ການ​ຕຽມ​ເຊື້ອ​ສຳລັບ​ເພາະ​ເ​ຫັດ

ການ​ຕຽມ​ວັດ​ສະດຸ​ສຳລັບ​ການ​ເພາະ​ເຫັດ: ວັດສະ​ດຸສຳລັບ​ເພາະ​ທີ່​ໃຊ້​ກັນ​ໂດຍ​ທົ່ວ​ໄປຄື​ຂີ້​ເລື່ອຍ​ປະສົມ​ຮ່ຳ​ລະອຽດ 10-20 % ແລະ​ປະສົມ​ແກບ 5-10 % ເຊື້ອ​ເຫັດ​ທີ່​ຈະ​ນຳ​ມາ​ປູກ ສຸດ​ທ້າຍ​ກະຕຸກພາດ​ສະຕິກ​ທົນ​ຄວາມ​ຮ້ອນ​ສູງ
*ຂໍ​ແນະ​ນຳ ຂີ້​ເລື່ອຍ​ຄວນກອງ​ນ້ຳ​ກອງ​ປະ​ໄວ້​ຈົນ​ນ້ຳ​ທີ່​ໄຫລ​ຊຶມ​ອອກ​ມາ​ມີ​ສີ​ໃສໆ

ວິທີ​ເພາະ​ເຫັດ

      ເລີ່ມ​ລົງ​ມື​ປູກ ເຊື້ອ​ທີ່​ຈະ​ນຳ​ມາ​ເພາະ​ເຫັດ​ທາງ​ທີ່​ດີ​ຄວນ​ອົບ​ຂ້າ​ເ​ຊື້ອມາກ່ອນແລ້ວກະຕຸກຂີ້​ເລື່ອຍ​ໃຫ້​ເຢັນ​ປະ​ມານ 20 ອົງ​ສາ​ ​ຈຶ່ງ​ຈະ​ໃສ່​ເຊື້ອ​ການ​ເພາະ​ເຫັດ​ລົງ​ໄປ​ໃນກະຕຸກ​ທີ່​ເຮົາ​ກຽມ​ໄວ້ຈາກ​ນັ້ນ​ກໍ​ບົ່ມ​ເຊື້ອ​ໂດຍ​ການ​ນຳເອົາກະຕຸກ​ເພາະ​ທີ່​ໃສ່​ເຊື້ອ​ເຫັດ​ໄປ​ຕັ້ງ​ໄວ້​ໃນ​ຫ້ອງ​ທີ່​ອຸນຫະພູມ​ຢູ່​ລະຫວ່າງ 8-12 ອົງ​ສາ​ຊຶ່ງ​ຈະ​ເຮັດໃຫ້​ອຸນຫະພູມ​ພາຍ​ໃນ​ກະຕຸກ​ຂີ້​ເລື່ອຍ​ເໝາະ​ຕໍ່​ການ​ຈະເລີນ​ເຕີບໂຕ​ຂອງ​ເສັ້ນ​ໃຍ​ເຫັດ ໃຊ້​ເວລາ 25-30 ມື້ເຊື້ອ​ຈະ​ເລີນ​ເຕັມ​ກະຕຸກເມື່ອ​ເຊື້ອ​ຈະເລີນ​ເຕັມ​ກະຕຸກ ໃຫ້​ເປີດ​ຝາ​ອອກ​ແລ້ວ​ໃຊ້​ເຫລັກ​ປາຍ​ແບນ​ງໍ​ຄືຊ້ອມຂູດ​ເອົາ​ສ່ວນ​ໜ້າຫລື​ສ່ວນ​ທີ່​ເປັນ​ເຊື້ອ​ຂີ້​ເລື່ອຍ​ອອກ​ໃຫ້​ໜ້າ​ລຽບນຳ​ໄປ​ໄວ້​ໃນ​ອຸນ​ຫະ​ພູມ​ຫ້ອງ​ທີ່ 10-15 ອົງ​ສາ ຮັກສາອຸນ​ຫະພູມ​​ໃຫ້​ສະ​ໝ່ຳ​ສະເໝີ ໃຊ້​ເວລາ 5-10 ມື້ເຫັດ​ກໍ​ຈະ​ສ້າງ​ຕຸ່ມ​ດອກແລ້ວ​ກໍ​ລ້ຽງ​ຕໍ່​ຈົນ​ດອກ​ເຫັດ​ໂຜ່​ຈາກ​ປາກ​ກະຕຸກ 2-3 ເຊນ​ຕິ​ແມັດກໍ​ນຳ​ເຫັດ​ໄປ​ຮັບປະທານ​ໄດ້​ແລ້ວ​