ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ໃນ​ໄລຍະ​ນີ້, ຮ່ອງ ຄວາມກົດດັນ ອາກາດຕໍ່າຂອງອາກາດຮ້ອນຍັງຈະພັດຜ່ານຢູ່ ແຂວງພາກເໜືອຫາ ພາກກາງຂອງ ລາວປ່ອງເຂົ້າສູ່ພະຍຸ ກູຈີຣາ (KUJIRA) ຫົວທີ 8, ຊຶ່ງປະຈຸບັນມີຈຸດທີ່ຕັ້ງຢູ່ເສັ້ນ ຂະໜານທີ 20.2 ອົງສາເໜືອ ແລະ ເສັ້ນແວງ 106.9 ອົງສາຕາ​ເວັນ​ອອກພວມ ເຄື່ອນ ທີ່ໄທິດຕາເວັນຕົກ ຊ້າໆ, ເຮັດໃຫ້ມີຝົນຕົກ​ຟ້າຄະນອງໃນລະດັບຄ່ອຍ ແລະ ຕົກປານກາງຢູ່​ບາງທ້ອງຖິ່ນແຂວງພາກເໜືອຫາພາກກາງພ້ອມມີລົມພັດແຮງ ເປັນບາງໂອກາດ. ຈາກນັ້ນ ລົມມໍ ລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນ ພັດປົກຄຸມຢູ່ທົ່ວທຸກພາກຂອງລາວ,ຊຶ່ງຈະເຮັດໃຫ້ມີຝົນຕົກ​ຟ້າຄະນອງໃນລະດັບຄ່່ອຍ ຫາປານກາງຫລາຍຂຶ້ນ ແລະ ຕົກໜັກ ພ້ອມມີ ລົມພັດແຮງເປັນບາງໂອ ກາດຢູ່ບາງທ້ອງ ຖິ່ນໃນແຕ່ລະພາກ, ນັບທັງນະຄອນຫລວງວຽງຈັນ.

ສະພາບອຸນຫະພູມອາກາດ ຍັງຈະຮ້ອນທຳມະດາ, ​ໂດຍ​ສະ​ເພາະຢູ່ແຂວງພາກເໜືອ ດ້ານຕາ ເວັນຕົກລົງຫາພາກກາງ. ຈາກນັ້ນ ອຸນຫະພູມອາກາດ ໂດຍທົ່ວໄປຈະເຢັນລົງ ເລັກນ້ອຍຢູ່ແຕ່ລະພາກ ໂດຍສະເພາະແຂວງພາກເໜືອດ້ານຕາ ເວັນອອກ, ແຂວງໄຊ ສົມບຸນ ແລະ ພູພຽງບໍລະເວນປາກຊ່ອງ.

ໃນໄລຍະວັນທີ 24-26/06/15 ​ແມ່ນມີຝົນຕົກ​ຟ້າຄະນອງກະຈາຍໃນລະດັບຄ່ອຍຫາ ປານກາງຢູ່ບາງທ້ອງຖິ່ນໃນແຂວງພາກເໜືອດ້ານຕາເວັນອອກລົງຫາພາກກາງ ແລະ ພາກໃຕ້ ວັນທີ 27—28/06/15 ຈະມີຝົນຕົກຟ້າຄະນອງກະຈາຍຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.

ແຫລ່ງຂ່າວ: ລາວພັດທະນາ