ການສອບເສັງຈົບຊັ້ນ ມໍ4 ຂອງນັກຮຽນສາຍສາມັນທົ່ວປະເທດ ເຊິ່ງຖືວ່າປີນີ້ແມ່ນປີທຳອິດທີ່ທາງກະຊວງສຶກສາທິການ ແລະ ກິລາ ໄດ້ໂອນມອບໜ້າທີ່ການສຳເນົາຫົວບົດສອບເສັງຊັ້ນດັ່ງກ່າວໃຫ້ແຕ່ລະແຂວງເປັນຜູ້ຮັບຜິດຊອບ ແລະ ແຂວງ ເຊກອງກໍເປັນແຂວງໜຶ່ງທີ່ໄດ້ມີການຈັດຕັ້ງປະຕິບັດຢ່າງເຂັ້ມແຂງ, ເຂັ້ມງວດ ແລະ ມີຄວາມຮັບຜິດຊອບສູງ ເຊິ່ງສະແດງອອກບ່ອນວ່າໄດ້ມີການຄັດເລືອກບຸກຄະລາກອນທີ່ຈະມາຮັບໃຊ້ຕໍ່ໜ້າວຽກດັ່ງກ່າວມາຜ່ານກົດລະບຽບ-ຂໍ້ຫ້າມຕາມທົ່ວທາງກະຊວງວາງອອກຢ່າງເຂັ້ມງວດ ແລ້ວສົ່ງເຂົ້ານອນສູນເປັນເວລາ 10 ວັນ (8 ຫາ 18/6/2015).ຕະຫຼອດໄລຍະເວລາທີ່ນອນສູນໄດ້ມີກົດລະບຽບຄື: ຫ້າມໃຊ້ໂທລະສັບ-ເຄື່ອງມືສື່ສານທຸກຊະນິດ, ຫ້າມອອກຈາກເຂດທີ່ກຳນົດ ຫຼື ໂອລົມກັບຄົນພາຍນອກຢ່າງເດັດຂາດ.
ການປະຕິບັດໜ້າທີ່ໃນຄັ້ງນີ້ເຊິ່ງພາຍໃຕ້ການເປັນປະທານສູນແມ່ນທ່ານ ອຈ ຂັນແກ້ວ ໂຮມອິນຕາ ຮອງຫົວໜ້າພະແນກສຶກສາທິການ ແລະ ກິລາ ແຂວງ ໂດຍການຊີ້ນຳຢ່າງໃກ້ຊິດ ຈາກທ່ານ ອຈ ຊົມພູ ພູດາວົງ ຮອງຫົວໜ້າ ພະແນກມັດທະຍົມ, ກົມມັດທະຍົມ ກະຊວງສຶກສາ
ພະນັກງານທີ່ໄດ້ເຂົ້ານອນສູນໃນຄັ້ງນີ້ມີຈຳນວນທັງໝົດ17 ທ່ານ, ຍິງ 0 ທ່ານ (ແມ່ຄົວ 2 ທ່ານ, ຍິງ 2 ທ່ານ)ເຊິ່ງສ່ວນໃຫຍ່ແມ່ນພ/ງ ພາຍໃນພະແນກ ແລະ ໂຮງຮຽນທີ່ຂຶ້ນກັບ.
ແຂວງເຊກອງມີສູນສອບເສັງທັງໝົດ 7 ສູນ ມີຫ້ອງສອບເສັງທັງໝົດ 65 ຫ້ອງ, ມີນັກສອບເສັງທັງໝົດ 1.542 ຄົນ, ຍິງ 714 ຄົນ