spot_img
Homeຂ່າວທ້ອງຖິ່ນຊາວໜຸ່ມອຸດົມໄຊສຳເລັດການເປີດຂະບວນການຂໍ້ແຂ່ງຂັນ 4 ບຸກ

ຊາວໜຸ່ມອຸດົມໄຊສຳເລັດການເປີດຂະບວນການຂໍ້ແຂ່ງຂັນ 4 ບຸກ

Published on

ພິທີໄດ້ຈັດຂື້ນໃນຕອນແລງຂອງວັນທີ 11 ມີຖຸນາ 2015 ນີ້, ຢູ່ທີ່ສະໂມສອນຂອງ ພະແນກສຶກສາທິການ ແລະ ກິລາແຂວງອຸດົມໄຊ (ສກຂ) ເປັນກຽດເຂົ້າຮ່ວມມີ ສະຫາຍ ສົມສະນິດ ສຸດທິວົງ ຄະນະພັກຮາກຖານ (ສກຂ), ສະຫາຍ ບຸນທັນ ສຸລິຍະວົງ ເລຂາຄະນະບໍລິຫານງານຊາວໜຸ່ມແຂວງ, ສະຫາຍ ແກ້ວ ເພັດມະນີ ເລຂາໜ່ວຍຊາວໜຸ່ມ (ສກຂ) ພ້ອມດ້ວຍຄະນະ ແລະ ສະມາຊິກຊາວໜຸ່ມພາຍໃນໜ່ວຍ (ສກຂ) ເຂົ້າຮ່ວມນໍາ ຈຳນວນ 44 ສະຫາຍ,ຍິງ 20 ສະຫາຍ.

ພາຍຫຼັງທາງຄະນະຈັດຕັ້ງໄດ້ຜ່ານຂໍ້ຕົກລົງ ແລະ ໃບອະນຸມັດແລ້ວ ສະຫາຍ ແກ້ວ ເພັດມະນີ ເລຂາໜ່ວຍຊາວໜຸ່ມ (ສກຂ) ໄດ້ຂື້ນຜ່ານແຜນການຈັດຕັ້ງປະຕິບັດເນື້ອໃນ ຂໍ້ແຂ່ງຂັນ 4 ບຸກຂອງໜ່ວຍ ປະຈຳສົກປີ 2014-2015 ເຊິ່ງມີເນຶ້ອໃນຕິດພັນກັບວຽກງານວິຊາສະເພາະຂອງພະນັກງານພາຍໃນໜ່ວຍ, ເມື່ອເຫັນດີເປັນເອກະພາບຮັບຮອງເອົາແຜນການດັ່ງກ່າວແລ້ວ, ຕາງໜ້າແຕ່ລະໜ່ວຍ ກໍໄດ້ພ້ອມກັນຂື້ນຈັບມືແຂ່ງຂັນກັນປະຕິບັດຕາມແຜນການຂໍ້ແຂ່ງຂັນ 4 ບຸກທີ່ວາງໄວ້.


ໃນໂອກາດນີ້ ສະຫາຍ ບຸນທັນ ສຸລິຍະວົງ ເລຂາຄະນະບໍລິຫານງານຊາວໜຸ່ມແຂວງ ໄດ້ໃຫ້ຄໍາໂອວາດ ບາງຕອນສະຫາຍໄດ້ເນັ້ນໜັກວ່າ: ‘’ ການເປີດຂະບວນການຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມ (ສກຂ) ໃນຄັ້ງນີ້ ແມ່ນສຸດທີ່ມີຄວາມໝາຍສໍາຄັນ ເພາະເປັນການສ້າງຂະບວນການແຂ່ງຂັນວຽກດີພົ້ນເດັ່ນ ພາຍໃນກົມກອງຂອງຕົນ ໂດຍຕິດພັນກັບວຽກງານວິຊາສະເພາະໃຫ້ມີບາດກ້າວດີຂື້ນໃນການຈັດຕັ້ງປະຕິບັດໜ້າທີ່ວຽກງານຂອງແຕ່ລະສະຫາຍ ທັງເປັນການນໍຳເອົາແນວທາງນະໂຍບາຍຂອງພັກມາຜັນຂະຫຍາຍໃຫ້ປາກົດຜົນເປັນຈິງ, ສ້າງຄວາມເຂັ້ມແຂງພາຍໃນໜ່ວຍ ແລະ ເປັນເງື່ອນໄຂທີ່ຊຸກຍູ້ໃຫ້ໜ່ວຍພັກກາຍເປັນໜ່ວຍພັກແຂງຮູ້ນໍາພາຮອບດ້ານ ໂດຍມີກໍາລັງແຮງຊາວໜຸ່ມທີປຽບດັ່ງແຂນຂວາ.‘’


ຈາກນັ້ນ ສະຫາຍ ແກ້ວ ເພັດມະນີ ເລຂາໜ່ວຍຊາວໜຸ່ມ (ສກຂ) ກໍໄດ້ຕ່າງໜ້າໃຫ້ສະມາຊິກພາຍໃນໜ່ວຍ ຂື້ນຮັບຄໍາໂອວາດ ແລະ ກ່າວສະແດງຄວາມຂອບໃຈທີ່ທາງຂັ້ນເທິງໃຫ້ການໃກ້ຊິດຕິດແທດ ພ້ອມທັງປະຕິຍານວ່າ ຈະພ້ອມກັນສູ້ຊົນໃຫ້ໜ່ວຍຊາວໜຸ່ມ (ສກຂ) ກາຍເປັນໜ່ວຍປະສົບຜົນສໍາເລັດ 4 ບຸກຕາມຈຸດປະສົງ.

11390052_1587741751476646_6810816199271523468_n

11390198_1587741694809985_7201331742922716424_n

11421370_1587741891476632_2612488123436933924_n

10405581_1587741534810001_4405669314521539956_n

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...