spot_img
Homeສຸຂະພາບ ແລະ ສີ່ງແວດລ້ອມພະຍາດຫລອດເລືອດສະຫມອງຮັບມືໄວຫລຸດອຳພາດແລະເສຍຊີວິດໄດ້

ພະຍາດຫລອດເລືອດສະຫມອງຮັບມືໄວຫລຸດອຳພາດແລະເສຍຊີວິດໄດ້

Published on

2ca6921a-9364-4878-8fad-ea96b7593abe

ພະຍາດ​ຫລອດ​ເລືອດ​ສະຫມອງອັນຕະລາຍ​ເຖິງ​ຊີວິດ ຫລື​ອາດ​ກາຍ​ເປັນ​ອຳ​ມະພຶກ,ອຳ​ມະພາດແນະນໍາ​ໃຫ້​ສັງເກດ​ອາການດ້ວຍ​ຕົນເອງ​ຕາມ​ຫລັກFASTຖ້າ​ພົບ​ຄວາມ​ຜິດ​ປົກກະຕິຄວນ​ຮີບ​ພົບ​ແພດ​ໂດຍ​ໄວຫລຸດ​ອັດຕາ​ພິ​ການ​ຫລື​ເສຍຊີວິດໄດ້

ວັນທີ່24ພຶດສະພາຂອງ​ທຸກ​ປີອົງການ​ອະນາໄມ​ໂລກ​ກຳນົດ​ໃຫ້ເປັນ​ມື້​ອຳ​ມະພຶກ,ອຳ​ມະພາດ​ໂລກຫລືມື້​ຫລອດ​ເລືອດ​ສະຫມອງເພື່ອ​ປຸກລະດົມໃຫ້​ປະຊາຊົນ​ເກີດ​ຄວາມ​ຕື່ນ​ໂຕໃນ​ການ​ປ້ອງ​ກັນພະຍາດ​ຫລອດ​ເລືອດ​ສະຫມອງຫລື​ທີ່​ເອີ້ນວ່າ​ພະຍາດ​ອຳ​ມະພຶກ,ອຳ​ມະພາດ

ພະຍາດ​ຫລອດ​ເລືອດ​ສະຫມອງເປັນ​ສາ​ເຫດ​ການ​ເສຍຊີວິດ​ອັນ​ດັບ3ຮອງ​ຈາກ​ພະຍາດ​ມະ​ເຮັງ​ແລະ​ພະຍາດ​ຫົວ​ໃຈ​ຕາມ​ລຳ​ດັບແລະ​ຍັງ​ພົບ​ວ່າ​ເປັນ​ພະຍາດ​ທີ່​ພົບ​ເລື້ອຍໆ​ທີ່ສຸດ​ຂອງ​ພະຍາດ​ທາງ​ລະບົບ​ປະສາດຊຶ່ງ​ເປັນ​ສາ​ເຫດ​ຂອງ​ການ​ເສຍຊີວິດ​ຫລື​ຄວາມ​ພິ​ການ ແບ່ງ​ເປັນ2ປະ​ເພດຄື:ຫລອດ​ເລືອດ​ສະຫມອງ​ຕີບ​ຫລື​ອຸດ​ຕັນເປັນ​ສາ​ເຫດ​ສ່ວນ​ໃຫຍ່​ທີ່​ເຮັດໃຫ້​ເກີດ​ພະຍາດ​ຫລອດ​ເລືອດ​ສະຫມອງພົບ​ໄດ້​ປະ​ມານ​ຮ້ອຍ​ລະ80ແລະ​ຫລອດ​ເລືອດ​ສະຫມອງ​ແຕກ​ຫລື​ຈີກ​ຂາດພົບ​ໄດ້​ປະ​ມານຮ້ອຍ​ລະ 20

ຖ້າປະຊາຊົນ​ຮູ້​ຈັກ​ເບິ່ງແຍງ​ຕົນເອງແລະ​ໝັ່ນ​ສຳ​ຫລວດ​ຄວາມ​ຜິດ​ປົກກະຕິ​ຂອງ​ຮ່າງກາຍ​ຢູ່​ສະເໝີຈະ​ສາມາດ​ປ້ອງ​ກັນ​ແລະ​ຫລຸດ​ຄວາມ​ຮຸນແຮງ​ຂອງ​ພະຍາດ​ດັ່ງ​ກ່າວ​ໄດ້ໂດຍ​ປັດ​ໄຈ​ສ່ຽງ​ທີ່​ເຮັດໃຫ້​ເກີດ​ພະຍາດ​ຫລອດ​ເລືອດ​ສະຫມອງໄດ້​ແກ່ພາ​ວະ​ຄວາມ​ດັນ​ເລືອດ​ສູງ ເບົາ​ຫວານ,ໄຂ​ມັນ​ໃນ​ເລືອດ​ສູງ,ອາ​ຍຸ​ທີ່​ຫລາຍ​ຂຶ້ນ​ຫລອດ​ເລືອດ​ຈະ​ເສື່ອມ​ໄປ​ນໍາ​ການ​ສູບຢາຂາດ​ການ​ອອກ​ກຳ​ລັງ​ກາຍ​ທີ່​ເໝາະ​ສົມພາ​ວະ​ນ້ຳ​ໜັກ​ເກີນແລະ​ພົບ​ວ່າ​ເພດ​ຊາຍ​ມີ​ຄວາມ​ສ່ຽງ​ຕໍ່​ພະຍາດ​ດັ່ງ​ກ່າວ​ສູງ​ກວ່າ​ເພດ​ຍິງທັງ​ນີ້​ອາການ​ເຕືອນ​ສຳຄັນ​ທີ່​ສັງເກດ​ໄດ້​ດ້ວຍ​ຕົນເອງ​ຕາມ​ຫລັກ​ທີ່​ຈື່ໄດ້​ງ່າຍ​ຄື F A S T

F=FACEຊາ​ຫລື​ອ່ອນ​ແຮງ​ທີ່​​ໜ້າຕາ​ມົວ​ເບິ່ງເຫັນ​ຮູບຊ້ອນ​ຫລື​ເຫັນ​ເຄິ່ງ​ດຽວ

A =ARMອາການ​ແຂນ​ຂາ​ອ່ອນ​ແຮງ​ຂ້າງ​ໃດຂ້າງ​ໜຶ່ງ

S=SPEECHປາກ​ບ້ຽວ,ເວົ້າ​ບໍ່​ແຈ້ງ,ເວົ້າ​ລຳ​ບາກ,ເວົ້າ​ບໍ່​ໄດ້

T=TIMEເວລາ​ທີ່​ຈະ​ຕ້ອງ​ຟ້າວ​ໄປ​ໂຮງໝໍ​ໃຫ້​ໄວ​ທີ່​ສຸດ

ອາການ​ເຫລົ່າ​ນີ້ມັກ​ເກີດ​ຂຶ້ນ​ຢ່າງ​ຮຸນແຮງ​ໃນ​ຄົນທີ່​ມີ​ພາ​ວະ​ສະຫມອງຂາດ​ເລືອດ​ແບບ​ຊົ່ວ​ຄາວອາດ​ມີ​ອາການ​ເຕືອນ​ເຫລົ່າ​ນີ້​ເກີດ​ຂຶ້ນ​ຊົ່ວ​ຂະນະ​ແລ້ວ​ຫາຍ​ໄປ​ເອງຫລື​ອາດ​ເກີດ​ຂຶ້ນ​ໄດ້​ຫລາຍ​ເທື່ອ​ກ່ອນ​ຈະ​ມີ​ອາການ​ສະຫມອງ​ຂາດ​ເລືອດ​ແບບ​ຖາວອນສິ່ງ​ທີ່​ສຳຄັນ​ຄື​ຜູ້​ປ່ວຍ​ຕ້ອງ​ສັງເກດ​ຄວາມ​ຜິດ​ປົກກະຕິ​ຂອງ​ຮ່າງ​ກາຍຖ້າ​ພົບ​ອາການ​ຂ້າງ​ຕົ້ນຕ້ອງ​ຟ້າວ​ໄປ​ພົບ​ໝໍໂດຍ​ໄວ​ທີ່ສຸດຈະ​ສາມາດ​ຊ່ວຍ​ປິ່ນປົວ​ຊີວິດ​ແລະຫ​ລຸດ​ຄວາມ​ພິ​ການ​ທີ່​ຈະ​ເກີດ​ຂຶ້ນເນື່ອງ​ຈາກ​ຈຸລັງ​ສະຫມອງ​ຂາດ​ເລືອດ​ພຽງ1ນາ​ທີຈະ​ມີ​ຈຸລັງສະຫມອງ​ຕາຍ​ປະ​ມານ1 ລ້ານ​ຈຸລັງຖ້າ​ໄດ້ຮັບ​ການ​ປິ່ນປົວ​ຊ້າອາດ​ເຮັດໃຫ້​ເກີດ​ຄວາມ​ພິ​ການ​ຫລາຍ​ຂຶ້ນສຳລັບ​ແນວ​ທາງ​ເພື່ອ​ຫລຸດ​ຄວາມ​ສ່ຽງ​ພະຍາດ​ຫລອດ​ເລືອດ​ສະຫມອງຄື:ກິນ​ອາຫານ​ໃຫ້​ຄົບ5ໝູ່ ຫລີກ​ລ້ຽງ​ອາຫານ​ລົດ​ເຄັມ​,ໄຂ​ມັນ​ສູງ,ຄວບ​ຄຸມ​ລະ​ດັບ​ຄວາມ​ດັນ​ເລືອດ,ໄຂ​ມັນແລະ​ນ້ຳ​ຕານ​ໃນ​ເລືອດ​ໃຫ້​ຢູ່ໃນ​ລະດັບປົກກະຕິອອກ​ກຳ​ລັງ​ກາຍ​ຢ່າ​ງສະຫ​ມ່ຳ​ສະເໝີຫລີກ​ລ້ຽງ​ເຄື່ອງ​ດື່ມ​ແອວກໍຮໍ,ງົດ​ສູບ​ຢາລວມ​ເຖິງ​ກວດ​ສຸຂະພາບ​ປະຈຳ​ປີ​ເພື່ອ​ຄົ້ນ​ຫາ​ປັດ​ໄຈ​ສ່ຽງ ໃນ​ກໍລະນີ​ທີ່​ມີ​ປັດ​ໄຈ​ສ່ຽງ​ຫລື​ຜູ້​ທີ່​ເປັນ​ພະຍາດ​ນີ້​ຢູ່​ແລ້ວຕ້ອງ​ປິ່ນປົວ​ແລະ​ກິນ​ຢາ​ຢ່າ​ງສະ  ຫ​ມ່ຳ​ສະເໝີປະຕິບັດ​ໂຕພາຍໃຕ້​ຄຳ​ແນະ​ນຳ​ຂອງ​ໝໍຢ່າງ​ເຄັ່ງຄັດ​ແລະ​ຮີບ​ໄປ​ພົບ​ໝໍທັນ​ທີ​ຖ້າ​ພົບ​ອາການ​ຜິດ​ປົກກະຕິ

ບົດຄວາມຫຼ້າສຸດ

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...

ຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ

ຖວທ ແຂວງຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ ອີງຕາມແຈ້ງການຂອງພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ລົງເມື່ອວັນທີ 12 ມິຖຸນາ 2025...

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ ເພື່ອຂະຫຍາຍກຳລັງການຜະລິດໃນ ສປປ ລາວ ແລະ ສະໜັບສະໜູນການເຕີບໂຕຂອງຕະຫຼາດໃນພາກພື້ນ ວັນທີ 11 ມິຖຸນາ 2025 ທີ່ແຂວງສະຫວັນນະເຂດ, ເອັສຊີລໍລຸກໂຊຕຕິກ້າ...