ມີຂ່າວເຕືອນໄພທາງສື່ອອນລາຍອອກມາ ເມື່ອວັນທີ 19/7/2015 ຢ່າງ ເນື່ອງນິດລຽນຕິດກ່ຽວກັບສະພາບເສັ້ນທາງ ປາກຊັນ-ທ່າສີ ແຂວງບໍລິຄຳໄຊ ຈາກສະພາບເສັ້ນທາງທີ່ເປ່ເພມາເປັນ ເວລາດົນນານ ຢາງປູໜ້າທາງບໍ່ຫຼົງເຫຼືອ ແຕ່ໄດ້ຮັບການສ້ອມແປງມາເລື້ອຍໆ ໂດຍມີການປັບໜ້າທາງ ຢຽບດິນໃຫ້ແໜ້ນກ່ອນລະດູຝົນຈະມາເຖິງ ແຕ່ເມື່ອເຖິງລະດູຝົນແທ້ໆ ຕົກຕິດຕໍ່ກັນຫຼາຍວັນທີ່ຜ່ານມານີ້ ເຮັດໃຫ້ເສັ້ນທາງດັ່ງກ່າວເກີດເປັນຕົມ ມື່ນຈົນເກືອບໃຊ້ການບໍ່ໄດ້ ໂດຍສະເພາະແມ່ນລົດນ້ອຍແມ່ນບໍ່ສາມາດ ຜ່ານໄປໄດ້ ເຮັດໃຫ້ລົດຕ້ອງຈອດລໍຖ້າຢ່າງອັ່ງອໍ.
ດັ່ງນັ້ນ, ຖ້າໃຜມີຈຸດປະສົງຈະເດິນທາງຜ່ານ ເສັ້ນທາງດັ່ງກ່າວ ຂໍໃຫ້ສອບຖາມ ສະພາບເສັ້ນທາງດັ່ງກ່າວຈາກຜູ້ຢູ່ໃນທ້ອງຖິ່ນ ຫຼືພາກສ່ວນທີ່ກ່ຽວຂ້ອງສາກ່ອນ ເພາະອາດຈະເປັນອັນຕະລາຍຕໍ່ການເດິນທາງ ຂອງທ່ານໄດ້.
