spot_img
Homeຂ່າວເຫດການຮອງປະທານປະເທດ ລາວ - ມຽນມາ ຕີລາຄາສູງ ຕໍ່ການຮ່ວມມືສອງຝ່າຍ

ຮອງປະທານປະເທດ ລາວ – ມຽນມາ ຕີລາຄາສູງ ຕໍ່ການຮ່ວມມືສອງຝ່າຍ

Published on

9887.22.07.1

ຂປລ. ໃນໂອກາດຢ້ຽມຢາມ ສສ ມຽນ ໃນວັນທີ 21-23 ກໍລະກົດ 2015 ນີ້ ທ່ານ​ບຸນຍັງ​ ວໍລະ​ຈິດ ຮອງປະ ທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພ້ອມຄະນະ ໄດ້ພົບປະສອງຝ່າຍກັບ ທ່ານ ​ອູ ຢຽນ ຕູນ ຮອງ​ປະທານາທິບໍດີ ​ແຫ່ງ ສສ ມຽນມາ ​ເຊິ່ງການ​ພົບ​ປະ​ຄັ້ງ​ນີ້  ສອງ​ຝ່າຍ​ໄດ້​ແລກປ່ຽນ​ຄໍາ​ຄິດ​ຄໍາ​ເຫັນ​ຢ່າງ​ກວ້າງ​ຂວາງ ​ແລະ ​ເລິກ​ເຊິ່ງ ກ່ຽວ​ກັບ​​ສາຍພົວພັນມິດຕະພາບອັນເປັນມູນເຊື້ອອັນ​ດີງາມ ​ເປັນ​ເວລາ​ດົນນານ ລະຫວ່າງ ປະຊາຊົນສອງຊາດ, ການຮ່ວມ​ ມື​ທີ່ດີ ແລະ ຄວາມໄວ້ວາງໃຈ ເຊິ່ງກັນ ແລະ ກັນ ຖານບ້ານໃກ້ເຮືອນຄຽງ ລະຫວ່າງ ສປປ ລາວ ກັບ ສສ ມຽນມາ ໃຫ້ແໜ້ນແຟ້ນ ແລະ ມີປະສິດຖິຜົນສູງຍິ່ງໆຂຶ້ນ.

ສອງຝ່າຍໄດ້ຕີລາຄາສູງ​ຕໍ່​ສາຍ​ພົວພັນ​ມິດຕະພາບ ​ອັນ​ເປັນ​ມູນ​ເຊື້ອ ​ແລະ ໝາກຜົນການ ​ຮ່ວມ​ມື​ຂອງສອງປະເທດໃນໄລຍະຜ່ານມາ ນັບແຕ່ໄດ້ສ້າງຕັ້ງ ສາຍພົວພັນການທູດໃນປີ 1955 ເປັນຕົ້ນມາເຊິ່ງປີນີ້ຄົບຮອບ 60 ປີພໍດີທີ່ສອງ ປະເທດພວກເຮົາ ນັບມື້ນັບໄດ້ຮັບການ ເສີມຂະຫຍາຍສາຍພົວພັນ ມິດຕະພາບຢ່າງບໍ່ຢຸດຢັ້ງ ​ແລະ ​ໄດ້ສະແດງອອກ ​ໃນ​ການແລກ ປ່ຽນການຢ້ຽມຢາມ ຂອງຄະນະຜູ້ແທນ ລະດັບສູງຢ່າງຕໍ່ເນື່ອງ ອັນເປັນ ພື້ນຖານ ອັນໜັກແໜ້ນ ໃຫ້ແກ່ການຊຸກຍູ້ ການຮ່ວມມື ໃນຂະແໜງການຕ່າງໆ ຂອງສອງປະເທດໃຫ້ ມີປະສິດທິຜົນຍິ່ງໆຂຶ້ນ, ມີຄວາມໄວ້ເນື້ອເຊື່ອໃຈກັນ, ມີຄວາມຮັກແພງ ເຂົ້າອົກເຂົ້າໃຈກັນ ແລະ ໃຫ້ການສະໜັບ ສະໜູນເຊິ່ງກັນ ແລະ ກັນໃນເວທີພາກພື້ນ ແລະ ສາກົນ.

ທັງສອງ​ຝ່າຍ​ມີ​ຄວາມປິ​ຕິ​ຊົມ​ຊື່ນ​ເປັນ​ຢ່າງ​ຍິ່ງ ​​ແລະ ຕີ​ລາຄາ​ສູງຕໍ່ໝາກຜົນ​ການ​ຮ່ວມ​ມື ລະຫວ່າງ ສອງ​ປະ​ເທດ​ລາວ ​ແລະ ມຽນມາ​ ​ໃນ​ຂອບ​ສອງ​ຝ່າຍ ​ແລະ ຫລາຍ ​ຝ່າຍ, ​ທັງ​ສອງ​ຝ່າຍ​ໄດ້​ສະ​ແດງ​ຄວາມ​ຊົມ​ເຊ​ີຍ ຕໍ່​ຜົນ​ສໍາ​ເລັດ​ໂຄງການ​ກໍ່ສ້າງ​ຂົວ​ມິດຕະພາບ​ຂ້າມ​ແມ່​ນ້ຳຂອງ​ ລາວ-ມຽນມາ ທີ່​ໄດ້​ຈັດ​ພິທີ​ເປີດ​ນໍາ​ໃຊ້​ຂົວ​ດັ່ງກ່າວ ຢ່າງ​ເປັນ​ທາງ​ການ​ໃນ​ຕົ້ນເດືອນພຶ​ ດສະພາ2015 ຜ່ານມານີ້ ໂດຍ ມີການນຳຂັ້ນສູງ ຂອງທັງສອງປະເທດເຂົ້າຮ່ວມ, ພ້ອມ​ທັງ​ເຫັນ​ດີ​ເປັນ​ເອກະ​ພາບ ສືບ​ຕໍ່​ຊຸກຍູ້​​ແລກປ່ຽນ​ການ​ຢ້ຽມຢາມ​ເຊິ່ງ​ກັນ ​ແລະ ກັນ ລະຫວ່າງ ການ​ນໍາ​ຂັ້ນ​ສູງ ​ແລະ ຂັ້ນ​ຕ່າງໆ​ ໃນ​ທຸກ​ລະດັບ ນັບ​ແຕ່​ສູນ​ກາງ​ລົງ​ຮອດ​ທ້ອງ​ຖິ່ນ ​ເພື່ອ​ປຶກສາ​ຫາລື ​ແລະ ຖອດ​ຖອນ​ບົດຮຽນ​ດ້ານ​ການ​ຮ່ວມ​ມື​ສອງ​ຝ່າຍ ທີ່ ​ມີ​ມາ​ແລ້ວ​ນັ້ນ​ ໃຫ້​ນັບມື້ມີ​ປະສິດທິ​ຜົນ​ຂຶ້ນ​ເລື້ອຍໆ. ຊຸກຍູ້ສອງຝ່າຍພ້ອມກັນສຶບຕໍ່ຈັດຕັ້ງປະຕິບັດ ແລະ ຜັນຂະຫຍາຍ ບົດບັນທຶກ ກອງປະຊຸມຄະນະກຳມະການຮ່ວມ ວ່າດ້ວຍການຮ່ວມມືສອງຝ່າຍລາວ-ມຽນ ຄັ້ງທີ11 ໃນຕົ້ນເດືອນມີ ນາ 2015 ຜ່ານມາ ທີ່ນະຄອນຫລວງເນປີດໍ

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...