່າງຢູ່ 9 ຕົວເມືອງ ໃນນະ ຄອນຫລວງວຽງຈັນມີຮ້ານຄ້າຊາວຕ່າງດ້າວທັງໝົດ 885 ຮ້ານ, ໃນນັ້ນຮ້ານຄົນຈີນ 681ຮ້ານ, ຫວຽດນາມ 287 ຮ້ານ, ໄທ 4 ຮ້ານ ແລະ ເກົາຫລີ 3 ຮ້ານ, ໃນນີ້ໄດ້ອອກໃບອະນຸຍາດຖືກຕ້ອງຕາມລະບຽບກົດໝາຍມີພຽງ 293 ຮ້ານ ແລະ ຢູ່ບັນດາແຂວງໃນທົ່ວປະເທດກໍເຫັນວ່າມີລັກສະນະຄ້າຍຄືກັນ.

ພະແນກດັ່ງກ່າວໃຫ້ຮູ້ວ່າ: ສຳລັບການແກ້ໄຂບັນຫາແຮງງານຊາວຕ່າງດ້າວເຄື່ອນໄຫວບໍ່ຖືກລະບຽບຢູ່ປະເທດ ເຮົາໃນໄລຍະຜ່ານມານີ້, ດ້ານດີແມ່ນໄດ້ມີຄະນະກຳມະການຮັບພິຊອບຊີ້ນຳແຕ່ສູນກາງຈົນຮອດທ້ອງຖິ່ນ ແລະ ມີຫລາຍນິຕິກຳເພື່ອເປັນບ່ອນອິງໃນການຈັດຕັ້ງປະຕິບັດ, ແຕ່ຄຽງຄູ່ກັນນັ້ນກໍເຫັນວ່າມີບັນຫາຫຍຸ້ງຍາກບາງດ້ານ ຄື: ການປະສານສົມທົບຂອງຄະນະຮັບພິຊອບແຕ່ລະຂັ້ນບໍ່ທັນກົມກຽວດີເທົ່າທີ່ຄວນ, ການກວດກາອອກໃບອະນຸຍາດມີຫລາຍຂັ້ນຫລາຍຂອດ ຈຶ່ງເຮັດໃຫ້ການເກັບກຳຂໍ້ມູນຊັກຊ້າແກ່ຍາວ ແລະ ອອກໃບອະນຸຍາດໄດ້ໜ້ອຍ, ການປະຕິບັດ ມາດຕະການຕໍ່ຜູ້ລະເມີດ ຫລື ຜູ້ບໍ່ມີເງື່ອນໄຂໄດ້ຮັບອະນຸຍາດບໍ່ທັນຖືກຈັດຕັ້ງປະຕິບັດຢ່າງເຂັ້ມງວດແທ້, ເຊິ່ງເຫັນວ່າ ບັນຫານີ້ຈະຕ້ອງໄດ້ສຸມໃສ່ແກ້ໄຂໂດຍໄວ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...