spot_img
Homeຂ່າວພາຍ​ໃນບໍລິສັດ ຜະລິດໄຟຟ້າລາວ ມະຫາຊົນ ມີຄວາມກ້າວໜ້າ ຫລັງອອກສະເໜີຂາຍຮຸ້ນຕໍ່ມວນຊົນ!

ບໍລິສັດ ຜະລິດໄຟຟ້າລາວ ມະຫາຊົນ ມີຄວາມກ້າວໜ້າ ຫລັງອອກສະເໜີຂາຍຮຸ້ນຕໍ່ມວນຊົນ!

Published on

EDLgen

ທ່ານ ບຸນອູ້ມ ສີວັນເພັງ ອຳນວຍການໃຫຍ່ບໍລິສັດຜະລິດໄຟຟ້າລາວມະຫາຊົນ (EDL- GEN) ໄດ້ໃຫ້ຮູ້ຫລັງຈາກບໍລິສັດໄດ້ຈົດທະບຽນເຂົ້າໃນຕະຫລາດຫລັກ ຊັບລາວມາເປັນໄລຍະ 4 ປີ, ເຊິ່ງເຮັດໃຫ້ເຫັນເຖິງຂໍ້ດີຂອງການເຂົ້າຈົດທະບຽນ ໃນຕະຫລາດຫລັກຊັບຢ່າງຫລວງ ຫລາຍເປັນຕົ້ນ: ການດຳເນີນງານຂອງບໍລິສັດ ແມ່ນມີມາດຕະ ຖານສາກົນ, ການເຂົ້າເຖິງແຫລ່ງທຶນກໍມີຄວາມງ່າຍດາຍ ແລະ ການບຳລຸງຮັກສາເຂື່ອນກໍເປັນໄປຕາມມາດຕະຖານ,ຂະນະທີ່ເມື່ອມີຜູ້ເຂົ້າມາ ຖືຮຸ້ນຂອງບໍລິສັດເພີ່ມຂຶ້ນກໍເຮັດໃຫ້ມີການອອກຄຳຄິດເຫັນທີ່ຫລາກຫລາ ຍ ທີ່ເປັນປະໂຫຍດຂອງການພັດທະນາບໍລິສັດ, ນອກຈາກນີ້ ຜົນການດຳເນີນ ທຸລະກິດຂອງບໍລິສັດຍັງເຕີບໂຕຕໍ່ເນື່ອງ ແລະມີການຈ່າຍເງິນປັນຜົນທຸກປີ.

ອຳນວຍການບໍລິສັດ EDL- GEN ກ່າວວ່າ: ໂດຍສ່ວນຕົວຂ້າພະເຈົ້າແລ້ວເຫັນວ່າການເຂົ້າຈົດທະບຽນໃນຕະ ຫລາດຫລັກຊັບແມ່ນເປັນເລື່ອງທີ່ດີຫລາຍ, ເພາະວ່າກ່ອນໜ້ານີ້ບໍລິສັດໃຊ້ແຕ່ເງິນຂອງລັດຖະບານ, ແຕ່ເມື່ອເຂົ້າຈົດທະ ບຽນໃນຕະຫລາດຫລັກຊັບແລ້ວກໍເຮັດໃຫ້ມີທາງເລືອກແຫລ່ງທຶນເພີ່ມຂຶ້ນ, ເນື່ອງຈາກບໍລິສັດດຳເນີນທຸລະກິດທີ່ກ່ຽວຂ້ອງກັບໄຟຟ້າເຮັດໃຫ້ມີເຂື່ອນຈຳນວນຫລາຍແຫ່ງທີ່ຕ້ອງໄດ້ບຳລຸງຮັກສາ ແລະແຕ່ລະປີຕ້ອງໄດ້ໃຊ້ງົບປະມານເປັນຈຳນວນຫລາຍຍ້ອນບໍລິສັດມີແຜນຂະຫຍາຍກຳລັງການຜະລິດເພື່ອໃຫ້ເປັນໄປຕາມເປົ້າໝາຍຄື: ມີກຳລັງການຜະລິດໄຟຟ້າໃຫ້ໄດ້ 2.400 ເມກາວັດໃນປີ 2022. ຈາກແຜນດຳເນີນງານທີ່ລະອຽດຊັດເຈນເຮັດ ໃຫ້ບໍລິສັດມີແຜນໃຊ້ເງິນລົງທຶນຢ່າງຕໍ່ເນື່ອງ, ໂດຍແຜນການລະດົມທຶນຂອງບໍລິສັດຢູ່ລະຫວ່າງການສຶກສາຊ່ອງທາງດ້ານ ແຫລ່ງທຶນໃນແນວທາງຄື: ການອອກຮຸ້ນກູ້, ກູ້ຈາກສະຖາບັນການເງິນ ແລະ ເພີ່ມທຶນ ແລະ ໄລຍະຜ່ານມາ, ບໍລິສັດໄດ້ລະດົມທຶນໄປແລ້ວ 2 ຄັ້ງຄື: ການສະເໜີຂາຍຮຸ້ນສາມັນເພື່ອເພີ່ມທຶນໃຫ້ກັບປະຊາຊົນທົ່ວໄປຈຳນວນ 217 ລ້ານກວ່າຮຸ້ນ, ລາຄາສະເໜີຂາຍ 4 ພັນກີບ, ໄດ້ເງິນຈາກການລະດົມທຶນຈຳນວນ 856 ຕື້ກວ່າກີບ. ສ່ວນຄັ້ງທີສອງສະເໜີຂາຍຮຸ້ນໃຫ້ກັບນັກລົງທຶນໃນວົງຈຳກັດຈຳນວນ 105 ລ້ານກວ່າຮຸ້ນ, ລາຄາສະເໜີຂາຍ 4.800 ກີບ, ໄດ້ເງິນລະດົມທຶນ 505 ຕື້ກວ່າກີບ.

ທ່ານອຳນວຍການ EDL- GEN ກ່າວວ່າ: ການກ້າວສູ່ການເຂົ້າເປັນປະຊາຄົມເສດຖະກິດອາຊຽນໃນທ້າຍປີ 2015 ນີ້, ບໍລິສັດໄດ້ມີແຜນການກະກຽມຄວາມພ້ອມສົມຄວນ, ໂດຍສະເພາະດ້ານບຸກຄະລະກອນຕ້ອງມີຄວາມ ຮູ້ຄວາມສາມາດລະ ດັບແນ່ນອນກົງກັບໜ້າວຽກ ແລະ ຮູ້ຈັກນຳໃຊ້ເຕັກໂນໂລຊີເຂົ້າໃນການເຮັດວຽກຢ່າງມີປະສິດທິຜົນ, ໂດຍຜ່ານການຍົກລະ ດັບທາງດ້ານວິຊາສະເພາະທັງຢູ່ພາຍໃນ ແລະ ຕ່າງປະເທດ.

 

ແຫລ່ງຂ່າວ: ລາວພັດທະນາ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...