ສຳນັກຂ່າວຕ່າງປະເທດ ລາຍງານໃນວັນທີ 18 ມິຖຸນາຜ່ານມານີ້ວ່າ ທະຫານຊາຍແດນບັງກະລາເທດ ແລະ ມຽນມາ ປະທະກັນຢູ່ກາງແມ່ນ້ຳນາບ ເຊິ່ງເປັນແມ່ນ້ຳແບ່ງຊາຍແດນລະຫວ່າງສອງປະເທດ ຍ້ອນຄວາມເຂົ້າໃຈຜິດຄິດວ່າແມ່ນພວກລັກລອບຄ້າມະນຸດ ເຮັດໃຫ້ຝ່າຍບັງກະລາເທດ ໄດ້ຮັບບາດເຈັບ 1 ຄົນ ແລະ ທະຫານມຽນມາ ຈັບໂຕໄວ້ອີກ 1 ຄົນ.
ຊາວປະມົງໃນທ້ອງຖິ່ນໄດ້ລະບຸວ່າ ເຈົ້າໜ້າທີ່ທະຫານມຽນມາໄດ້ຍິງປືນມາໃສ່ເຮືອກວດກາຂອງທະຫານຊາຍແດນບັງກະລາເທດ ເນື່ອງຈາກທະຫານມຽນມາຄິດວ່າແມ່ນເຮືອຂອງພວກລັກລອບຄ້າມະນຸດ ຫລື ສິ່ງຜິດກົດໝາຍ.
ແນວໃດກໍຕາມ ເຈົ້າໜ້າທີ່ຊາຍແດນບັງກະລາເທດໄດ້ລະບຸວ່າ ບັນຫາທີ່ເກີດຂຶ້ນນີ້ຈະໄດ້ຮັບການແກ້ໄຂຢູ່ກອງປະຊຸມລະຫວ່າງສອງປະເທດ ເຊິ່ງຈະຈັດຂຶ້ນທີ່ບໍລິເວນຊາຍແດນ ແຕ່ກໍຍັງບໍ່ທັນມີກຳນົດເວລາເທື່ອ.