ສຳນັກຂ່າວຕ່າງປະເທດ ລາຍງານໃນວັນທີ 6 ກໍລະກົດຜ່ານມານີ້ວ່າ ກຳປູເຈຍໄດ້ສົ່ງອອກເຂົ້າໄປແລ້ວ 283,825 ໂຕນ ໃນໄລຍະ 6 ເດືອນຕົ້ນປີ 2015 ນີ້ ເຊິ່ງເພີ່ມຂຶ້ນຈາກໄລຍະດຽວກັນຂອງປີກາຍເຖິງ 59.9% ໂດຍຂໍ້ມູນຈາກສຳນັກງານບໍລິການພິທີການສົ່ງອອກເຂົ້າຂອງກຳປູເຈຍລະບຸວ່າ ມີບໍລິສັດ 72 ແຫ່ງ ໄດ້ສົ່ງອອກເຂົ້າກຳປູເຈຍ ໄປຍັງ 51 ປະເທດ ແລະ ເຂດແຄ້ວນທົ່ວໂລກ ໂດຍຜູ້ຊື້ລາຍໃຫຍ່ 3 ອັນດັບຕົ້ນແມ່ນ ຈີນ, ຝຣັ່ງ ແລະ ໂປໂລຍ.

ທັງນີ້ ກຳປູເຈຍສາມາດຜະລິດເຂົ້າໄດ້ຫລາຍກ່ວາ 9 ລ້ານໂຕນຕໍ່ປີ ແລະ ມີເຫລືອສົ່ງອອກຂາຍໃນແຕ່ລະປີ ຫລາຍກ່ວາ 3 ລ້ານໂຕນ ໂຍສະເພາະໃນປີ 2010 ເປັນຕົ້ນມາ ກຳປູເຈຍໄດ້ດຳເນີນຍຸດທະສາດສົ່ງເສີມເຂົ້າ ໂດຍຕັ້ງເປົ້າສົ່ງອອກ 1 ລ້ານໂຕນ ພາຍໃນປີ 2015 ນີ້.